5. пан̃чамавагго

(47) 5. пат̣исамбхида̄катха̄

432. саббам̣ н̃а̄н̣ам̣ пат̣исамбхида̄ти? а̄манта̄. саммутин̃а̄н̣ам̣ пат̣исамбхида̄ти? на хевам̣ ваттаббе…пе… саммутин̃а̄н̣ам̣ пат̣исамбхида̄ти? а̄манта̄. йе кечи саммутим̣ джа̄нанти, саббе те пат̣исамбхида̄патта̄ти? на хевам̣ ваттаббе…пе… саббам̣ н̃а̄н̣ам̣ пат̣исамбхида̄ти? а̄манта̄. четопарийа̄йе н̃а̄н̣ам̣ пат̣исамбхида̄ти? на хевам̣ ваттаббе…пе… четопарийа̄йе н̃а̄н̣ам̣ пат̣исамбхида̄ти? а̄манта̄. йе кечи парачиттам̣ джа̄нанти, саббе те пат̣исамбхида̄патта̄ти? на хевам̣ ваттаббе…пе….

саббам̣ н̃а̄н̣ам̣ пат̣исамбхида̄ти? а̄манта̄. сабба̄ пан̃н̃а̄ пат̣исамбхида̄ти? на хевам̣ ваттаббе…пе… сабба̄ пан̃н̃а̄ пат̣исамбхида̄ти? а̄манта̄. патхавӣкасин̣ам̣ сама̄паттим̣ сама̄паннасса аттхи пан̃н̃а̄, са̄ пан̃н̃а̄ пат̣исамбхида̄ти? на хевам̣ ваттаббе…пе… а̄покасин̣ам̣…пе… теджокасин̣ам̣…пе… ва̄йокасин̣ам̣…пе… нӣлакасин̣ам̣…пе… пӣтакасин̣ам̣…пе… лохитакасин̣ам̣…пе… ода̄такасин̣ам̣…пе… а̄ка̄са̄нан̃ча̄йатанам̣…пе… вин̃н̃а̄н̣ан̃ча̄йатанам̣…пе… а̄кин̃чан̃н̃а̄йатанам̣…пе… невасан̃н̃а̄на̄сан̃н̃а̄йатанам̣ сама̄паннасса…пе… да̄нам̣ дадантасса…пе… чӣварам̣ дадантасса…пе… пин̣д̣апа̄там̣ дадантасса…пе… сена̄санам̣ дадантасса…пе… гила̄напаччайабхесаджджапариккха̄рам̣ дадантасса аттхи пан̃н̃а̄, са̄ пан̃н̃а̄ пат̣исамбхида̄ти? на хевам̣ ваттаббе…пе….

433. на ваттаббам̣ – ‘‘саббам̣ н̃а̄н̣ам̣ пат̣исамбхида̄’’ти? а̄манта̄. аттхи локуттара̄ пан̃н̃а̄, са̄ пан̃н̃а̄ на пат̣исамбхида̄ти? на хевам̣ ваттаббе…пе… тена хи саббам̣ н̃а̄н̣ам̣ пат̣исамбхида̄ти.

пат̣исамбхида̄катха̄ нит̣т̣хита̄.