9. навамавагго

(84) 1. а̄нисам̣садасса̄вӣкатха̄

547. а̄нисам̣садасса̄висса сам̣йоджана̄нам̣ паха̄нанти? а̄манта̄. нану сан̇кха̄ре аниччато манасикарото сам̣йоджана̄ пахӣйантӣти? а̄манта̄. хан̃чи сан̇кха̄ре аниччато манасикарото сам̣йоджана̄ пахӣйанти, но ча вата ре ваттаббе – ‘‘а̄нисам̣садасса̄висса сам̣йоджана̄нам̣ паха̄на’’нти.

нану сан̇кха̄ре дуккхато…пе… рогато… ган̣д̣ато… саллато… агхато… а̄ба̄дхато… парато… палокато… ӣтито… упаддавато… бхайато… упасаггато… чалато… пабхан̇гуто… аддхувато… ата̄н̣ато… ален̣ато… асаран̣ато… асаран̣ӣбхӯтато… риттато… туччхато… сун̃н̃ато… анаттато… а̄дӣнавато…пе… випарин̣а̄мадхаммато манасикарото сам̣йоджана̄ пахӣйантӣти? а̄манта̄. хан̃чи сан̇кха̄ре випарин̣а̄мадхаммато манасикарото сам̣йоджана̄ пахӣйанти, но ча вата ре ваттаббе – ‘‘а̄нисам̣садасса̄висса сам̣йоджана̄нам̣ паха̄на’’нти.

сан̇кха̄ре ча аниччато манаси кароти нибба̄не ча а̄нисам̣садасса̄вӣ хотӣти? на хевам̣ ваттаббе…пе… сан̇кха̄ре ча аниччато манаси кароти нибба̄не ча а̄нисам̣садасса̄вӣ хотӣти? а̄манта̄. двиннам̣ пхасса̄нам̣…пе… двиннам̣ читта̄нам̣ самодха̄нам̣ хотӣти? на хевам̣ ваттаббе…пе… сан̇кха̄ре ча дуккхато…пе… випарин̣а̄мадхаммато манаси кароти нибба̄не ча а̄нисам̣садасса̄вӣ хотӣти? на хевам̣ ваттаббе…пе… сан̇кха̄ре ча випарин̣а̄мадхаммато манаси кароти нибба̄не ча а̄нисам̣садасса̄вӣ хотӣти? а̄манта̄. двиннам̣ пхасса̄нам̣…пе… двиннам̣ читта̄нам̣ самодха̄нам̣ хотӣти? на хевам̣ ваттаббе…пе….

548. на ваттаббам̣ – ‘‘а̄нисам̣садасса̄висса сам̣йоджана̄нам̣ паха̄на’’нти? а̄манта̄. нану вуттам̣ бхагавата̄ – ‘‘идха, бхиккхаве, бхиккху нибба̄не сукха̄нупассӣ вихарати сукхасан̃н̃ӣ сукхапат̣исам̣ведӣ, сататам̣ самитам̣ аббокин̣н̣ам̣ четаса̄ адхимуччама̄но пан̃н̃а̄йа парийога̄хама̄но’’ти [а. ни. 7.19]! аттхева суттантоти? а̄манта̄. тена хи а̄нисам̣садасса̄висса сам̣йоджана̄нам̣ паха̄нанти.

а̄нисам̣садасса̄вӣкатха̄ нит̣т̣хита̄.

9. навамавагго

(85) 2. амата̄рамман̣акатха̄

549. амата̄рамман̣ам̣ сам̣йоджананти? а̄манта̄. аматам̣ сам̣йоджанийам̣ гантханийам̣ огханийам̣ йоганийам̣ нӣваран̣ийам̣ пара̄мат̣т̣хам̣ упа̄да̄нийам̣ сам̣килесийанти? на хевам̣ ваттаббе…пе… нану аматам̣ асам̣йоджанийам̣ агантханийам̣…пе… асам̣килесийанти? а̄манта̄. хан̃чи аматам̣ асам̣йоджанийам̣…пе… асам̣килесийам̣, но ча вата ре ваттаббе – ‘‘амата̄рамман̣ам̣ сам̣йоджана’’нти.

аматам̣ а̄раббха ра̄го уппаджджатӣти? а̄манта̄. аматам̣ ра̄гат̣т̣ха̄нийам̣ раджанийам̣ каманийам̣ маданийам̣ бандханийам̣ муччханийанти? на хевам̣ ваттаббе…пе… нану аматам̣ на ра̄гат̣т̣ха̄нийам̣ на раджанийам̣ на каманийам̣ на маданийам̣ на бандханийам̣ на муччханийанти? а̄манта̄. хан̃чи аматам̣ на ра̄гат̣т̣ха̄нийам̣ на раджанийам̣ на каманийам̣ на маданийам̣ на бандханийам̣ на муччханийам̣, но ча вата ре ваттаббе – ‘‘аматам̣ а̄раббха ра̄го уппаджджатӣ’’ти.

аматам̣ а̄раббха досо уппаджджатӣти? а̄манта̄. аматам̣ досат̣т̣ха̄нийам̣ копат̣т̣ха̄нийам̣ пат̣игхат̣т̣ха̄нийанти? на хевам̣ ваттаббе…пе… нану аматам̣ на досат̣т̣ха̄нийам̣ на копат̣т̣ха̄нийам̣ на пат̣игхат̣т̣ха̄нийанти? а̄манта̄. хан̃чи аматам̣ на досат̣т̣ха̄нийам̣ на копат̣т̣ха̄нийам̣ на пат̣игхат̣т̣ха̄нийам̣, но ча вата ре ваттаббе – ‘‘аматам̣ а̄раббха досо уппаджджатӣ’’ти.

