11. ека̄дасамавагго

(111) 6. идам̣ дуккхантикатха̄

618. ‘‘идам̣ дуккха’’нти ва̄чам̣ бха̄сато ‘‘идам̣ дуккха’’нти н̃а̄н̣ам̣ паваттатӣти? а̄манта̄. ‘‘айам̣ дуккхасамудайо’’ти ва̄чам̣ бха̄сато ‘‘айам̣ дуккхасамудайо’’ти н̃а̄н̣ам̣ паваттатӣти? на хевам̣ ваттаббе…пе… ‘‘идам̣ дуккха’’нти ва̄чам̣ бха̄сато ‘‘идам̣ дуккха’’нти н̃а̄н̣ам̣ паваттатӣти? а̄манта̄. ‘‘айам̣ дуккханиродхо’’ти ва̄чам̣ бха̄сато ‘‘айам̣ дуккханиродхо’’ти н̃а̄н̣ам̣ паваттатӣти? на хевам̣ ваттаббе…пе… ‘‘идам̣ дуккха’’нти ва̄чам̣ бха̄сато ‘‘идам̣ дуккха’’нти н̃а̄н̣ам̣ паваттатӣти? а̄манта̄. ‘‘айам̣ магго’’ти ва̄чам̣ бха̄сато ‘‘айам̣ магго’’ти н̃а̄н̣ам̣ паваттатӣти? на хевам̣ ваттаббе…пе….

‘‘айам̣ самудайо’’ти ва̄чам̣ бха̄сато на ча ‘‘айам̣ самудайо’’ти н̃а̄н̣ам̣ паваттатӣти? а̄манта̄. ‘‘идам̣ дуккха’’нти ва̄чам̣ бха̄сато на ча ‘‘идам̣ дуккха’’нти н̃а̄н̣ам̣ паваттатӣти? на хевам̣ ваттаббе…пе… ‘‘айам̣ ниродхо’’ти… ‘‘айам̣ магго’’ти ва̄чам̣ бха̄сато на ча ‘‘айам̣ магго’’ти н̃а̄н̣ам̣ паваттатӣти? а̄манта̄. ‘‘идам̣ дуккха’’нти ва̄чам̣ бха̄сато на ча ‘‘идам̣ дуккха’’нти н̃а̄н̣ам̣ паваттатӣти? на хевам̣ ваттаббе…пе….

619. ‘‘идам̣ дуккха’’нти ва̄чам̣ бха̄сато ‘‘идам̣ дуккха’’нти н̃а̄н̣ам̣ паваттатӣти? а̄манта̄. ‘‘рӯпам̣ аничча’’нти ва̄чам̣ бха̄сато ‘‘рӯпам̣ аничча’’нти н̃а̄н̣ам̣ паваттатӣти? на хевам̣ ваттаббе…пе… ‘‘идам̣ дуккха’’нти ва̄чам̣ бха̄сато ‘‘идам̣ дуккха’’нти н̃а̄н̣ам̣ паваттатӣти? а̄манта̄. ведана̄… сан̃н̃а̄… сан̇кха̄ра̄… ‘‘вин̃н̃а̄н̣ам̣ аничча’’нти ва̄чам̣ бха̄сато ‘‘вин̃н̃а̄н̣ам̣ аничча’’нти н̃а̄н̣ам̣ паваттатӣти? на хевам̣ ваттаббе…пе….

‘‘идам̣ дуккха’’нти ва̄чам̣ бха̄сато ‘‘идам̣ дуккха’’нти н̃а̄н̣ам̣ паваттатӣти? а̄манта̄. ‘‘рӯпам̣ анатта̄’’ти ва̄чам̣ бха̄сато ‘‘рӯпам̣ анатта̄’’ти н̃а̄н̣ам̣ паваттатӣти? на хевам̣ ваттаббе…пе… ‘‘идам̣ дуккха’’нти ва̄чам̣ бха̄сато ‘‘идам̣ дуккха’’нти н̃а̄н̣ам̣ паваттатӣти? а̄манта̄. ведана̄ … сан̃н̃а̄… сан̇кха̄ра̄… ‘‘вин̃н̃а̄н̣ам̣ анатта̄’’ти ва̄чам̣ бха̄сато ‘‘вин̃н̃а̄н̣ам̣ анатта̄’’ти н̃а̄н̣ам̣ паваттатӣти? на хевам̣ ваттаббе…пе….

‘‘рӯпам̣ аничча’’нти ва̄чам̣ бха̄сато на ча ‘‘рӯпам̣ аничча’’нти н̃а̄н̣ам̣ паваттатӣти? а̄манта̄. ‘‘идам̣ дуккха’’нти ва̄чам̣ бха̄сато на ча ‘‘идам̣ дуккха’’нти н̃а̄н̣ам̣ паваттатӣти? на хевам̣ ваттаббе…пе… ведана̄… сан̃н̃а̄… сан̇кха̄ра̄… ‘‘вин̃н̃а̄н̣ам̣ аничча’’нти ва̄чам̣ бха̄сато на ча ‘‘вин̃н̃а̄н̣ам̣ аничча’’нти н̃а̄н̣ам̣ паваттатӣти? а̄манта̄. ‘‘идам̣ дуккха’’нти ва̄чам̣ бха̄сато на ча ‘‘идам̣ дуккха’’нти н̃а̄н̣ам̣ паваттатӣти? на хевам̣ ваттаббе…пе….

‘‘рӯпам̣ анатта̄’’ти ва̄чам̣ бха̄сато на ча ‘‘рӯпам̣ анатта̄’’ти н̃а̄н̣ам̣ паваттатӣти? а̄манта̄. ‘‘идам̣ дуккха’’нти ва̄чам̣ бха̄сато на ча ‘‘идам̣ дуккха’’нти н̃а̄н̣ам̣ паваттатӣти? на хевам̣ ваттаббе …пе… ведана̄… сан̃н̃а̄… сан̇кха̄ра̄… ‘‘вин̃н̃а̄н̣ам̣ анатта̄’’ти ва̄чам̣ бха̄сато на ча ‘‘вин̃н̃а̄н̣ам̣ анатта̄’’ти н̃а̄н̣ам̣ паваттатӣти? а̄манта̄. ‘‘идам̣ дуккха’’нти ва̄чам̣ бха̄сато на ча ‘‘дуккха’’нти н̃а̄н̣ам̣ паваттатӣти? на хевам̣ ваттаббе…пе….

620. ‘‘идам̣ дуккха’’нти ва̄чам̣ бха̄сато ‘‘идам̣ дуккха’’нти н̃а̄н̣ам̣ паваттатӣти? а̄манта̄. ‘‘и’’ти [ӣти (сйа̄. пӣ.)] ча ‘‘да’’нти ча ‘‘ду’’ти [дӯти (сйа̄. пӣ.)] ча ‘‘кха’’нти ча н̃а̄н̣ам̣ паваттатӣти? на хевам̣ ваттаббе…пе….

идам̣ дуккхантикатха̄ нит̣т̣хита̄.