(81) 9. рӯпам̣ каммантикатха̄

527. кусалена читтена самут̣т̣хитам̣ ка̄йакаммам̣ рӯпам̣ кусаланти? а̄манта̄. са̄рамман̣ам̣, аттхи тасса а̄ват̣т̣ана̄ а̄бхого саманна̄ха̄ро манасика̄ро четана̄ паттхана̄ пан̣идхӣти? на хевам̣ ваттаббе…пе… нану ана̄рамман̣ам̣, наттхи тасса а̄ват̣т̣ана̄ а̄бхого саманна̄ха̄ро манасика̄ро четана̄ паттхана̄ пан̣идхӣти? а̄манта̄. хан̃чи ана̄рамман̣ам̣, наттхи тасса а̄ват̣т̣ана̄…пе… пан̣идхӣти, но ча вата ре ваттаббе – ‘‘кусалена читтена самут̣т̣хитам̣ ка̄йакаммам̣ рӯпам̣ кусала’’нти.

кусалена читтена самут̣т̣хито пхассо кусало са̄рамман̣о, аттхи тасса а̄ват̣т̣ана̄…пе… пан̣идхӣти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ кусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… кусалена читтена самут̣т̣хита̄ ведана̄…пе… сан̃н̃а̄… четана̄… саддха̄… вӣрийам̣… сати… сама̄дхи…пе… пан̃н̃а̄ кусала̄ са̄рамман̣а̄, аттхи та̄йа а̄ват̣т̣ана̄…пе… пан̣идхӣти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ кусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе….

кусалена читтена самут̣т̣хитам̣ ка̄йакаммам̣ рӯпам̣ кусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. кусалена читтена самут̣т̣хито пхассо кусало ана̄рамман̣о, наттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… кусалена читтена самут̣т̣хитам̣ ка̄йакаммам̣ рӯпам̣ кусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. кусалена читтена самут̣т̣хита̄ ведана̄…пе… сан̃н̃а̄… четана̄… саддха̄… вӣрийам̣… сати… сама̄дхи…пе… пан̃н̃а̄ кусала̄ ана̄рамман̣а̄, наттхи та̄йа а̄ват̣т̣ана̄…пе… пан̣идхӣти? на хевам̣ ваттаббе…пе….

528. кусалена читтена самут̣т̣хитам̣ ка̄йакаммам̣ рӯпам̣ кусаланти? а̄манта̄. йам̣ кин̃чи кусалена читтена самут̣т̣хитам̣ рӯпам̣ саббам̣ там̣ кусаланти? на хевам̣ ваттаббе…пе….

кусалена читтена самут̣т̣хитам̣ ка̄йакаммам̣ рӯпам̣ кусаланти? а̄манта̄. кусалена читтена самут̣т̣хитам̣ рӯпа̄йатанам̣ кусаланти? на хевам̣ ваттаббе…пе… кусалена читтена самут̣т̣хитам̣ ка̄йакаммам̣ рӯпам̣ кусаланти? а̄манта̄. кусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту … а̄подха̄ту… теджодха̄ту…пе… ва̄йодха̄ту кусала̄ти? на хевам̣ ваттаббе…пе….

кусалена читтена самут̣т̣хитам̣ рӯпа̄йатанам̣ абйа̄катанти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ абйа̄катанти? на хевам̣ ваттаббе…пе… кусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту … теджодха̄ту …пе… ва̄йодха̄ту абйа̄ката̄ти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ абйа̄катанти? на хевам̣ ваттаббе…пе….

529. кусалена читтена самут̣т̣хитам̣ ка̄йакаммам̣ рӯпам̣ ана̄рамман̣ам̣ кусаланти? а̄манта̄. кусалена читтена самут̣т̣хитам̣ рӯпа̄йатанам̣ ана̄рамман̣ам̣ кусаланти? на хевам̣ ваттаббе…пе… кусалена читтена самут̣т̣хитам̣ ка̄йакаммам̣ рӯпам̣ ана̄рамман̣ам̣ кусаланти? а̄манта̄. кусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту… теджодха̄ту…пе… ва̄йодха̄ту ана̄рамман̣а̄ кусала̄ти? на хевам̣ ваттаббе…пе….