аматам̣ а̄раббха мохо уппаджджатӣти? а̄манта̄. аматам̣ мохат̣т̣ха̄нийам̣ ан̃н̃а̄н̣акаран̣ам̣ ачаккхукаран̣ам̣ пан̃н̃а̄ниродхийам̣ вигха̄тапаккхийам̣ анибба̄насам̣ваттанийанти? на хевам̣ ваттаббе…пе… нану аматам̣ на мохат̣т̣ха̄нийам̣ на ан̃н̃а̄н̣акаран̣ам̣ на ачаккхукаран̣ам̣ пан̃н̃а̄буддхийам̣ авигха̄тапаккхийам̣ нибба̄насам̣ваттанийанти? а̄манта̄. хан̃чи аматам̣ на мохат̣т̣ха̄нийам̣ на ан̃н̃а̄н̣акаран̣ам̣…пе… нибба̄насам̣ваттанийам̣, но ча вата ре ваттаббе – ‘‘аматам̣ а̄раббха мохо уппаджджатӣ’’ти.

550. рӯпам̣ а̄раббха сам̣йоджана̄ уппаджджанти, рӯпам̣ сам̣йоджанийам̣ гантханийам̣…пе… сам̣килесийанти? а̄манта̄. аматам̣ а̄раббха сам̣йоджана̄ уппаджджанти, аматам̣ сам̣йоджанийам̣…пе… сам̣килесийанти? на хевам̣ ваттаббе…пе….

рӯпам̣ а̄раббха ра̄го уппаджджати, рӯпам̣ ра̄гат̣т̣ха̄нийам̣ раджанийам̣ каманийам̣ маданийам̣ бандханийам̣ муччханийанти? а̄манта̄. аматам̣ а̄раббха ра̄го уппаджджати, аматам̣ ра̄гат̣т̣ха̄нийам̣…пе… муччханийанти? на хевам̣ ваттаббе…пе….

рӯпам̣ а̄раббха досо уппаджджати, рӯпам̣ досат̣т̣ха̄нийам̣ копат̣т̣ха̄нийам̣ пат̣игхат̣т̣ха̄нийанти? а̄манта̄. аматам̣ а̄раббха досо уппаджджати, аматам̣ досат̣т̣ха̄нийам̣ копат̣т̣ха̄нийам̣ пат̣игхат̣т̣ха̄нийанти? на хевам̣ ваттаббе…пе….

рӯпам̣ а̄раббха мохо уппаджджати, рӯпам̣ мохат̣т̣ха̄нийам̣ ан̃н̃а̄н̣акаран̣ам̣…пе… анибба̄насам̣ваттанийанти? а̄манта̄. аматам̣ а̄раббха мохо уппаджджати, аматам̣ мохат̣т̣ха̄нийам̣ ан̃н̃а̄н̣акаран̣ам̣…пе… анибба̄насам̣ваттанийанти? на хевам̣ ваттаббе…пе….

аматам̣ а̄раббха сам̣йоджана̄ уппаджджанти, аматам̣ асам̣йоджанийам̣ агантханийам̣ аногханийам̣ айоганийам̣ анӣваран̣ийам̣ апара̄мат̣т̣хам̣ анупа̄да̄нийам̣ асам̣килесийанти? а̄манта̄. рӯпам̣ а̄раббха сам̣йоджана̄ уппаджджанти, рӯпам̣ асам̣йоджанийам̣ агантханийам̣…пе… асам̣килесийанти? на хевам̣ ваттаббе…пе….

аматам̣ а̄раббха ра̄го уппаджджати, аматам̣ на ра̄гат̣т̣ха̄нийам̣ на раджанийам̣ на каманийам̣ на маданийам̣ на бандханийам̣ на муччханийанти? а̄манта̄. рӯпам̣ а̄раббха ра̄го уппаджджати, рӯпам̣ на ра̄гат̣т̣ха̄нийам̣…пе… на муччханийанти? на хевам̣ ваттаббе…пе….

аматам̣ а̄раббха досо уппаджджати, аматам̣ на досат̣т̣ха̄нийам̣ на копат̣т̣ха̄нийам̣ на пат̣игхат̣т̣ха̄нийанти? а̄манта̄. рӯпам̣ а̄раббха досо уппаджджати, рӯпам̣ на досат̣т̣ха̄нийам̣ на копат̣т̣ха̄нийам̣ на пат̣игхат̣т̣ха̄нийанти? на хевам̣ ваттаббе…пе….

аматам̣ а̄раббха мохо уппаджджати, аматам̣ на мохат̣т̣ха̄нийам̣ на ан̃н̃а̄н̣акаран̣ам̣…пе… нибба̄насам̣ваттанийанти? а̄манта̄. рӯпам̣ а̄раббха мохо уппаджджати, рӯпам̣ на мохат̣т̣ха̄нийам̣ на ан̃н̃а̄н̣акаран̣ам̣…пе… нибба̄насам̣ваттанийанти? на хевам̣ ваттаббе…пе….

551. на ваттаббам̣ – ‘‘амата̄рамман̣ам̣ сам̣йоджана’’нти? а̄манта̄. нану вуттам̣ бхагавата̄ – ‘‘нибба̄нам̣ нибба̄нато сан̃джа̄на̄ти, нибба̄нам̣ нибба̄нато сан̃джа̄нитва̄ нибба̄нам̣ ман̃н̃ати, нибба̄насмим̣ ман̃н̃ати, нибба̄нато ман̃н̃ати, нибба̄нам̣ мети ман̃н̃ати, нибба̄нам̣ абхинандатӣ’’ти [ма. ни. 1.6]! аттхева суттантоти? а̄манта̄. тена хи амата̄рамман̣ам̣ сам̣йоджананти.

амата̄рамман̣акатха̄ нит̣т̣хита̄.

