5. суддхикасам̣санданам̣

17. пуггало упалаббхати саччикат̣т̣хапараматтхена, рӯпан̃ча упалаббхати саччикат̣т̣хапараматтхена̄ти? а̄манта̄. ан̃н̃ам̣ рӯпам̣ ан̃н̃о пуггалоти? на хевам̣ ваттаббе.

а̄джа̄на̄хи ниггахам̣. хан̃чи пуггало упалаббхати саччикат̣т̣хапараматтхена, рӯпан̃ча упалаббхати саччикат̣т̣хапараматтхена, тена вата ре ваттаббе – ‘‘ан̃н̃ам̣ рӯпам̣ ан̃н̃о пуггало’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена, рӯпан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ рӯпам̣ ан̃н̃о пуггало’’’ти миччха̄.

но че пана ваттаббе – ‘‘ан̃н̃ам̣ рӯпам̣ ан̃н̃о пуггало’’ти, но ча вата ре ваттаббе – ‘‘пуггало упалаббхати саччикат̣т̣хапараматтхена, рӯпан̃ча упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена, рӯпан̃ча упалаббхати саччикат̣т̣хапараматтхена’, но ча ваттаббе – ‘ан̃н̃ам̣ рӯпам̣ ан̃н̃о пуггало’’’ти миччха̄…пе….

18. пуггало упалаббхати саччикат̣т̣хапараматтхена, ведана̄ ча упалаббхати саччикат̣т̣хапараматтхена…пе… сан̃н̃а̄ ча упалаббхати…пе… сан̇кха̄ра̄ ча упалаббханти…пе… вин̃н̃а̄н̣ан̃ча упалаббхати саччикат̣т̣хапараматтхена̄ти? а̄манта̄. ан̃н̃ам̣ вин̃н̃а̄н̣ам̣ ан̃н̃о пуггалоти? на хевам̣ ваттаббе.

а̄джа̄на̄хи ниггахам̣. хан̃чи пуггало упалаббхати саччикат̣т̣хапараматтхена, вин̃н̃а̄н̣ан̃ча упалаббхати саччикат̣т̣хапараматтхена, тена вата ре ваттаббе – ‘‘ан̃н̃ам̣ вин̃н̃а̄н̣ам̣ ан̃н̃о пуггало’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена, вин̃н̃а̄н̣ан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ вин̃н̃а̄н̣ам̣ ан̃н̃о пуггало’’’ти миччха̄.

но че пана ваттаббе – ‘‘ан̃н̃ам̣ вин̃н̃а̄н̣ам̣ ан̃н̃о пуггало’’ти, но ча вата ре ваттаббе – ‘‘пуггало упалаббхати саччикат̣т̣хапараматтхена, вин̃н̃а̄н̣ан̃ча упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена, вин̃н̃а̄н̣ан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ вин̃н̃а̄н̣ам̣ ан̃н̃о пуггало’’’ти миччха̄…пе….

19. пуггало упалаббхати саччикат̣т̣хапараматтхена, чаккха̄йатанан̃ча упалаббхати саччикат̣т̣хапараматтхена…пе… сота̄йатанан̃ча упалаббхати… гха̄на̄йатанан̃ча упалаббхати… дживха̄йатанан̃ча упалаббхати… ка̄йа̄йатанан̃ча упалаббхати… рӯпа̄йатанан̃ча упалаббхати… садда̄йатанан̃ча упалаббхати… гандха̄йатанан̃ча упалаббхати… раса̄йатанан̃ча упалаббхати… пхот̣т̣хабба̄йатанан̃ча упалаббхати… мана̄йатанан̃ча упалаббхати… дхамма̄йатанан̃ча упалаббхати саччикат̣т̣хапараматтхена…пе….

20. чаккхудха̄ту ча упалаббхати саччикат̣т̣хапараматтхена…пе… сотадха̄ту ча упалаббхати… гха̄надха̄ту ча упалаббхати… дживха̄дха̄ту ча упалаббхати… ка̄йадха̄ту ча упалаббхати… рӯпадха̄ту ча упалаббхати… саддадха̄ту ча упалаббхати… гандхадха̄ту ча упалаббхати… расадха̄ту ча упалаббхати… пхот̣т̣хаббадха̄ту ча упалаббхати… чаккхувин̃н̃а̄н̣адха̄ту ча упалаббхати… сотавин̃н̃а̄н̣адха̄ту ча упалаббхати… гха̄навин̃н̃а̄н̣адха̄ту ча упалаббхати… дживха̄вин̃н̃а̄н̣адха̄ту ча упалаббхати… ка̄йавин̃н̃а̄н̣адха̄ту ча упалаббхати… манодха̄ту ча упалаббхати… мановин̃н̃а̄н̣адха̄ту ча упалаббхати… дхаммадха̄ту ча упалаббхати саччикат̣т̣хапараматтхена…пе….