кусалена читтена самут̣т̣хитам̣ рӯпа̄йатанам̣ ана̄рамман̣ам̣ абйа̄катанти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ ана̄рамман̣ам̣ абйа̄катанти? на хевам̣ ваттаббе…пе… кусалена читтена самут̣т̣хитам̣ садда̄йатанам̣…пе… гандха̄йатанам̣ … раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту… теджодха̄ту…пе… ва̄йодха̄ту ана̄рамман̣а̄ абйа̄ката̄ти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ ана̄рамман̣ам̣ абйа̄катанти? на хевам̣ ваттаббе…пе….

530. кусалена читтена самут̣т̣хитам̣ ка̄йакаммам̣ рӯпам̣ пхассавиппайуттам̣ кусаланти? а̄манта̄. кусалена читтена самут̣т̣хитам̣ рӯпа̄йатанам̣ пхассавиппайуттам̣ кусаланти? на хевам̣ ваттаббе…пе… кусалена читтена самут̣т̣хитам̣ ка̄йакаммам̣ рӯпам̣ пхассавиппайуттам̣ кусаланти? а̄манта̄. кусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту… теджодха̄ту…пе… ва̄йодха̄ту пхассавиппайутта̄ кусала̄ти? на хевам̣ ваттаббе…пе….

кусалена читтена самут̣т̣хитам̣ рӯпа̄йатанам̣ пхассавиппайуттам̣ абйа̄катанти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ пхассавиппайуттам̣ абйа̄катанти? на хевам̣ ваттаббе…пе… кусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту… теджодха̄ту…пе… ва̄йодха̄ту пхассавиппайутта̄ абйа̄ката̄ти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ пхассавиппайуттам̣ абйа̄катанти? на хевам̣ ваттаббе…пе….

531. кусалена читтена самут̣т̣хитам̣ ка̄йакаммам̣ рӯпам̣ ана̄рамман̣ам̣ пхассавиппайуттам̣ кусаланти? а̄манта̄. кусалена читтена самут̣т̣хитам̣ рӯпа̄йатанам̣ ана̄рамман̣ам̣ пхассавиппайуттам̣ кусаланти? на хевам̣ ваттаббе…пе… кусалена читтена самут̣т̣хитам̣ ка̄йакаммам̣ рӯпам̣ ана̄рамман̣ам̣ пхассавиппайуттам̣ кусаланти? а̄манта̄. кусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту… теджодха̄ту…пе… ва̄йодха̄ту ана̄рамман̣а̄ пхассавиппайутта̄ кусала̄ти? на хевам̣ ваттаббе…пе….

кусалена читтена самут̣т̣хитам̣ рӯпа̄йатанам̣ ана̄рамман̣ам̣ пхассавиппайуттам̣ абйа̄катанти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ ана̄рамман̣ам̣ пхассавиппайуттам̣ абйа̄катанти? на хевам̣ ваттаббе…пе… кусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту… теджодха̄ту…пе… ва̄йодха̄ту ана̄рамман̣а̄ пхассавиппайутта̄ абйа̄ката̄ти? а̄манта̄. кусалена читтена самут̣т̣хитам̣ ка̄йакаммам̣ рӯпам̣ ана̄рамман̣ам̣ пхассавиппайуттам̣ абйа̄катанти? на хевам̣ ваттаббе…пе….

532. кусалена читтена самут̣т̣хитам̣ вачӣкаммам̣ рӯпам̣ кусаланти? а̄манта̄. са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… нану ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. хан̃чи ана̄рамман̣ам̣, наттхи тасса а̄ват̣т̣ана̄…пе… пан̣идхи; но ча вата ре ваттаббе – ‘‘кусалена читтена самут̣т̣хитам̣ вачӣкаммам̣ рӯпам̣ кусала’’нти.