9. навамавагго

(86) 3. рӯпам̣ са̄рамман̣антикатха̄

552. рӯпам̣ са̄рамман̣анти? а̄манта̄. аттхи тасса а̄ват̣т̣ана̄ а̄бхого саманна̄ха̄ро манасика̄ро четана̄ паттхана̄ пан̣идхӣти? на хевам̣ ваттаббе…пе… нану наттхи тасса а̄ват̣т̣ана̄ а̄бхого…пе… пан̣идхӣти? а̄манта̄. хан̃чи наттхи тасса а̄ват̣т̣ана̄ а̄бхого…пе… пан̣идхи, но ча вата ре ваттаббе – ‘‘рӯпам̣ са̄рамман̣а’’нти.

пхассо са̄рамман̣о, аттхи тасса а̄ват̣т̣ана̄ а̄бхого…пе… пан̣идхӣти? а̄манта̄. рӯпам̣ са̄рамман̣ам̣, аттхи тасса а̄ват̣т̣ана̄ а̄бхого…пе… пан̣идхӣти? на хевам̣ ваттаббе…пе….

ведана̄…пе… сан̃н̃а̄ четана̄ читтам̣ саддха̄ вӣрийам̣ сати сама̄дхи пан̃н̃а̄ ра̄го досо мохо ма̄но дит̣т̣хи вичикиччха̄ тхинам̣ уддхаччам̣ ахирикам̣…пе… аноттаппам̣ са̄рамман̣ам̣, аттхи тасса а̄ват̣т̣ана̄ а̄бхого…пе… пан̣идхӣти? а̄манта̄. рӯпам̣ са̄рамман̣ам̣, аттхи тасса а̄ват̣т̣ана̄ а̄бхого…пе… пан̣идхӣти? на хевам̣ ваттаббе…пе….

рӯпам̣ са̄рамман̣ам̣, наттхи тасса а̄ват̣т̣ана̄ а̄бхого…пе… пан̣идхӣти? а̄манта̄. пхассо са̄рамман̣о, наттхи тасса а̄ват̣т̣ана̄ а̄бхого…пе… пан̣идхӣти? на хевам̣ ваттаббе…пе….

рӯпам̣ са̄рамман̣ам̣, наттхи тасса а̄ват̣т̣ана̄ а̄бхого…пе… пан̣идхӣти? а̄манта̄. ведана̄…пе… аноттаппам̣ са̄рамман̣ам̣, наттхи тасса а̄ват̣т̣ана̄ а̄бхого…пе… пан̣идхӣти? на хевам̣ ваттаббе…пе….

553. на ваттаббам̣ – ‘‘рӯпам̣ са̄рамман̣а’’нти? а̄манта̄. нану рӯпам̣ саппаччайанти? а̄манта̄. хан̃чи рӯпам̣ саппаччайам̣, тена вата ре ваттаббе – ‘‘рӯпам̣ са̄рамман̣а’’нти.

рӯпам̣ са̄рамман̣антикатха̄ нит̣т̣хита̄.

9. навамавагго

(87) 4. анусайа̄ ана̄рамман̣акатха̄

554. анусайа̄ ана̄рамман̣а̄ти? а̄манта̄. рӯпам̣ нибба̄нам̣ чаккха̄йатанам̣…пе… пхот̣т̣хабба̄йатананти? на хевам̣ ваттаббе…пе….

ка̄мара̄га̄нусайо ана̄рамман̣оти? а̄манта̄. ка̄мара̄го ка̄мара̄гапарийут̣т̣ха̄нам̣ ка̄мара̄гасам̣йоджанам̣ ка̄могхо ка̄майого ка̄маччханданӣваран̣ам̣ ана̄рамман̣анти? на хевам̣ ваттаббе…пе… ка̄мара̄го ка̄мара̄гапарийут̣т̣ха̄нам̣ ка̄мара̄гасам̣йоджанам̣ ка̄могхо ка̄майого ка̄маччханданӣваран̣ам̣ са̄рамман̣анти? а̄манта̄. ка̄мара̄га̄нусайо са̄рамман̣оти? на хевам̣ ваттаббе…пе….

ка̄мара̄га̄нусайо ана̄рамман̣оти? а̄манта̄. катамаккхандхапарийа̄панноти? сан̇кха̄раккхандхапарийа̄панноти. сан̇кха̄раккхандхо ана̄рамман̣оти? на хевам̣ ваттаббе…пе… сан̇кха̄раккхандхо ана̄рамман̣оти? а̄манта̄. ведана̄ккхандхо сан̃н̃а̄ккхандхо вин̃н̃а̄н̣аккхандхо ана̄рамман̣оти? на хевам̣ ваттаббе…пе….

ка̄мара̄га̄нусайо сан̇кха̄раккхандхапарийа̄панно ана̄рамман̣оти? а̄манта̄. ка̄мара̄го сан̇кха̄раккхандхапарийа̄панно ана̄рамман̣оти? на хевам̣ ваттаббе…пе… ка̄мара̄го сан̇кха̄раккхандхапарийа̄панно са̄рамман̣оти? а̄манта̄. ка̄мара̄га̄нусайо сан̇кха̄раккхандхапарийа̄панно са̄рамман̣оти? на хевам̣ ваттаббе…пе….

ка̄мара̄га̄нусайо сан̇кха̄раккхандхапарийа̄панно ана̄рамман̣о, ка̄мара̄го сан̇кха̄раккхандхапарийа̄панно са̄рамман̣оти? а̄манта̄. сан̇кха̄раккхандхо екадесо са̄рамман̣о екадесо ана̄рамман̣оти? на хевам̣ ваттаббе…пе… сан̇кха̄раккхандхо екадесо са̄рамман̣о екадесо ана̄рамман̣оти? а̄манта̄. ведана̄ккхандхо сан̃н̃а̄ккхандхо вин̃н̃а̄н̣аккхандхо екадесо са̄рамман̣о екадесо ана̄рамман̣оти? на хевам̣ ваттаббе…пе….

