8. ат̣т̣хамавагго

(79) 7. рӯпадха̄туйа̄а̄йатанакатха̄

519. аттхи сал̣а̄йатанико аттабха̄во рӯпадха̄туйа̄ти? а̄манта̄. аттхи таттха гха̄на̄йатананти? а̄манта̄. аттхи таттха гандха̄йатананти? на хевам̣ ваттаббе…пе… аттхи таттха дживха̄йатананти? а̄манта̄. аттхи таттха раса̄йатананти? на хевам̣ ваттаббе…пе… аттхи таттха ка̄йа̄йатананти? а̄манта̄. аттхи таттха пхот̣т̣хабба̄йатананти? на хевам̣ ваттаббе…пе….

наттхи таттха гандха̄йатананти? а̄манта̄. наттхи таттха гха̄на̄йатананти? на хевам̣ ваттаббе…пе… наттхи таттха раса̄йатананти? а̄манта̄. наттхи таттха дживха̄йатананти? на хевам̣ ваттаббе…пе… наттхи таттха пхот̣т̣хабба̄йатананти? а̄манта̄. наттхи таттха ка̄йа̄йатананти? на хевам̣ ваттаббе…пе….

520. аттхи таттха чаккха̄йатанам̣, аттхи рӯпа̄йатананти? а̄манта̄. аттхи таттха гха̄на̄йатанам̣, аттхи гандха̄йатананти? на хевам̣ ваттаббе…пе… аттхи таттха чаккха̄йатанам̣, аттхи рӯпа̄йатананти? а̄манта̄. аттхи таттха дживха̄йатанам̣, аттхи раса̄йатанам̣…пе… аттхи таттха ка̄йа̄йатанам̣, аттхи пхот̣т̣хабба̄йатананти? на хевам̣ ваттаббе…пе… аттхи таттха сота̄йатанам̣, аттхи садда̄йатанам̣…пе… аттхи таттха мана̄йатанам̣, аттхи дхамма̄йатананти? а̄манта̄. аттхи таттха гха̄на̄йатанам̣, аттхи гандха̄йатананти? на хевам̣ ваттаббе…пе… аттхи таттха мана̄йатанам̣, аттхи дхамма̄йатананти? а̄манта̄. аттхи таттха дживха̄йатанам̣, аттхи раса̄йатананти…пе… аттхи таттха ка̄йа̄йатанам̣, аттхи пхот̣т̣хабба̄йатананти? на хевам̣ ваттаббе…пе….

аттхи таттха гха̄на̄йатанам̣, наттхи гандха̄йатананти? а̄манта̄. аттхи таттха чаккха̄йатанам̣, наттхи рӯпа̄йатананти? на хевам̣ ваттаббе…пе… аттхи таттха гха̄на̄йатанам̣, наттхи гандха̄йатананти? а̄манта̄. аттхи таттха сота̄йатанам̣, наттхи садда̄йатанам̣…пе… аттхи таттха мана̄йатанам̣, наттхи дхамма̄йатананти? на хевам̣ ваттаббе…пе… аттхи таттха дживха̄йатанам̣, наттхи раса̄йатанам̣…пе… аттхи таттха ка̄йа̄йатанам̣, наттхи пхот̣т̣хабба̄йатананти? а̄манта̄. аттхи таттха чаккха̄йатанам̣, наттхи рӯпа̄йатананти? на хевам̣ ваттаббе…пе… аттхи таттха ка̄йа̄йатанам̣, наттхи пхот̣т̣хабба̄йатананти? а̄манта̄. аттхи таттха сота̄йатанам̣, наттхи садда̄йатанам̣ …пе… аттхи таттха мана̄йатанам̣, наттхи дхамма̄йатананти? на хевам̣ ваттаббе…пе….

521. аттхи таттха чаккха̄йатанам̣ аттхи рӯпа̄йатанам̣, тена чаккхуна̄ там̣ рӯпам̣ пассатӣти? а̄манта̄. аттхи таттха гха̄на̄йатанам̣ аттхи гандха̄йатанам̣, тена гха̄нена там̣ гандхам̣ гха̄йатӣти? на хевам̣ ваттаббе…пе… аттхи таттха чаккха̄йатанам̣ аттхи рӯпа̄йатанам̣, тена чаккхуна̄ там̣ рӯпам̣ пассатӣти? а̄манта̄. аттхи таттха дживха̄йатанам̣ аттхи раса̄йатанам̣, та̄йа дживха̄йа там̣ расам̣ са̄йати…пе… аттхи таттха ка̄йа̄йатанам̣ аттхи пхот̣т̣хабба̄йатанам̣, тена ка̄йена там̣ пхот̣т̣хаббам̣ пхусатӣти? на хевам̣ ваттаббе…пе….