кусалена читтена самут̣т̣хито пхассо кусало са̄рамман̣о, аттхи тасса а̄ват̣т̣ана̄…пе… пан̣идхӣти? а̄манта̄. кусалена читтена самут̣т̣хитам̣ вачӣкаммам̣ рӯпам̣ кусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… кусалена читтена самут̣т̣хита̄ ведана̄…пе… сан̃н̃а̄… четана̄… саддха̄… вӣрийам̣… сати… сама̄дхи…пе… пан̃н̃а̄ кусала̄ са̄рамман̣а̄, аттхи та̄йа а̄ват̣т̣ана̄…пе… пан̣идхӣти? а̄манта̄. кусалена читтена самут̣т̣хитам̣ вачӣкаммам̣ рӯпам̣ кусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе….

кусалена читтена самут̣т̣хитам̣ вачӣкаммам̣ рӯпам̣ кусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. кусалена читтена самут̣т̣хито пхассо кусало ана̄рамман̣о, наттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… кусалена читтена самут̣т̣хитам̣ вачӣкаммам̣ рӯпам̣ кусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. кусалена читтена самут̣т̣хита̄ ведана̄…пе… сан̃н̃а̄… четана̄… саддха̄… вӣрийам̣… сати… сама̄дхи…пе… пан̃н̃а̄ кусала̄ ана̄рамман̣а̄, наттхи та̄йа а̄ват̣т̣ана̄…пе… пан̣идхӣти? на хевам̣ ваттаббе…пе….

кусалена читтена самут̣т̣хитам̣ вачӣкаммам̣ рӯпам̣ кусаланти? а̄манта̄. йам̣ кин̃чи кусалена читтена самут̣т̣хитам̣ рӯпам̣ саббам̣ там̣ кусаланти? на хевам̣ ваттаббе…пе… йатха̄ ка̄йакаммам̣ татха̄ вачӣкамманти.

533. акусалена читтена самут̣т̣хитам̣ ка̄йакаммам̣ рӯпам̣ акусаланти? а̄манта̄. са̄рамман̣ам̣, аттхи тасса а̄ват̣т̣ана̄ а̄бхого саманна̄ха̄ро манасика̄ро четана̄ паттхана̄ пан̣идхӣти? на хевам̣ ваттаббе…пе… нану ана̄рамман̣ам̣, наттхи тасса а̄ват̣т̣ана̄ а̄бхого саманна̄ха̄ро манасика̄ро четана̄ паттхана̄ пан̣идхӣти? а̄манта̄. хан̃чи ана̄рамман̣ам̣, наттхи тасса а̄ват̣т̣ана̄ а̄бхого саманна̄ха̄ро манасика̄ро четана̄ паттхана̄ пан̣идхи; но ча вата ре ваттаббе – ‘‘акусалена читтена самут̣т̣хитам̣ ка̄йакаммам̣ рӯпам̣ акусала’’нти.

акусалена читтена самут̣т̣хито пхассо акусало са̄рамман̣о, аттхи тасса а̄ват̣т̣ана̄…пе… пан̣идхӣти? а̄манта̄. акусалена читтена самут̣т̣хитам̣ ка̄йакаммам̣ рӯпам̣ акусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… акусалена читтена самут̣т̣хита̄ ведана̄…пе… сан̃н̃а̄… четана̄… ра̄го… досо… мохо… ма̄но… дит̣т̣хи… вичикиччха̄… тхинам̣… уддхаччам̣… ахирикам̣…пе… аноттаппам̣ акусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? а̄манта̄. акусалена читтена самут̣т̣хитам̣ ка̄йакаммам̣ рӯпам̣ акусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе….