555. пат̣игха̄нусайо ма̄на̄нусайо дит̣т̣ха̄нусайо вичикиччха̄нусайо бхавара̄га̄нусайо авиджджа̄нусайо ана̄рамман̣оти? а̄манта̄. авиджджа̄ авиджджогхо авиджджа̄його авиджджа̄нусайо авиджджа̄парийут̣т̣ха̄нам̣ авиджджа̄сам̣йоджанам̣ авиджджа̄нӣваран̣ам̣ ана̄рамман̣анти? на хевам̣ ваттаббе…пе… авиджджа̄ авиджджогхо…пе… авиджджа̄нӣваран̣ам̣ са̄рамман̣анти? а̄манта̄. авиджджа̄нусайо са̄рамман̣оти? на хевам̣ ваттаббе…пе….

авиджджа̄нусайо ана̄рамман̣оти? а̄манта̄. катамаккхандхапарийа̄панноти? сан̇кха̄раккхандхапарийа̄панноти. сан̇кха̄раккхандхо ана̄рамман̣оти? на хевам̣ ваттаббе…пе… сан̇кха̄раккхандхо ана̄рамман̣оти? а̄манта̄. ведана̄ккхандхо сан̃н̃а̄ккхандхо вин̃н̃а̄н̣аккхандхо ана̄рамман̣оти? на хевам̣ ваттаббе…пе….

авиджджа̄нусайо сан̇кха̄раккхандхапарийа̄панно ана̄рамман̣оти? а̄манта̄. авиджджа̄ сан̇кха̄раккхандхапарийа̄панна̄ ана̄рамман̣а̄ти? на хевам̣ ваттаббе…пе… авиджджа̄ сан̇кха̄раккхандхапарийа̄панна̄ са̄рамман̣а̄ти? а̄манта̄. авиджджа̄нусайо сан̇кха̄раккхандхапарийа̄панно са̄рамман̣оти? на хевам̣ ваттаббе…пе….

авиджджа̄нусайо сан̇кха̄раккхандхапарийа̄панно ана̄рамман̣о, авиджджа̄ сан̇кха̄раккхандхапарийа̄панна̄ са̄рамман̣а̄ти? а̄манта̄. сан̇кха̄раккхандхо екадесо са̄рамман̣о екадесо ана̄рамман̣оти? на хевам̣ ваттаббе…пе… сан̇кха̄раккхандхо екадесо са̄рамман̣о екадесо ана̄рамман̣оти? а̄манта̄. ведана̄ккхандхо сан̃н̃а̄ккхандхо вин̃н̃а̄н̣аккхандхо екадесо са̄рамман̣о екадесо ана̄рамман̣оти? на хевам̣ ваттаббе…пе….

556. на ваттаббам̣ – ‘‘анусайа̄ ана̄рамман̣а̄’’ти? а̄манта̄. путхуджджано кусала̄бйа̄кате читте ваттама̄не са̄нусайоти ваттабботи? а̄манта̄. аттхи тесам̣ анусайа̄нам̣ а̄рамман̣анти? на хевам̣ ваттаббе…пе… тена хи анусайа̄ ана̄рамман̣а̄ти. путхуджджано кусала̄бйа̄кате читте ваттама̄не сара̄готи ваттабботи? а̄манта̄. аттхи тасса ра̄гасса а̄рамман̣анти? на хевам̣ ваттаббе…пе…. тена хи ра̄го ана̄рамман̣оти.

анусайа̄ ана̄рамман̣а̄тикатха̄ нит̣т̣хита̄.

9. навамавагго

(88) 5. н̃а̄н̣ам̣ ана̄рамман̣антикатха̄

557. н̃а̄н̣ам̣ ана̄рамман̣анти? а̄манта̄. рӯпам̣ нибба̄нам̣ чаккха̄йатанам̣…пе… пхот̣т̣хабба̄йатананти? на хевам̣ ваттаббе…пе… н̃а̄н̣ам̣ ана̄рамман̣анти? а̄манта̄. пан̃н̃а̄ пан̃н̃индрийам̣ пан̃н̃а̄балам̣ самма̄дит̣т̣хи дхаммавичайасамбоджджхан̇го ана̄рамман̣оти? на хевам̣ ваттаббе…пе… пан̃н̃а̄ пан̃н̃индрийам̣ пан̃н̃а̄балам̣ самма̄дит̣т̣хи дхаммавичайасамбоджджхан̇го са̄рамман̣оти? а̄манта̄. н̃а̄н̣ам̣ са̄рамман̣анти? на хевам̣ ваттаббе…пе….

н̃а̄н̣ам̣ ана̄рамман̣анти? а̄манта̄. катамаккхандхапарийа̄паннанти? сан̇кха̄раккхандхапарийа̄паннанти. сан̇кха̄раккхандхо ана̄рамман̣оти? на хевам̣ ваттаббе…пе… сан̇кха̄раккхандхо ана̄рамман̣оти? а̄манта̄. ведана̄ккхандхо сан̃н̃а̄ккхандхо вин̃н̃а̄н̣аккхандхо ана̄рамман̣оти? на хевам̣ ваттаббе…пе… н̃а̄н̣ам̣ сан̇кха̄раккхандхапарийа̄паннам̣ ана̄рамман̣анти? а̄манта̄. пан̃н̃а̄ сан̇кха̄раккхандхапарийа̄панна̄ ана̄рамман̣а̄ти? на хевам̣ ваттаббе…пе… пан̃н̃а̄ сан̇кха̄раккхандхапарийа̄панна̄ са̄рамман̣а̄ти? а̄манта̄. н̃а̄н̣ам̣ сан̇кха̄раккхандхапарийа̄паннам̣ са̄рамман̣анти? на хевам̣ ваттаббе…пе….