аттхи таттха сота̄йатанам̣ аттхи садда̄йатанам̣…пе… аттхи таттха мана̄йатанам̣ аттхи дхамма̄йатанам̣, тена манена там̣ дхаммам̣ виджа̄на̄тӣти? а̄манта̄. аттхи таттха гха̄на̄йатанам̣ аттхи гандха̄йатанам̣, тена гха̄нена там̣ гандхам̣ гха̄йатӣти? на хевам̣ ваттаббе…пе… аттхи таттха мана̄йатанам̣ аттхи дхамма̄йатанам̣, тена манена там̣ дхаммам̣ виджа̄на̄тӣти? а̄манта̄. аттхи таттха дживха̄йатанам̣ аттхи раса̄йатанам̣…пе… аттхи таттха ка̄йа̄йатанам̣ аттхи пхот̣т̣хабба̄йатанам̣, тена ка̄йена там̣ пхот̣т̣хаббам̣ пхусатӣти? на хевам̣ ваттаббе…пе….

аттхи таттха гха̄на̄йатанам̣ аттхи гандха̄йатанам̣, на ча тена гха̄нена там̣ гандхам̣ гха̄йатӣти? а̄манта̄. аттхи таттха чаккха̄йатанам̣ аттхи рӯпа̄йатанам̣, на ча тена чаккхуна̄ там̣ рӯпам̣ пассатӣти? на хевам̣ ваттаббе…пе… аттхи таттха гха̄на̄йатанам̣ аттхи гандха̄йатанам̣, на ча тена гха̄нена там̣ гандхам̣ гха̄йатӣти? а̄манта̄. аттхи таттха сота̄йатанам̣ аттхи садда̄йатанам̣…пе… аттхи таттха мана̄йатанам̣ аттхи дхамма̄йатанам̣, на ча тена манена там̣ дхаммам̣ виджа̄на̄тӣти? на хевам̣ ваттаббе…пе….

аттхи таттха дживха̄йатанам̣ аттхи раса̄йатанам̣…пе… аттхи таттха ка̄йа̄йатанам̣ аттхи пхот̣т̣хабба̄йатанам̣, на ча тена ка̄йена там̣ пхот̣т̣хаббам̣ пхусатӣти? а̄манта̄. аттхи таттха сота̄йатанам̣ аттхи садда̄йатанам̣…пе… аттхи таттха мана̄йатанам̣ аттхи дхамма̄йатанам̣, на ча тена манена там̣ дхаммам̣ виджа̄на̄тӣти? на хевам̣ ваттаббе…пе….

522. аттхи таттха гха̄на̄йатанам̣ аттхи гандха̄йатанам̣, тена гха̄нена там̣ гандхам̣ гха̄йатӣти? а̄манта̄. аттхи таттха мӯлагандхо са̄рагандхо тачагандхо паттагандхо пуппхагандхо пхалагандхо а̄магандхо виссагандхо сугандхо дуггандхоти? на хевам̣ ваттаббе…пе….

аттхи таттха дживха̄йатанам̣ аттхи раса̄йатанам̣, та̄йа дживха̄йа там̣ расам̣ са̄йатӣти? а̄манта̄. аттхи таттха мӯларасо кхандхарасо тачарасо паттарасо пуппхарасо пхаларасо амбилам̣ мадхурам̣ титтакам̣ кат̣укам̣ лон̣ийам̣ кха̄рийам̣ ламбилам̣ каса̄во са̄ду аса̄дӯти? на хевам̣ ваттаббе…пе….

аттхи таттха ка̄йа̄йатанам̣ аттхи пхот̣т̣хабба̄йатанам̣, тена ка̄йена там̣ пхот̣т̣хаббам̣ пхусатӣти? а̄манта̄. аттхи таттха каккхал̣ам̣ мудукам̣ сан̣хам̣ пхарусам̣ сукхасампхассам̣ дуккхасампхассам̣ гарукам̣ лахуканти? на хевам̣ ваттаббе…пе….

523. на ваттаббам̣ – ‘‘сал̣а̄йатанико аттабха̄во рӯпадха̄туйа̄’’ти? а̄манта̄. нану аттхи таттха гха̄нанимиттам̣ дживха̄нимиттам̣ ка̄йанимиттанти? а̄манта̄. хан̃чи аттхи таттха гха̄нанимиттам̣ дживха̄нимиттам̣ ка̄йанимиттам̣, тена вата ре ваттаббе – ‘‘сал̣а̄йатанико аттабха̄во рӯпадха̄туйа̄’’ти.

рӯпадха̄туйа̄ а̄йатанакатха̄ нит̣т̣хита̄.