21. чаккхундрийан̃ча упалаббхати саччикат̣т̣хапараматтхена…пе… сотиндрийан̃ча упалаббхати… гха̄ниндрийан̃ча упалаббхати… дживхиндрийан̃ча упалаббхати… ка̄йиндрийан̃ча упалаббхати … маниндрийан̃ча упалаббхати… джӣвитиндрийан̃ча упалаббхати… иттхиндрийан̃ча упалаббхати… пурисиндрийан̃ча упалаббхати… сукхиндрийан̃ча упалаббхати… дуккхиндрийан̃ча упалаббхати… соманассиндрийан̃ча упалаббхати… доманассиндрийан̃ча упалаббхати… упеккхиндрийан̃ча упалаббхати… саддхиндрийан̃ча упалаббхати… вӣрийиндрийан̃ча упалаббхати… сатиндрийан̃ча упалаббхати… сама̄дхиндрийан̃ча упалаббхати… пан̃н̃индрийан̃ча упалаббхати… анан̃н̃а̄тан̃н̃асса̄мӣтиндрийан̃ча упалаббхати… ан̃н̃индрийан̃ча упалаббхати… ан̃н̃а̄та̄виндрийан̃ча упалаббхати саччикат̣т̣хапараматтхена̄ти? а̄манта̄. ан̃н̃ам̣ ан̃н̃а̄та̄виндрийам̣ ан̃н̃о пуггалоти? на хевам̣ ваттаббе.

а̄джа̄на̄хи ниггахам̣. хан̃чи пуггало упалаббхати саччикат̣т̣хапараматтхена, ан̃н̃а̄та̄виндрийан̃ча упалаббхати саччикат̣т̣хапараматтхена, тена вата ре ваттаббе – ‘‘ан̃н̃ам̣ ан̃н̃а̄та̄виндрийам̣ ан̃н̃о пуггало’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена, ан̃н̃а̄та̄виндрийан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ ан̃н̃а̄та̄виндрийам̣ ан̃н̃о пуггало’’’ти миччха̄.

но че пана ваттаббе – ‘‘ан̃н̃ам̣ ан̃н̃а̄та̄виндрийам̣ ан̃н̃о пуггало’’ти, но ча вата ре ваттаббе – ‘‘пуггало упалаббхати саччикат̣т̣хапараматтхена, ан̃н̃а̄та̄виндрийан̃ча упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена, ан̃н̃а̄та̄виндрийан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ ан̃н̃а̄та̄виндрийам̣ ан̃н̃о пуггало’’’ти миччха̄…пе….

22. [пу. па. ма̄тика̄ 4.24; а. ни. 4.95-96] пуггало нупалаббхати саччикат̣т̣хапараматтхена̄ти? а̄манта̄. вуттам̣ бхагавата̄ – ‘‘аттхи пуггало аттахита̄йа пат̣ипанно,’’ рӯпан̃ча упалаббхати саччикат̣т̣хапараматтхена̄ти? а̄манта̄. ан̃н̃ам̣ рӯпам̣ ан̃н̃о пуггалоти? на хевам̣ ваттаббе.

а̄джа̄на̄хи пат̣икаммам̣. хан̃чи вуттам̣ бхагавата̄ – ‘‘аттхи пуггало аттахита̄йа пат̣ипанно,’’ рӯпан̃ча упалаббхати саччикат̣т̣хапараматтхена, тена вата ре ваттаббе – ‘‘ан̃н̃ам̣ рӯпам̣ ан̃н̃о пуггало’’ти. йам̣ таттха вадеси – ‘‘ваттаббе кхо – ‘вуттам̣ бхагавата̄ – аттхи пуггало аттахита̄йа пат̣ипанно, рӯпан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ рӯпам̣ ан̃н̃о пуггало’’’ти миччха̄.

но че пана ваттаббе – ‘‘ан̃н̃ам̣ рӯпам̣ ан̃н̃о пуггало’’ти, но ча вата ре ваттаббе – ‘‘вуттам̣ бхагавата̄ – ‘аттхи пуггало аттахита̄йа пат̣ипанно,’ рӯпан̃ча упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘вуттам̣ бхагавата̄ – аттхи пуггало аттахита̄йа пат̣ипанно, рӯпан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ рӯпам̣ ан̃н̃о пуггало’’’ти миччха̄…пе….

23. пуггало нупалаббхати саччикат̣т̣хапараматтхена̄ти? а̄манта̄. вуттам̣ бхагавата̄ – ‘‘аттхи пуггало аттахита̄йа пат̣ипанно,’’ ведана̄ ча упалаббхати…пе… сан̃н̃а̄ ча упалаббхати…пе… сан̇кха̄ра̄ ча упалаббханти…пе… вин̃н̃а̄н̣ан̃ча упалаббхати саччикат̣т̣хапараматтхена̄ти? а̄манта̄. ан̃н̃ам̣ вин̃н̃а̄н̣ам̣ ан̃н̃о пуггалоти? на хевам̣ ваттаббе.