н̃а̄н̣ам̣ сан̇кха̄раккхандхапарийа̄паннам̣ ана̄рамман̣ам̣, пан̃н̃а̄ сан̇кха̄раккхандхапарийа̄панна̄ са̄рамман̣а̄ти? а̄манта̄. сан̇кха̄раккхандхо екадесо са̄рамман̣о екадесо ана̄рамман̣оти? на хевам̣ ваттаббе…пе… сан̇кха̄раккхандхо екадесо са̄рамман̣о екадесо ана̄рамман̣оти? а̄манта̄. ведана̄ккхандхо сан̃н̃а̄ккхандхо вин̃н̃а̄н̣аккхандхо екадесо са̄рамман̣о екадесо ана̄рамман̣оти? на хевам̣ ваттаббе…пе….

558. на ваттаббам̣ – ‘‘н̃а̄н̣ам̣ ана̄рамман̣а’’нти? а̄манта̄. араха̄ чаккхувин̃н̃а̄н̣асаман̇гӣ н̃а̄н̣ӣти ваттабботи? а̄манта̄. аттхи тасса н̃а̄н̣асса а̄рамман̣анти? на хевам̣ ваттаббе…пе… тена хи н̃а̄н̣ам̣ ана̄рамман̣анти. араха̄ чаккхувин̃н̃а̄н̣асаман̇гӣ пан̃н̃ава̄ти ваттабботи? а̄манта̄. аттхи та̄йа пан̃н̃а̄йа а̄рамман̣анти? на хевам̣ ваттаббе…пе…. тена хи пан̃н̃а̄ ана̄рамман̣а̄ти.

н̃а̄н̣ам̣ ана̄рамман̣антикатха̄ нит̣т̣хита̄.

9. навамавагго

(89) 6. атӣта̄на̄гата̄рамман̣акатха̄

559. атӣта̄рамман̣ам̣ читтам̣ ана̄рамман̣анти? а̄манта̄. нану атӣта̄рамман̣анти? а̄манта̄. хан̃чи атӣта̄рамман̣ам̣, но ча вата ре ваттаббе – ‘‘атӣта̄рамман̣ам̣ читтам̣ ана̄рамман̣а’’нти. атӣта̄рамман̣ам̣ читтам̣ ана̄рамман̣анти миччха̄. хан̃чи ва̄ пана ана̄рамман̣ам̣, но ча вата ре ваттаббе – ‘‘атӣта̄рамман̣а’’нти. ана̄рамман̣ам̣ атӣта̄рамман̣анти миччха̄.

атӣта̄рамман̣ам̣ читтам̣ ана̄рамман̣анти? а̄манта̄. нану атӣтам̣ а̄раббха аттхи а̄ват̣т̣ана̄…пе… пан̣идхӣти? а̄манта̄. хан̃чи атӣтам̣ а̄раббха аттхи а̄ват̣т̣ана̄…пе… пан̣идхи, но ча вата ре ваттаббе – ‘‘атӣта̄рамман̣ам̣ читтам̣ ана̄рамман̣а’’нти.

560. ана̄гата̄рамман̣ам̣ читтам̣ ана̄рамман̣анти? а̄манта̄. нану ана̄гата̄рамман̣анти? а̄манта̄. хан̃чи ана̄гата̄рамман̣ам̣, но ча вата ре ваттаббе – ‘‘ана̄гата̄рамман̣ам̣ читтам̣ ана̄рамман̣а’’нти. ана̄гата̄рамман̣ам̣ читтам̣ ана̄рамман̣анти миччха̄. хан̃чи ва̄ пана ана̄рамман̣ам̣, но ча вата ре ваттаббе – ‘‘ана̄гата̄рамман̣а’’нти. ана̄рамман̣ам̣ ана̄гата̄рамман̣анти миччха̄.

ана̄гата̄рамман̣ам̣ читтам̣ ана̄рамман̣анти? а̄манта̄. нану ана̄гатам̣ а̄раббха аттхи а̄ват̣т̣ана̄…пе… пан̣идхӣти? а̄манта̄. хан̃чи ана̄гатам̣ а̄раббха аттхи а̄ват̣т̣ана̄…пе… пан̣идхи, но ча вата ре ваттаббе – ‘‘ана̄гата̄рамман̣ам̣ читтам̣ ана̄рамман̣а’’нти.

паччуппаннам̣ а̄раббха аттхи а̄ват̣т̣ана̄…пе… пан̣идхи, паччуппанна̄рамман̣ам̣ читтам̣ са̄рамман̣анти? а̄манта̄. атӣтам̣ а̄раббха аттхи а̄ват̣т̣ана̄…пе… пан̣идхи, атӣта̄рамман̣ам̣ читтам̣ са̄рамман̣анти? на хевам̣ ваттаббе…пе… паччуппаннам̣ а̄раббха аттхи а̄ват̣т̣ана̄…пе… пан̣идхи, паччуппанна̄рамман̣ам̣ читтам̣ са̄рамман̣анти? а̄манта̄. ана̄гатам̣ а̄раббха аттхи а̄ват̣т̣ана̄…пе… пан̣идхи, ана̄гата̄рамман̣ам̣ читтам̣ са̄рамман̣анти? на хевам̣ ваттаббе…пе….

атӣтам̣ а̄раббха аттхи а̄ват̣т̣ана̄…пе… пан̣идхи, атӣта̄рамман̣ам̣ читтам̣ ана̄рамман̣анти? а̄манта̄. паччуппаннам̣ а̄раббха аттхи а̄ват̣т̣ана̄…пе… пан̣идхи, паччуппанна̄рамман̣ам̣ читтам̣ ана̄рамман̣анти? на хевам̣ ваттаббе…пе….

ана̄гатам̣ а̄раббха аттхи а̄ват̣т̣ана̄…пе… пан̣идхи, ана̄гата̄рамман̣ам̣ читтам̣ ана̄рамман̣анти? а̄манта̄. паччуппаннам̣ а̄раббха аттхи а̄ват̣т̣ана̄…пе… пан̣идхи, паччуппанна̄рамман̣ам̣ читтам̣ ана̄рамман̣анти? на хевам̣ ваттаббе…пе….