акусалена читтена самут̣т̣хитам̣ ка̄йакаммам̣ рӯпам̣ акусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. акусалена читтена самут̣т̣хито пхассо акусало ана̄рамман̣о, наттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… акусалена читтена самут̣т̣хитам̣ ка̄йакаммам̣ рӯпам̣ акусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. акусалена читтена самут̣т̣хита̄ ведана̄…пе… сан̃н̃а̄… четана̄… ра̄го… досо… мохо… ма̄но… дит̣т̣хи… вичикиччха̄… тхинам̣… уддхаччам̣… ахирикам̣…пе… аноттаппам̣ акусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе….

акусалена читтена самут̣т̣хитам̣ ка̄йакаммам̣ рӯпам̣ акусаланти? а̄манта̄. йам̣ кин̃чи акусалена читтена самут̣т̣хитам̣ рӯпам̣ саббам̣ там̣ акусаланти? на хевам̣ ваттаббе…пе….

534. акусалена читтена самут̣т̣хитам̣ вачӣкаммам̣ рӯпам̣ акусаланти? а̄манта̄. са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… нану ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. хан̃чи ана̄рамман̣ам̣, наттхи тасса а̄ват̣т̣ана̄…пе… пан̣идхи; но ча вата ре ваттаббе – ‘‘акусалена читтена самут̣т̣хитам̣ вачӣкаммам̣ рӯпам̣ акусала’’нти.

акусалена читтена самут̣т̣хито пхассо акусало са̄рамман̣о, аттхи тасса а̄ват̣т̣ана̄…пе… пан̣идхӣти? а̄манта̄. акусалена читтена самут̣т̣хитам̣ вачӣкаммам̣ рӯпам̣ акусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… акусалена читтена самут̣т̣хита̄ ведана̄…пе… сан̃н̃а̄ … четана̄… ра̄го… досо… мохо… ма̄но… дит̣т̣хи… вичикиччха̄… тхинам̣… уддхаччам̣… ахирикам̣…пе… аноттаппам̣ акусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? а̄манта̄. акусалена читтена самут̣т̣хитам̣ вачӣкаммам̣ рӯпам̣ акусалам̣ са̄рамман̣ам̣, аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе….

акусалена читтена самут̣т̣хитам̣ вачӣкаммам̣ рӯпам̣ акусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. акусалена читтена самут̣т̣хито пхассо акусало ана̄рамман̣о, наттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе… акусалена читтена самут̣т̣хитам̣ вачӣкаммам̣ рӯпам̣ акусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? а̄манта̄. акусалена читтена самут̣т̣хита̄ ведана̄…пе… сан̃н̃а̄… четана̄… ра̄го… досо… мохо… ма̄но… дит̣т̣хи… вичикиччха̄… тхинам̣… уддхаччам̣… ахирикам̣…пе… аноттаппам̣ акусалам̣ ана̄рамман̣ам̣, наттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе….

акусалена читтена самут̣т̣хитам̣ вачӣкаммам̣ рӯпам̣ акусаланти? а̄манта̄. йам̣ кин̃чи акусалена читтена самут̣т̣хитам̣ рӯпам̣ саббам̣ там̣ акусаланти? на хевам̣ ваттаббе…пе….

535. акусалена читтена самут̣т̣хитам̣ вачӣкаммам̣ рӯпам̣ акусаланти? а̄манта̄. акусалена читтена самут̣т̣хитам̣ рӯпа̄йатанам̣ акусаланти? на хевам̣ ваттаббе…пе… акусалена читтена самут̣т̣хитам̣ вачӣкаммам̣ рӯпам̣ акусаланти? а̄манта̄. акусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту… теджодха̄ту…пе… ва̄йодха̄ту асучи ассу лохитам̣ седо акусалоти? на хевам̣ ваттаббе…пе….

акусалена читтена самут̣т̣хитам̣ рӯпа̄йатанам̣ абйа̄катанти? а̄манта̄. акусалена читтена самут̣т̣хитам̣ вачӣкаммам̣ рӯпам̣ абйа̄катанти? на хевам̣ ваттаббе…пе… акусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту… теджодха̄ту…пе… ва̄йодха̄ту асучи ассу лохитам̣ седо абйа̄катоти? а̄манта̄. акусалена читтена самут̣т̣хитам̣ вачӣкаммам̣ рӯпам̣ абйа̄катанти? на хевам̣ ваттаббе…пе….

536. акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ акусаланти? а̄манта̄. акусалена читтена самут̣т̣хитам̣ рӯпа̄йатанам̣ ана̄рамман̣ам̣ акусаланти? на хевам̣ ваттаббе…пе… акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ акусаланти? а̄манта̄. акусалена читтена самут̣т̣хитам̣ садда̄йатанам̣…пе… гандха̄йатанам̣…пе… раса̄йатанам̣…пе… пхот̣т̣хабба̄йатанам̣… патхавӣдха̄ту… а̄подха̄ту… теджодха̄ту…пе… ва̄йодха̄ту асучи ассу лохитам̣ седо ана̄рамман̣о акусалоти? на хевам̣ ваттаббе…пе….

акусалена читтена самут̣т̣хитам̣ рӯпа̄йатанам̣ ана̄рамман̣ам̣ абйа̄катанти? а̄манта̄. акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ абйа̄катанти? на хевам̣ ваттаббе…пе… акусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣…пе… патхавӣдха̄ту… а̄подха̄ту… теджодха̄ту…пе… ва̄йодха̄ту асучи ассу лохитам̣ седо ана̄рамман̣о абйа̄катоти? а̄манта̄. акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ абйа̄катанти? на хевам̣ ваттаббе…пе….

537. акусалена читтена самут̣т̣хитам̣ вачӣкаммам̣ рӯпам̣ пхассавиппайуттам̣ акусаланти? а̄манта̄. акусалена читтена самут̣т̣хитам̣ рӯпа̄йатанам̣ пхассавиппайуттам̣ акусаланти? на хевам̣ ваттаббе…пе… акусалена читтена самут̣т̣хитам̣ вачӣкаммам̣ рӯпам̣ пхассавиппайуттам̣ акусаланти? а̄манта̄. акусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣… патхавӣдха̄ту… а̄подха̄ту… теджодха̄ту…пе… ва̄йодха̄ту асучи ассу лохитам̣ седо пхассавиппайутто акусалоти? на хевам̣ ваттаббе…пе….

акусалена читтена самут̣т̣хитам̣ рӯпа̄йатанам̣ пхассавиппайуттам̣ абйа̄катанти? а̄манта̄. акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ пхассавиппайуттам̣ абйа̄катанти? на хевам̣ ваттаббе…пе… акусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣… патхавӣдха̄ту… а̄подха̄ту… теджодха̄ту…пе… ва̄йодха̄ту асучи ассу лохитам̣ седо ана̄рамман̣о пхассавиппайутто абйа̄катоти? а̄манта̄. акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ пхассавиппайуттам̣ абйа̄катанти? на хевам̣ ваттаббе…пе….

акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ пхассавиппайуттам̣ акусаланти? а̄манта̄. акусалена читтена самут̣т̣хитам̣ рӯпа̄йатанам̣ ана̄рамман̣ам̣ пхассавиппайуттам̣ акусаланти? на хевам̣ ваттаббе…пе… акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ пхассавиппайуттам̣ акусаланти? а̄манта̄. акусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣… патхавӣдха̄ту… а̄подха̄ту… теджодха̄ту…пе… ва̄йодха̄ту асучи ассу лохитам̣ седо ана̄рамман̣о пхассавиппайутто акусалоти? на хевам̣ ваттаббе…пе….

