5. пан̃чамавагго

(49) 7. читта̄рамман̣акатха̄

436. четопарийа̄йе н̃а̄н̣ам̣ читта̄рамман̣ан̃н̃ева на ан̃н̃а̄рамман̣анти? а̄манта̄. нану аттхи кочи ‘‘сара̄гам̣ читтам̣ сара̄гам̣ читта’’нти паджа̄на̄тӣти? а̄манта̄. хан̃чи аттхи кочи ‘‘сара̄гам̣ читтам̣ сара̄гам̣ читта’’нти паджа̄на̄ти, но ча вата ре ваттаббе – ‘‘четопарийа̄йе н̃а̄н̣ам̣ читта̄рамман̣ан̃н̃ева на ан̃н̃а̄рамман̣а’’нти.

нану аттхи кочи вӣтара̄гам̣ читтам̣…пе… садосам̣ читтам̣… вӣтадосам̣ читтам̣… самохам̣ читтам̣… вӣтамохам̣ читтам̣… сам̣кхиттам̣ читтам̣… виккхиттам̣ читтам̣… махаггатам̣ читтам̣… амахаггатам̣ читтам̣… сауттарам̣ читтам̣… ануттарам̣ читтам̣… сама̄хитам̣ читтам̣… асама̄хитам̣ читтам̣… вимуттам̣ читтам̣…пе… авимуттам̣ читтам̣ ‘‘авимуттам̣ читта’’нти паджа̄на̄тӣти? а̄манта̄. хан̃чи аттхи кочи ‘‘авимуттам̣ читтам̣ авимуттам̣ читта’’нти паджа̄на̄ти, но ча вата ре ваттаббе – ‘‘четопарийа̄йе н̃а̄н̣ам̣ читта̄рамман̣ан̃н̃ева на ан̃н̃а̄рамман̣а’’нти.

437. пхасса̄рамман̣е н̃а̄н̣ам̣ ваттаббам̣ – ‘‘четопарийа̄йе н̃а̄н̣а’’нти? а̄манта̄. хан̃чи пхасса̄рамман̣е н̃а̄н̣ам̣ ваттаббам̣ четопарийа̄йе н̃а̄н̣ам̣, но ча вата ре ваттаббе – ‘‘четопарийа̄йе н̃а̄н̣ам̣ читта̄рамман̣ан̃н̃ева на ан̃н̃а̄рамман̣а’’нти. ведана̄рамман̣е н̃а̄н̣ам̣…пе… сан̃н̃а̄рамман̣е н̃а̄н̣ам̣… четана̄рамман̣е н̃а̄н̣ам̣… читта̄рамман̣е н̃а̄н̣ам̣… саддха̄рамман̣е н̃а̄н̣ам̣… вӣрийа̄рамман̣е н̃а̄н̣ам̣… сата̄рамман̣е н̃а̄н̣ам̣… сама̄дха̄рамман̣е н̃а̄н̣ам̣… пан̃н̃а̄рамман̣е н̃а̄н̣ам̣… ра̄га̄рамман̣е н̃а̄н̣ам̣ … доса̄рамман̣е н̃а̄н̣ам̣… моха̄рамман̣е н̃а̄н̣ам̣…пе… аноттаппа̄рамман̣е н̃а̄н̣ам̣ ваттаббам̣ – ‘‘четопарийа̄йе н̃а̄н̣а’’нти? а̄манта̄. хан̃чи аноттаппа̄рамман̣е н̃а̄н̣ам̣ ваттаббам̣ четопарийа̄йе н̃а̄н̣ам̣, но ча вата ре ваттаббе – ‘‘четопарийа̄йе н̃а̄н̣ам̣ читта̄рамман̣ан̃н̃ева на ан̃н̃а̄рамман̣а’’нти.

пхасса̄рамман̣е н̃а̄н̣ам̣ на ваттаббам̣ – ‘‘четопарийа̄йе н̃а̄н̣а’’нти? а̄манта̄. пхассапарийа̄йе н̃а̄н̣анти? на хевам̣ ваттаббе…пе… ведана̄рамман̣е н̃а̄н̣ам̣…пе… сан̃н̃а̄рамман̣е н̃а̄н̣ам̣…пе… аноттаппа̄рамман̣е н̃а̄н̣ам̣ на ваттаббам̣ – ‘‘четопарийа̄йе н̃а̄н̣а’’нти? а̄манта̄. аноттаппапарийа̄йе н̃а̄н̣анти? на хевам̣ ваттаббе…пе….

438. на ваттаббам̣ – ‘‘четопарийа̄йе н̃а̄н̣ам̣ читта̄рамман̣ан̃н̃ева на ан̃н̃а̄рамман̣а’’нти? а̄манта̄. нану четопарийа̄йе н̃а̄н̣анти? а̄манта̄. хан̃чи четопарийа̄йе н̃а̄н̣ам̣, тена вата ре ваттаббе – ‘‘четопарийа̄йе н̃а̄н̣ам̣ читта̄рамман̣ан̃н̃ева на ан̃н̃а̄рамман̣а’’нти.

читта̄рамман̣акатха̄ нит̣т̣хита̄.