561. на ваттаббам̣ – ‘‘атӣта̄на̄гата̄рамман̣ам̣ читтам̣ ана̄рамман̣а’’нти? а̄манта̄. нану атӣта̄на̄гатам̣ наттхӣти? а̄манта̄. хан̃чи атӣта̄на̄гатам̣ наттхи, тена вата ре ваттаббе – ‘‘атӣта̄на̄гата̄рамман̣ам̣ читтам̣ ана̄рамман̣а’’нти…пе….

атӣта̄на̄гата̄рамман̣акатха̄ нит̣т̣хита̄.

9. навамавагго

(90) 7. витакка̄нупатитакатха̄

562. саббам̣ читтам̣ витакка̄нупатитанти? а̄манта̄. саббам̣ читтам̣ вича̄ра̄нупатитам̣ пӣта̄нупатитам̣ сукха̄нупатитам̣ дуккха̄нупатитам̣ соманасса̄нупатитам̣ доманасса̄нупатитам̣ упеккха̄нупатитам̣ саддха̄нупатитам̣ вӣрийа̄нупатитам̣ сата̄нупатитам̣ сама̄дха̄нупатитам̣ пан̃н̃а̄нупатитам̣ ра̄га̄нупатитам̣ доса̄нупатитам̣…пе… аноттаппа̄нупатитанти? на хевам̣ ваттаббе…пе….

саббам̣ читтам̣ витакка̄нупатитанти? а̄манта̄. нану аттхи авитакко вича̄раматто сама̄дхӣти? а̄манта̄. хан̃чи аттхи авитакко вича̄раматто сама̄дхи, но ча вата ре ваттаббе – ‘‘саббам̣ читтам̣ витакка̄нупатита’’нти.

саббам̣ читтам̣ витакка̄нупатитанти? а̄манта̄. нану аттхи авитакко авича̄ро сама̄дхӣти? а̄манта̄. хан̃чи аттхи авитакко авича̄ро сама̄дхи, но ча вата ре ваттаббе – ‘‘саббам̣ читтам̣ витакка̄нупатита’’нти. саббам̣ читтам̣ витакка̄нупатитанти? а̄манта̄. нану тайо сама̄дхӣ вутта̄ бхагавата̄ – савитакко савича̄ро сама̄дхи, авитакко вича̄раматто сама̄дхи, авитакко авича̄ро сама̄дхӣти [дӣ. ни. 3.305, 353]? а̄манта̄. хан̃чи тайо сама̄дхӣ вутта̄ бхагавата̄ – савитакко савича̄ро сама̄дхи, авитакко вича̄раматто сама̄дхи, авитакко авича̄ро сама̄дхи, но ча вата ре ваттаббе – ‘‘саббам̣ читтам̣ витакка̄нупатита’’нти.

витакка̄нупатитакатха̄ нит̣т̣хита̄.

9. навамавагго

(91) 8. витаккавиппха̄расаддакатха̄

563. саббасо витаккайато вича̄райато витаккавиппха̄ро саддоти? а̄манта̄. саббасо пхусайато пхассавиппха̄ро саддо, саббасо ведайато ведана̄виппха̄ро саддо, саббасо сан̃джа̄нато сан̃н̃а̄виппха̄ро саддо, саббасо четайато четана̄виппха̄ро саддо, саббасо чинтайато читтавиппха̄ро саддо, саббасо сарато сативиппха̄ро саддо, саббасо паджа̄нато пан̃н̃а̄виппха̄ро саддоти? на хевам̣ ваттаббе…пе….

саббасо витаккайато вича̄райато витаккавиппха̄ро саддоти? а̄манта̄. витаккавиппха̄ро саддо сотавин̃н̃еййо сотасмим̣ пат̣ихан̃н̃ати сотасса а̄па̄тхам̣ а̄гаччхатӣти? на хевам̣ ваттаббе…пе…. нану витаккавиппха̄ро саддо на сотавин̃н̃еййо на сотасмим̣ пат̣ихан̃н̃ати на сотасса а̄па̄тхам̣ а̄гаччхатӣти? а̄манта̄. хан̃чи витаккавиппха̄ро саддо на сотавин̃н̃еййо на сотасмим̣ пат̣ихан̃н̃ати на сотасса а̄па̄тхам̣ а̄гаччхати, но ча вата ре ваттаббе – ‘‘саббасо витаккайато вича̄райато витаккавиппха̄ро саддо’’ти.

витаккавиппха̄расаддакатха̄ нит̣т̣хита̄.

9. навамавагго

(92) 9. на йатха̄читтасса ва̄ча̄тикатха̄

564. на йатха̄читтасса ва̄ча̄ти? а̄манта̄. апхассакасса ва̄ча̄ аведанакасса ва̄ча̄ асан̃н̃акасса ва̄ча̄ ачетанакасса ва̄ча̄ ачиттакасса ва̄ча̄ти? на хевам̣ ваттаббе…пе… нану сапхассакасса ва̄ча̄ саведанакасса ва̄ча̄ сасан̃н̃акасса ва̄ча̄ сачетанакасса ва̄ча̄ сачиттакасса ва̄ча̄ти? а̄манта̄. хан̃чи сапхассакасса ва̄ча̄…пе… сачиттакасса ва̄ча̄, но ча вата ре ваттаббе – ‘‘на йатха̄читтасса ва̄ча̄’’ти.