акусалена читтена самут̣т̣хитам̣ рӯпа̄йатанам̣ ана̄рамман̣ам̣ пхассавиппайуттам̣ абйа̄катанти? а̄манта̄. акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ пхассавиппайуттам̣ абйа̄катанти? на хевам̣ ваттаббе…пе… акусалена читтена самут̣т̣хитам̣ садда̄йатанам̣…пе… гандха̄йатанам̣… раса̄йатанам̣… пхот̣т̣хабба̄йатанам̣… патхавӣдха̄ту… а̄подха̄ту… теджодха̄ту…пе… ва̄йодха̄ту асучи ассу лохитам̣ седо ана̄рамман̣о пхассавиппайутто абйа̄катоти? а̄манта̄. акусалена читтена самут̣т̣хитам̣ вачӣкаммам̣ рӯпам̣ ана̄рамман̣ам̣ пхассавиппайуттам̣ абйа̄катанти? на хевам̣ ваттаббе…пе….

538. на ваттаббам̣ – ‘‘рӯпам̣ кусалампи акусалампӣ’’ти? а̄манта̄. нану ка̄йакаммам̣ вачӣкаммам̣ кусалампи акусалампӣти? а̄манта̄. хан̃чи ка̄йакаммам̣ вачӣкаммам̣ кусалампи акусалампи, тена вата ре ваттаббе – ‘‘рӯпам̣ кусалампи акусалампӣ’’ти.

рӯпам̣ кусалампи акусалампӣти? а̄манта̄. чаккха̄йатанам̣ кусалампи акусалампӣти? на хевам̣ ваттаббе…пе… рӯпам̣ кусалампи акусалампӣти? а̄манта̄. сота̄йатанам̣…пе… гха̄на̄йатанам̣… дживха̄йатанам̣… ка̄йа̄йатанам̣… рӯпа̄йатанам̣… садда̄йатанам̣… гандха̄йатанам̣… раса̄йатанам̣ … пхот̣т̣хабба̄йатанам̣… патхавӣдха̄ту… а̄подха̄ту… теджодха̄ту…пе… ва̄йодха̄ту асучи ассу лохитам̣ седо кусалопи акусалопӣти? на хевам̣ ваттаббе…пе….

ка̄йо рӯпам̣, ка̄йакаммам̣ рӯпанти? а̄манта̄. мано рӯпам̣, манокаммам̣ рӯпанти? на хевам̣ ваттаббе …пе… мано арӯпам̣, манокаммам̣ арӯпанти? а̄манта̄. ка̄йо арӯпам̣, ка̄йакаммам̣ арӯпанти? на хевам̣ ваттаббе…пе….

ка̄йо рӯпанти, ка̄йакаммам̣ рӯпанти? а̄манта̄. чаккха̄йатанам̣ рӯпанти, чаккхувин̃н̃а̄н̣ам̣ рӯпанти? на хевам̣ ваттаббе…пе… ка̄йо рӯпанти, ка̄йакаммам̣ рӯпанти? а̄манта̄. сота̄йатанам̣ рӯпанти, сотавин̃н̃а̄н̣ам̣ рӯпанти? на хевам̣ ваттаббе…пе… ка̄йо рӯпанти, ка̄йакаммам̣ рӯпанти? а̄манта̄. гха̄на̄йатанам̣ рӯпанти, гха̄навин̃н̃а̄н̣ам̣ рӯпанти? на хевам̣ ваттаббе…пе… ка̄йо рӯпанти, ка̄йакаммам̣ рӯпанти? а̄манта̄. дживха̄йатанам̣ рӯпанти, дживха̄вин̃н̃а̄н̣ам̣ рӯпанти? на хевам̣ ваттаббе…пе… ка̄йо рӯпанти, ка̄йакаммам̣ рӯпанти? а̄манта̄. ка̄йа̄йатанам̣ рӯпанти, ка̄йавин̃н̃а̄н̣ам̣ рӯпанти? на хевам̣ ваттаббе…пе….

539. рӯпам̣ камманти? а̄манта̄. нану вуттам̣ бхагавата̄ – ‘‘четана̄хам̣, бхиккхаве, каммам̣ вада̄ми; четайитва̄ каммам̣ кароти ка̄йена ва̄ча̄йа манаса̄’’ти [а. ни. 6.63 ниббедхикасутте]! аттхева суттантоти? а̄манта̄. тена хи на ваттаббам̣ – ‘‘рӯпам̣ камма’’нти.

