1. ва̄дайуттипариха̄ни

239. париха̄йати араха̄ арахатта̄ти? а̄манта̄. саббаттха араха̄ арахатта̄ париха̄йатӣти? на хевам̣ ваттаббе…пе… саббаттха араха̄ арахатта̄ париха̄йатӣти? а̄манта̄. саббаттха арахато париха̄нӣти? на хевам̣ ваттаббе…пе….

париха̄йати араха̄ арахатта̄ти? а̄манта̄. саббада̄ араха̄ арахатта̄ париха̄йатӣти? на хевам̣ ваттаббе…пе… саббада̄ араха̄ арахатта̄ париха̄йатӣти? а̄манта̄. саббада̄ арахато париха̄нӣти? на хевам̣ ваттаббе…пе….

париха̄йати араха̄ арахатта̄ти? а̄манта̄. саббева араханто арахатта̄ париха̄йантӣти? на хевам̣ ваттаббе…пе… саббева араханто арахатта̄ париха̄йантӣти? а̄манта̄. саббесам̣йева араханта̄нам̣ париха̄нӣти? на хевам̣ ваттаббе…пе….

париха̄йати араха̄ арахатта̄ти? а̄манта̄. араха̄ арахатта̄ париха̄йама̄но чатӯхи пхалехи париха̄йатӣти? на хевам̣ ваттаббе…пе….

чатӯхи сатасахассехи сет̣т̣хӣ сет̣т̣хиттам̣ ка̄ренто сатасахассе парихӣне сет̣т̣хитта̄ парихӣно хотӣти? а̄манта̄. саббаса̄патеййа̄ парихӣно хотӣти? на хевам̣ ваттаббе…пе….

чатӯхи сатасахассехи сет̣т̣хӣ сет̣т̣хиттам̣ ка̄ренто сатасахассе парихӣне бхаббо саббаса̄патеййа̄ париха̄йитунти? а̄манта̄. араха̄ арахатта̄ париха̄йама̄но бхаббо чатӯхи пхалехи париха̄йитунти? на хевам̣ ваттаббе…пе….