2. паччанӣка̄нуломам̣

6. пуггало нупалаббхати саччикат̣т̣хапараматтхена̄ти? а̄манта̄. йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄ти? на хевам̣ ваттаббе.

а̄джа̄на̄хи ниггахам̣. хан̃чи пуггало нупалаббхати саччикат̣т̣хапараматтхена, тена вата ре ваттаббе – ‘‘йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало нупалаббхати саччикат̣т̣хапараматтхена,’ но ча ваттаббе – ‘йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄’’’ти миччха̄.

но че пана ваттаббе – ‘‘йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄’’ти, но ча вата ре ваттаббе – ‘‘пуггало нупалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало нупалаббхати саччикат̣т̣хапараматтхена,’ но ча ваттаббе – ‘йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄’’’ти миччха̄.

паччанӣкапан̃чакам̣.

7. пуггало упалаббхати саччикат̣т̣хапараматтхена̄ти? а̄манта̄. йо саччикат̣т̣хо параматтхо, тато со пуггало упалаббхати саччикат̣т̣хапараматтхена̄ти? на хевам̣ ваттаббе.

а̄джа̄на̄хи пат̣икаммам̣. хан̃чи пуггало упалаббхати саччикат̣т̣хапараматтхена, тена вата ре ваттаббе – ‘‘йо саччикат̣т̣хо параматтхо, тато со пуггало упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена,’ но ча ваттаббе – ‘йо саччикат̣т̣хо параматтхо, тато со пуггало упалаббхати саччикат̣т̣хапараматтхена̄’’’ти миччха̄.

но че пана ваттаббе – ‘‘йо саччикат̣т̣хо параматтхо, тато со пуггало упалаббхати саччикат̣т̣хапараматтхена̄’’ти, но ча вата ре ваттаббе – ‘‘пуггало упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена,’ но ча ваттаббе – ‘йо саччикат̣т̣хо параматтхо, тато со пуггало упалаббхати саччикат̣т̣хапараматтхена̄’’’ти миччха̄.

пат̣икаммачатуккам̣.

8. твам̣ че пана ман̃н̃аси – ‘‘ваттаббе кхо – ‘пуггало упалаббхати саччикат̣т̣хапараматтхена’, но ча ваттаббе – ‘йо саччикат̣т̣хо параматтхо, тато со пуггало упалаббхати саччикат̣т̣хапараматтхена̄’’’ти, тена тава таттха хета̄йа пат̣ин̃н̃а̄йа хевам̣ пат̣иджа̄нантам̣ хевам̣ ниггахетаббе. атха там̣ нигган̣ха̄ма. суниггахито ча хоси.

хан̃чи пуггало упалаббхати саччикат̣т̣хапараматтхена, тена вата ре ваттаббе – ‘‘йо саччикат̣т̣хо параматтхо, тато со пуггало упалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало упалаббхати саччикат̣т̣хапараматтхена,’ но ча ваттаббе – ‘йо саччикат̣т̣хо параматтхо, тато со пуггало упалаббхати саччикат̣т̣хапараматтхена̄’’’ти миччха̄.

9. есе че дунниггахите хевамевам̣ таттха даккха. ваттаббе кхо – ‘‘пуггало нупалаббхати саччикат̣т̣хапараматтхена,’’ но ча ваттаббе – ‘‘йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄’’ти. но ча майам̣ тайа̄ таттха хета̄йа пат̣ин̃н̃а̄йа хевам̣ пат̣иджа̄нанта̄ хевам̣ ниггахетабба̄. атха мам̣ нигган̣ха̄си. дунниггахита̄ ча хома.

хан̃чи пуггало нупалаббхати саччикат̣т̣хапараматтхена, тена вата ре ваттаббе – ‘‘йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄’’ти. йам̣ таттха вадеси – ‘‘ваттаббе кхо – ‘пуггало нупалаббхати саччикат̣т̣хапараматтхена,’ но ча ваттаббе – ‘йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄’’’ти миччха̄.

упанайаначатуккам̣.

10. на хевам̣ ниггахетаббе. тена хи йам̣ нигган̣ха̄си – ‘‘хан̃чи пуггало нупалаббхати саччикат̣т̣хапараматтхена, тена вата ре ваттаббе – ‘йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄’ти. йам̣ таттха вадеси – ‘ваттаббе кхо – пуггало нупалаббхати саччикат̣т̣хапараматтхена, но ча ваттаббе – йо саччикат̣т̣хо параматтхо, тато со пуггало нупалаббхати саччикат̣т̣хапараматтхена̄’’’ти миччха̄.

ниггаманачатуккам̣.

дутийо ниггахо.