(70) 8. джара̄маран̣ам̣ випа̄котикатха̄

495. джара̄маран̣ам̣ випа̄коти? а̄манта̄. сукхаведанийам̣ дуккхаведанийам̣ адуккхамасукхаведанийам̣, сукха̄йа ведана̄йа сампайуттам̣, дуккха̄йа ведана̄йа сампайуттам̣, адуккхамасукха̄йа ведана̄йа сампайуттам̣, пхассена сампайуттам̣, ведана̄йа сампайуттам̣, сан̃н̃а̄йа сампайуттам̣, четана̄йа сампайуттам̣, читтена сампайуттам̣, са̄рамман̣ам̣; аттхи тасса а̄ват̣т̣ана̄ а̄бхого саманна̄ха̄ро манасика̄ро четана̄ паттхана̄ пан̣идхӣти? на хевам̣ ваттаббе…пе… нану на сукхаведанийам̣ на дуккхаведанийам̣…пе… ана̄рамман̣ам̣; наттхи тасса а̄ват̣т̣ана̄…пе… пан̣идхӣти? а̄манта̄. хан̃чи на сукхаведанийам̣ на дуккхаведанийам̣…пе… ана̄рамман̣ам̣; наттхи тасса а̄ват̣т̣ана̄ …пе… пан̣идхи, но ча вата ре ваттаббе – ‘‘джара̄маран̣ам̣ випа̄ко’’ти.

пхассо випа̄ко, пхассо сукхаведанийо дуккхаведанийо…пе… са̄рамман̣о; аттхи тасса а̄ват̣т̣ана̄…пе… пан̣идхӣти? а̄манта̄. джара̄маран̣ам̣ випа̄ко, джара̄маран̣ам̣ сукхаведанийам̣ дуккхаведанийам̣…пе… са̄рамман̣ам̣; аттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе….

джара̄маран̣ам̣ випа̄ко, джара̄маран̣ам̣ на сукхаведанийам̣ на дуккхаведанийам̣…пе… ана̄рамман̣ам̣; наттхи тасса а̄ват̣т̣ана̄…пе… пан̣идхӣти? а̄манта̄. пхассо випа̄ко, пхассо на сукхаведанийо на дуккхаведанийо…пе… ана̄рамман̣о; наттхи тасса а̄ват̣т̣ана̄…пе… пан̣идхӣти? на хевам̣ ваттаббе…пе….

496. акусала̄нам̣ дхамма̄нам̣ джара̄маран̣ам̣, акусала̄нам̣ дхамма̄нам̣ випа̄коти? а̄манта̄. кусала̄нам̣ дхамма̄нам̣ джара̄маран̣ам̣, кусала̄нам̣ дхамма̄нам̣ випа̄коти? на хевам̣ ваттаббе…пе….

кусала̄нам̣ дхамма̄нам̣ джара̄маран̣ам̣, на ваттаббам̣ – ‘‘кусала̄нам̣ дхамма̄нам̣ випа̄ко’’ти? а̄манта̄. акусала̄нам̣ дхамма̄нам̣ джара̄маран̣ам̣, на ваттаббам̣ – ‘‘акусала̄нам̣ дхамма̄нам̣ випа̄ко’’ти? на хевам̣ ваттаббе…пе….

кусала̄нам̣ дхамма̄нам̣ джара̄маран̣ам̣, акусала̄нам̣ дхамма̄нам̣ випа̄коти? а̄манта̄. акусала̄нам̣ дхамма̄нам̣ джара̄маран̣ам̣, кусала̄нам̣ дхамма̄нам̣ випа̄коти? на хевам̣ ваттаббе…пе….

акусала̄нам̣ дхамма̄нам̣ джара̄маран̣ам̣, на ваттаббам̣ – ‘‘кусала̄нам̣ дхамма̄нам̣ випа̄ко’’ти? а̄манта̄. кусала̄нам̣ дхамма̄нам̣ джара̄маран̣ам̣, на ваттаббам̣ – ‘‘акусала̄нам̣ дхамма̄нам̣ випа̄ко’’ти? на хевам̣ ваттаббе…пе….

кусала̄нан̃ча акусала̄нан̃ча дхамма̄нам̣ джара̄маран̣ам̣, акусала̄нам̣ дхамма̄нам̣ випа̄коти? а̄манта̄. кусала̄нан̃ча акусала̄нан̃ча дхамма̄нам̣ джара̄маран̣ам̣, кусала̄нам̣ дхамма̄нам̣ випа̄коти? на хевам̣ ваттаббе…пе….

кусала̄нан̃ча акусала̄нан̃ча дхамма̄нам̣ джара̄маран̣ам̣, на ваттаббам̣ – ‘‘кусала̄нам̣ дхамма̄нам̣ випа̄ко’’ти? а̄манта̄. кусала̄нан̃ча акусала̄нан̃ча дхамма̄нам̣ джара̄маран̣ам̣, на ваттаббам̣ – ‘‘акусала̄нам̣ дхамма̄нам̣ випа̄ко’’ти? на хевам̣ ваттаббе…пе….

497. на ваттаббам̣ – ‘‘джара̄маран̣ам̣ випа̄ко’’ти? а̄манта̄. нану аттхи дуббан̣н̣асам̣ваттанийам̣ каммам̣ аппа̄йукасам̣ваттанийам̣ камманти? а̄манта̄. хан̃чи аттхи дуббан̣н̣асам̣ваттанийам̣ каммам̣ аппа̄йукасам̣ваттанийам̣ каммам̣, тена вата ре ваттаббе – ‘‘джара̄маран̣ам̣ випа̄ко’’ти.

джара̄маран̣ам̣ випа̄котикатха̄ нит̣т̣хита̄.