а̄джа̄на̄хи пат̣икаммам̣. хан̃чи вуттам̣ бхагавата̄ – ‘‘аттхи пуггало аттахита̄йа пат̣ипанно,’’ вин̃н̃а̄н̣ан̃ча упалаббхати саччикат̣т̣хапараматтхена, тена вата ре ваттаббе – ‘‘ан̃н̃ам̣ вин̃н̃а̄н̣ам̣ ан̃н̃о пуггало’’ти. йам̣ таттха вадеси – ‘‘ваттаббе кхо – ‘вуттам̣ бхагавата̄ – аттхи пуггало аттахита̄йа пат̣ипанно, вин̃н̃а̄н̣ан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ вин̃н̃а̄н̣ам̣ ан̃н̃о пуггало’’’ти миччха̄.

но че пана ваттаббе – ‘‘ан̃н̃ам̣ вин̃н̃а̄н̣ам̣ ан̃н̃о пуггало’’ти, но ча вата ре ваттаббе – ‘‘вуттам̣ бхагавата̄ – ‘аттхи пуггало аттахита̄йа пат̣ипанно,’ вин̃н̃а̄н̣ан̃ча упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘вуттам̣ бхагавата̄ – аттхи пуггало аттахита̄йа пат̣ипанно,’ вин̃н̃а̄н̣ан̃ча упалаббхати саччикат̣т̣хапараматтхена, но ча ваттаббе – ‘ан̃н̃ам̣ вин̃н̃а̄н̣ам̣ ан̃н̃о пуггало’’’ти миччха̄…пе….

24. пуггало нупалаббхати саччикат̣т̣хапараматтхена̄ти? а̄манта̄. вуттам̣ бхагавата̄ – ‘‘аттхи пуггало аттахита̄йа пат̣ипанно,’’ чаккха̄йатанан̃ча упалаббхати саччикат̣т̣хапараматтхена…пе… сота̄йатанан̃ча упалаббхати…пе… дхамма̄йатанан̃ча упалаббхати саччикат̣т̣хапараматтхена…пе….

25. чаккхудха̄ту ча упалаббхати саччикат̣т̣хапараматтхена…пе… ка̄йадха̄ту ча упалаббхати…пе… рӯпадха̄ту ча упалаббхати…пе… пхот̣т̣хаббадха̄ту ча упалаббхати…пе… чаккхувин̃н̃а̄н̣адха̄ту ча упалаббхати…пе… мановин̃н̃а̄н̣адха̄ту ча упалаббхати…пе… дхаммадха̄ту ча упалаббхати саччикат̣т̣хапараматтхена…пе….

26. чаккхундрийан̃ча упалаббхати саччикат̣т̣хапараматтхена…пе… сотиндрийан̃ча упалаббхати саччикат̣т̣хапараматтхена…пе… ан̃н̃индрийан̃ча [ан̃н̃а̄та̄виндрийан̃ча (бахӯсу)] упалаббхати саччикат̣т̣хапараматтхена…пе….

27. пуггало нупалаббхати саччикат̣т̣хапараматтхена̄ти? а̄манта̄. вуттам̣ бхагавата̄ – ‘‘аттхи пуггало аттахита̄йа пат̣ипанно,’’ ан̃н̃а̄та̄виндрийан̃ча упалаббхати саччикат̣т̣хапараматтхена̄ти? а̄манта̄. ан̃н̃ам̣ ан̃н̃а̄та̄виндрийам̣ ан̃н̃о пуггалоти? на хевам̣ ваттаббе.

а̄джа̄на̄хи пат̣икаммам̣. хан̃чи вуттам̣ бхагавата̄ – ‘‘аттхи пуггало аттахита̄йа пат̣ипанно,’’ ан̃н̃а̄та̄виндрийан̃ча упалаббхати саччикат̣т̣хапараматтхена, тена вата ре ваттаббе – ‘‘ан̃н̃ам̣ ан̃н̃а̄та̄виндрийам̣ ан̃н̃о пуггало’’ти. йам̣ таттха вадеси – ‘‘ваттаббе кхо – ‘вуттам̣ бхагавата̄ – аттхи пуггало аттахита̄йа пат̣ипанно, ан̃н̃а̄та̄виндрийан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ ан̃н̃а̄та̄виндрийам̣ ан̃н̃о пуггало’’’ти миччха̄.

но че пана ваттаббе – ‘‘ан̃н̃ам̣ ан̃н̃а̄та̄виндрийам̣ ан̃н̃о пуггало’’ти, но ча вата ре ваттаббе – ‘‘вуттам̣ бхагавата̄ – ‘аттхи пуггало аттахита̄йа пат̣ипанно,’ ан̃н̃а̄та̄виндрийан̃ча упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘вуттам̣ бхагавата̄ – аттхи пуггало аттахита̄йа пат̣ипанно, ан̃н̃а̄та̄виндрийан̃ча упалаббхати саччикат̣т̣хапараматтхена,’ но ча ваттаббе – ‘ан̃н̃ам̣ ан̃н̃а̄та̄виндрийам̣ ан̃н̃о пуггало’’’ти миччха̄…пе….

суддхикасам̣сандана̄.