на йатха̄читтасса ва̄ча̄ти? а̄манта̄. ана̄ват̣т̣ентасса [ана̄ват̣т̣антасса (пӣ.), ана̄ваджджантасса (сӣ. сйа̄. ка.) катха̄. 484 пасситаббам̣] ва̄ча̄…пе… ана̄бхогасса ва̄ча̄…пе… аппан̣идахантасса ва̄ча̄ти? на хевам̣ ваттаббе…пе… нану а̄ват̣т̣ентасса ва̄ча̄ а̄бхогасса ва̄ча̄…пе… пан̣идахантасса ва̄ча̄ти? а̄манта̄. хан̃чи а̄ват̣т̣ентасса ва̄ча̄ а̄бхогасса ва̄ча̄ пан̣идахантасса ва̄ча̄, но ча вата ре ваттаббе – ‘‘на йатха̄читтасса ва̄ча̄’’ти.

на йатха̄читтасса ва̄ча̄ти? а̄манта̄. нану ва̄ча̄ читтасамут̣т̣ха̄на̄ читтена сахаджа̄та̄ читтена саха екуппа̄да̄ти? а̄манта̄. хан̃чи ва̄ча̄ читтасамут̣т̣ха̄на̄ читтена сахаджа̄та̄ читтена саха екуппа̄да̄, но ча вата ре ваттаббе – ‘‘на йатха̄читтасса ва̄ча̄’’ти.

на йатха̄читтасса ва̄ча̄ти? а̄манта̄. на бхан̣итука̄мо бхан̣ати, на катхетука̄мо катхети, на а̄лапитука̄мо а̄лапати, на вохаритука̄мо вохаратӣти? на хевам̣ ваттаббе…пе… нану бхан̣итука̄мо бхан̣ати, катхетука̄мо катхети, а̄лапитука̄мо а̄лапати, вохаритука̄мо вохаратӣти? а̄манта̄. хан̃чи бхан̣итука̄мо бхан̣ати, катхетука̄мо катхети, а̄лапитука̄мо а̄лапати, вохаритука̄мо вохарати, но ча вата ре ваттаббе – ‘‘на йатха̄читтасса ва̄ча̄’’ти.

565. на ваттаббам̣ – ‘‘на йатха̄читтасса ва̄ча̄’’ти? а̄манта̄. нану аттхи кочи ‘‘ан̃н̃ам̣ бхан̣исса̄мӣ’’ти ан̃н̃ам̣ бхан̣ати, ‘‘ан̃н̃ам̣ катхесса̄мӣ’’ти ан̃н̃ам̣ катхети, ‘‘ан̃н̃ам̣ а̄лаписса̄мӣ’’ти ан̃н̃ам̣ а̄лапати, ‘‘ан̃н̃ам̣ вохарисса̄мӣ’’ти ан̃н̃ам̣ вохаратӣти? а̄манта̄. хан̃чи аттхи кочи ‘‘ан̃н̃ам̣ бхан̣исса̄мӣ’’ти ан̃н̃ам̣ бхан̣ати,…пе… ‘‘ан̃н̃ам̣ вохарисса̄мӣ’’ти ан̃н̃ам̣ вохарати, тена вата ре ваттаббе – ‘‘на йатха̄читтасса ва̄ча̄’’ти.

на йатха̄читтасса ва̄ча̄тикатха̄ нит̣т̣хита̄.

9. навамавагго

(93) 10. на йатха̄читтасса ка̄йакаммантикатха̄

566. на йатха̄читтасса ка̄йакамманти? а̄манта̄. апхассакасса ка̄йакаммам̣…пе… ачиттакасса ка̄йакамманти? на хевам̣ ваттаббе…пе… нану сапхассакасса ка̄йакаммам̣…пе… сачиттакасса ка̄йакамманти? а̄манта̄. хан̃чи сапхассакасса ка̄йакаммам̣…пе… сачиттакасса ка̄йакаммам̣, но ча вата ре ваттаббе – ‘‘на йатха̄читтасса ка̄йакамма’’нти.

на йатха̄читтасса ка̄йакамманти? а̄манта̄. ана̄ват̣т̣ентасса ка̄йакаммам̣…пе… аппан̣идахантасса ка̄йакамманти? на хевам̣ ваттаббе…пе… нану а̄ват̣т̣ентасса ка̄йакаммам̣…пе… пан̣идахантасса ка̄йакамманти? а̄манта̄. хан̃чи а̄ват̣т̣ентасса ка̄йакаммам̣…пе… пан̣идахантасса ка̄йакаммам̣, но ча вата ре ваттаббе – ‘‘на йатха̄читтасса ка̄йакамма’’нти.

на йатха̄читтасса ка̄йакамманти? а̄манта̄. нану ка̄йакаммам̣ читтасамут̣т̣ха̄нам̣ читтена сахаджа̄там̣ читтена саха екуппа̄данти? а̄манта̄. хан̃чи ка̄йакаммам̣ читтасамут̣т̣ха̄нам̣ читтена сахаджа̄там̣ читтена саха екуппа̄дам̣, но ча вата ре ваттаббе – ‘‘на йатха̄читтасса ка̄йакамма’’нти.

на йатха̄читтасса ка̄йакамманти? а̄манта̄. на абхиккамитука̄мо абхиккамати, на пат̣иккамитука̄мо пат̣иккамати, на а̄локетука̄мо а̄локети, на вилокетука̄мо вилокети, на самин̃джитука̄мо самин̃джети, на паса̄ретука̄мо паса̄ретӣти? на хевам̣ ваттаббе…пе…. нану абхиккамитука̄мо абхиккамати, пат̣иккамитука̄мо пат̣иккамати, а̄локетука̄мо а̄локети, вилокетука̄мо вилокети, самин̃джитука̄мо самин̃джети, паса̄ретука̄мо паса̄ретӣти? а̄манта̄. хан̃чи абхиккамитука̄мо абхиккамати…пе… паса̄ретука̄мо паса̄рети, но ча вата ре ваттаббе – ‘‘на йатха̄читтасса ка̄йакамма’’нти.

