4. (ка) авайавасаччикат̣т̣хо

1. ануломапаччанӣкам̣

13. пуггало упалаббхати саччикат̣т̣хапараматтхена̄ти? а̄манта̄. саббесу пуггало упалаббхати саччикат̣т̣хапараматтхена̄ти? на хевам̣ ваттаббе.

а̄джа̄на̄хи ниггахам̣. хан̃чи пуггало упалаббхати саччикат̣т̣хапараматтхена, тена вата ре ваттаббе – ‘‘саббесу пуггало упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена,’ но ча ваттаббе – ‘саббесу пуггало упалаббхати саччикат̣т̣хапараматтхена̄’’’ти миччха̄.

но че пана ваттаббе – ‘‘саббесу пуггало упалаббхати саччикат̣т̣хапараматтхена̄’’ти, но ча вата ре ваттаббе – ‘‘пуггало упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена,’ но ча ваттаббе – ‘саббесу пуггало упалаббхати саччикат̣т̣хапараматтхена̄’’’ти миччха̄…пе….

пан̃чамо ниггахо.