10. дасамавагго

(105) 11. авин̃н̃атти дуссилйантикатха̄

603. авин̃н̃атти дуссилйанти? а̄манта̄. па̄н̣а̄типа̄тоти? на хевам̣ ваттаббе…пе… адинна̄да̄нанти? на хевам̣ ваттаббе…пе… ка̄месумиччха̄ча̄роти? на хевам̣ ваттаббе…пе… муса̄ва̄доти? на хевам̣ ваттаббе…пе… сура̄мерайамаджджапама̄дат̣т̣ха̄нанти? на хевам̣ ваттаббе…пе….

па̄пакаммам̣ сама̄дийитва̄ да̄нам̣ дадантасса пун̃н̃ан̃ча апун̃н̃ан̃ча убхо вад̣д̣хантӣти? на хевам̣ ваттаббе…пе… пун̃н̃ан̃ча апун̃н̃ан̃ча убхо вад̣д̣хантӣти? а̄манта̄. двиннам̣ пхасса̄нам̣…пе… двиннам̣ читта̄нам̣ самодха̄нам̣ хотӣти? на хевам̣ ваттаббе…пе… двиннам̣ пхасса̄нам̣…пе… двиннам̣ читта̄нам̣ самодха̄нам̣ хотӣти? а̄манта̄. кусала̄кусала̄ са̄ваджджа̄наваджджа̄ хӣнапан̣ӣта̄ кан̣хасуккасаппат̣ибха̄га̄ дхамма̄ саммукхӣбха̄вам̣ а̄гаччхантӣти? на хевам̣ ваттаббе…пе….

кусала̄кусала̄ са̄ваджджа̄наваджджа̄ хӣнапан̣ӣта̄ кан̣хасуккасаппат̣ибха̄га̄ дхамма̄ саммукхӣбха̄вам̣ а̄гаччхантӣти? а̄манта̄. нану вуттам̣ бхагавата̄ – ‘‘чатта̄рима̄ни, бхиккхаве, сувидӯравидӯра̄ни! катама̄ни чатта̄ри? набхан̃ча, бхиккхаве, патхавӣ ча – идам̣ пат̣хамам̣ сувидӯравидӯрам̣…пе… тасма̄ сатам̣ дхаммо асаббхи а̄рака̄’’ти. аттхева суттантоти? а̄манта̄. тена хи на ваттаббам̣ – ‘‘кусала̄кусала̄ са̄ваджджа̄наваджджа̄ хӣнапан̣ӣта̄ кан̣хасуккасаппат̣ибха̄га̄ дхамма̄ саммукхӣбха̄вам̣ а̄гаччхантӣ’’ти.

604. на ваттаббам̣ – ‘‘авин̃н̃атти дуссилйа’’нти? а̄манта̄. нану па̄пакаммам̣ сама̄динно а̄сӣти? а̄манта̄. хан̃чи па̄пакаммам̣ сама̄динно а̄си, тена вата ре ваттаббе – ‘‘авин̃н̃атти дуссилйа’’нти.

авин̃н̃атти дуссилйантикатха̄ нит̣т̣хита̄.

дасамавагго.

тассудда̄нам̣ –

упапаттесийе пан̃чаккхандхе анируддхе кирийа̄ пан̃чаккхандха̄ уппаджджанти, маггасаман̇гисса рӯпам̣ магго, пан̃чавин̃н̃а̄н̣асаман̇гисса аттхи маггабха̄вана̄, пан̃чавин̃н̃а̄н̣а̄ кусала̄пи акусала̄пи, пан̃чавин̃н̃а̄н̣а̄ са̄бхога̄, маггасаман̇гӣ двӣхи сӣлехи саманна̄гато, сӣлам̣ ачетасикам̣, сӣлам̣ на читта̄нупариватти, сама̄да̄нахетукам̣ сӣлам̣ вад̣д̣хатӣти, вин̃н̃аттисӣлам̣ авин̃н̃атти дуссилйанти.

дутийо пан̣н̣а̄сако.

тассудда̄нам̣ –

нийа̄масан̇гахагата̄нисам̣сата̄ ча ниродхоти [нийа̄ма сан̇гахагата̄нисам̣сата̄ аттхи пан̃чавока̄рабхаво ниродхо маггасаман̇гисса пан̃чавока̄рабхавоти (сӣ. сйа̄. ка.), нийа̄ма сан̇гаха гата̄нисам̣сата̄ аттхи пан̃чавока̄рабхаво маггасаман̇гисса но пан̃чавока̄рабхаво (пӣ.)].