567. на ваттаббам̣ – ‘‘на йатха̄читтасса ка̄йакамма’’нти? а̄манта̄. нану аттхи кочи ‘‘ан̃н̃атра гаччхисса̄мӣ’’ти ан̃н̃атра гаччхати…пе… ‘‘ан̃н̃ам̣ паса̄ресса̄мӣ’’ти ан̃н̃ам̣ паса̄ретӣти? а̄манта̄. хан̃чи аттхи кочи ‘‘ан̃н̃атра гаччхисса̄мӣ’’ти ан̃н̃атра гаччхати…пе… ‘‘ан̃н̃ам̣ паса̄ресса̄мӣ’’ти ан̃н̃ам̣ паса̄рети, тена вата ре ваттаббе – ‘‘на йатха̄читтасса ка̄йакамма’’нти.

на йатха̄читтасса ка̄йакаммантикатха̄ нит̣т̣хита̄.

9. навамавагго

(94) 11. атӣта̄на̄гатасаманна̄гатакатха̄

568. атӣтена саманна̄гатоти? а̄манта̄. нану атӣтам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатанти? а̄манта̄. хан̃чи атӣтам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатам̣, но ча вата ре ваттаббе – ‘‘атӣтена саманна̄гато’’ти.

ана̄гатена саманна̄гатоти? а̄манта̄. нану ана̄гатам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтанти? а̄манта̄. хан̃чи ана̄гатам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтам̣, но ча вата ре ваттаббе – ‘‘ана̄гатена саманна̄гато’’ти.

569. атӣтена рӯпаккхандхена саманна̄гато, ана̄гатена рӯпаккхандхена саманна̄гато, паччуппаннена рӯпаккхандхена саманна̄гатоти? а̄манта̄. тӣхи рӯпаккхандхехи саманна̄гатоти? на хевам̣ ваттаббе…пе… атӣтехи пан̃чахи кхандхехи саманна̄гато, ана̄гатехи пан̃чахи кхандхехи саманна̄гато, паччуппаннехи пан̃чахи кхандхехи саманна̄гатоти? а̄манта̄. паннарасахи кхандхехи саманна̄гатоти? на хевам̣ ваттаббе…пе….

атӣтена чаккха̄йатанена саманна̄гато, ана̄гатена чаккха̄йатанена саманна̄гато, паччуппаннена чаккха̄йатанена саманна̄гатоти? а̄манта̄. тӣхи чаккха̄йатанехи саманна̄гатоти? на хевам̣ ваттаббе…пе… атӣтехи два̄дасахи а̄йатанехи саманна̄гато, ана̄гатехи два̄дасахи а̄йатанехи саманна̄гато, паччуппаннехи два̄дасахи а̄йатанехи саманна̄гатоти? а̄манта̄. чхаттим̣са̄йатанехи саманна̄гатоти? на хевам̣ ваттаббе…пе….

атӣта̄йа чаккхудха̄туйа̄ саманна̄гато, ана̄гата̄йа чаккхудха̄туйа̄ саманна̄гато, паччуппанна̄йа чаккхудха̄туйа̄ саманна̄гатоти? а̄манта̄. тӣхи чаккхудха̄тӯхи саманна̄гатоти? на хевам̣ ваттаббе…пе… атӣта̄хи ат̣т̣ха̄расахи дха̄тӯхи саманна̄гато, ана̄гата̄хи ат̣т̣ха̄расахи дха̄тӯхи саманна̄гато, паччуппанна̄хи ат̣т̣ха̄расахи дха̄тӯхи саманна̄гатоти? а̄манта̄. чатупан̃н̃а̄садха̄тӯхи саманна̄гатоти? на хевам̣ ваттаббе…пе….

атӣтена чаккхундрийена саманна̄гато, ана̄гатена чаккхундрийена саманна̄гато, паччуппаннена чаккхундрийена саманна̄гатоти? а̄манта̄. тӣхи чаккхундрийехи саманна̄гатоти? на хевам̣ ваттаббе…пе… атӣтехи ба̄вӣсатиндрийехи саманна̄гато, ана̄гатехи ба̄вӣсатиндрийехи саманна̄гато, паччуппаннехи ба̄вӣсатиндрийехи саманна̄гатоти? а̄манта̄. чхасат̣т̣хиндрийехи саманна̄гатоти? на хевам̣ ваттаббе…пе….

570. на ваттаббам̣ – ‘‘атӣта̄на̄гатехи саманна̄гато’’ти? а̄манта̄. нану аттхи ат̣т̣хавимоккхаджха̄йӣ чатуннам̣ джха̄на̄нам̣ ника̄мала̄бхӣ наваннам̣ анупуббавиха̄расама̄паттӣнам̣ ла̄бхӣти? а̄манта̄. хан̃чи аттхи ат̣т̣хавимоккхаджха̄йӣ чатуннам̣ джха̄на̄нам̣ ника̄мала̄бхӣ наваннам̣ анупуббавиха̄расама̄паттӣнам̣ ла̄бхӣ, тена вата ре ваттаббе – ‘‘атӣта̄на̄гатехи саманна̄гато’’ти.

атӣта̄на̄гатасаманна̄гатакатха̄ нит̣т̣хита̄.

навамавагго.

тассудда̄нам̣ –

а̄нисам̣садасса̄висса сам̣йоджана̄нам̣ паха̄нам̣, амата̄рамман̣ам̣ сам̣йоджанам̣, рӯпам̣ са̄рамман̣ам̣, анусайа̄ ана̄рамман̣а̄, евамевам̣ н̃а̄н̣ам̣, атӣта̄на̄гата̄рамман̣ам̣ читтам̣, саббам̣ читтам̣ витакка̄нупатитам̣, саббасо витаккайато вича̄райато витаккавиппха̄ро саддо, на йатха̄читтасса ва̄ча̄, татхева ка̄йакаммам̣ атӣта̄на̄гатехи саманна̄гатоти.