рӯпам̣ камманти? а̄манта̄. нану вуттам̣ бхагавата̄ – ‘‘ка̄йе ва̄, а̄нанда [ха̄нанда (сам̣. ни. 2.25)], сати ка̄йасан̃четана̄хету уппаджджати аджджхаттам̣ сукхадуккхам̣; ва̄ча̄йа ва̄, а̄нанда [ха̄нанда (сам̣. ни. 2.25)], сати вачӣсан̃четана̄хету уппаджджати аджджхаттам̣ сукхадуккхам̣; мане ва̄, а̄нанда [ха̄нанда (сам̣. ни. 2.25)], сати маносан̃четана̄хету уппаджджати аджджхаттам̣ сукхадуккха’’нти [сам̣. ни. 2.25; а. ни. 4.171]! аттхева суттантоти? а̄манта̄. тена хи на ваттаббам̣ – ‘‘рӯпам̣ камма’’нти.

рӯпам̣ камманти? а̄манта̄. нану вуттам̣ бхагавата̄ – ‘‘тивидха̄, бхиккхаве, ка̄йасан̃четана̄ акусалам̣ ка̄йакаммам̣ дуккхудрайам̣ дуккхавипа̄кам̣; чатуббидха̄, бхиккхаве, вачӣсан̃четана̄ акусалам̣ вачӣкаммам̣ дуккхудрайам̣ дуккхавипа̄кам̣; тивидха̄, бхиккхаве, маносан̃четана̄ акусалам̣ манокаммам̣ дуккхудрайам̣ дуккхавипа̄кам̣; тивидха̄, бхиккхаве, ка̄йасан̃четана̄ кусалам̣ ка̄йакаммам̣ сукхудрайам̣ сукхавипа̄кам̣; чатуббидха̄, бхиккхаве, вачӣсан̃четана̄ кусалам̣ вачӣкаммам̣ сукхудрайам̣ сукхавипа̄кам̣; тивидха̄, бхиккхаве, маносан̃четана̄ кусалам̣ манокаммам̣ сукхудрайам̣ сукхавипа̄ка’’нти [а. ни. 10.217 тхокам̣ пана висадисам̣]! аттхева суттантоти? а̄манта̄. тена хи на ваттаббам̣ – ‘‘рӯпам̣ камма’’нти.

рӯпам̣ камманти? а̄манта̄. нану вуттам̣ бхагавата̄ – ‘‘сача̄йам̣, а̄нанда, самиддхи могхапурисо па̄т̣алипуттасса [поталипуттасса (ма. ни. 3.300)] парибба̄джакасса евам̣ пут̣т̣хо евам̣ бйа̄кареййа – ‘сан̃четанийам̣, а̄вусо па̄т̣алипутта, каммам̣ катва̄ ка̄йена ва̄ча̄йа манаса̄ сукхаведанийам̣ сукхам̣ со ведайати; сан̃четанийам̣, а̄вусо па̄т̣алипутта, каммам̣ катва̄ ка̄йена ва̄ча̄йа манаса̄ дуккхаведанийам̣ дуккхам̣ со ведайати; сан̃четанийам̣, а̄вусо па̄т̣алипутта, каммам̣ катва̄ ка̄йена ва̄ча̄йа манаса̄ адуккхамасукхаведанийам̣ адуккхамасукхам̣ со ведайатӣ’ти, евам̣ бйа̄карама̄но кхо, а̄нанда, самиддхи могхапурисо па̄т̣алипуттасса парибба̄джакасса самма̄ бйа̄карама̄но бйа̄кареййа̄’’ти [ма. ни. 3.300]! аттхева суттантоти? а̄манта̄. тена хи на ваттаббам̣ – ‘‘рӯпам̣ камма’’нти.

рӯпам̣ каммантикатха̄ нит̣т̣хита̄.