12. упа̄да̄пан̃н̃атта̄нуйого

95. рӯпам̣ упа̄да̄йа пуггаласса пан̃н̃аттӣти? а̄манта̄. рӯпам̣ аниччам̣ сан̇кхатам̣ пат̣иччасамуппаннам̣ кхайадхаммам̣ вайадхаммам̣ вира̄гадхаммам̣ ниродхадхаммам̣ випарин̣а̄мадхамманти? а̄манта̄? пуггалопи аниччо сан̇кхато пат̣иччасамуппанно кхайадхаммо вайадхаммо вира̄гадхаммо ниродхадхаммо випарин̣а̄мадхаммоти? на хевам̣ ваттаббе…пе….

96. веданам̣ упа̄да̄йа… сан̃н̃ам̣ упа̄да̄йа… сан̇кха̄ре упа̄да̄йа… вин̃н̃а̄н̣ам̣ упа̄да̄йа пуггаласса пан̃н̃аттӣти? а̄манта̄. вин̃н̃а̄н̣ам̣ аниччам̣ сан̇кхатам̣ пат̣иччасамуппаннам̣ кхайадхаммам̣ вайадхаммам̣ вира̄гадхаммам̣ ниродхадхаммам̣ випарин̣а̄мадхамманти? а̄манта̄. пуггалопи аниччо сан̇кхато пат̣иччасамуппанно кхайадхаммо вайадхаммо вира̄гадхаммо ниродхадхаммо випарин̣а̄мадхаммоти? на хевам̣ ваттаббе…пе….

97. рӯпам̣ упа̄да̄йа пуггаласса пан̃н̃аттӣти? а̄манта̄. нӣлам̣ рӯпам̣ упа̄да̄йа нӣлакасса пуггаласса пан̃н̃аттӣти? на хевам̣ ваттаббе…пе… пӣтам̣ рӯпам̣ упа̄да̄йа… лохитам̣ рӯпам̣ упа̄да̄йа… ода̄там̣ рӯпам̣ упа̄да̄йа… санидассанам̣ рӯпам̣ упа̄да̄йа… анидассанам̣ рӯпам̣ упа̄да̄йа… саппат̣игхам̣ рӯпам̣ упа̄да̄йа… аппат̣игхам̣ рӯпам̣ упа̄да̄йа аппат̣игхасса пуггаласса пан̃н̃аттӣти? на хевам̣ ваттаббе…пе….

98. веданам̣ упа̄да̄йа пуггаласса пан̃н̃аттӣти? а̄манта̄. кусалам̣ веданам̣ упа̄да̄йа кусаласса пуггаласса пан̃н̃аттӣти? на хевам̣ ваттаббе…пе… кусалам̣ веданам̣ упа̄да̄йа кусаласса пуггаласса пан̃н̃аттӣти? а̄манта̄. кусала̄ ведана̄ сапхала̄ савипа̄ка̄ ит̣т̣хапхала̄ кантапхала̄ манун̃н̃апхала̄ асечанакапхала̄ сукхудрайа̄ сукхавипа̄ка̄ти? а̄манта̄. кусалопи пуггало сапхало савипа̄ко ит̣т̣хапхало кантапхало манун̃н̃апхало асечанакапхало сукхудрайо сукхавипа̄коти? на хевам̣ ваттаббе…пе….

99. веданам̣ упа̄да̄йа пуггаласса пан̃н̃аттӣти? а̄манта̄. акусалам̣ веданам̣ упа̄да̄йа акусаласса пуггаласса пан̃н̃аттӣти? на хевам̣ ваттаббе…пе… акусалам̣ веданам̣ упа̄да̄йа акусаласса пуггаласса пан̃н̃аттӣти? а̄манта̄. акусала̄ ведана̄ сапхала̄ савипа̄ка̄ анит̣т̣хапхала̄ акантапхала̄ аманун̃н̃апхала̄ сечанакапхала̄ дуккхудрайа̄ дуккхавипа̄ка̄ти? а̄манта̄. акусалопи пуггало сапхало савипа̄ко анит̣т̣хапхало акантапхало аманун̃н̃апхало сечанакапхало дуккхудрайо дуккхавипа̄коти? на хевам̣ ваттаббе…пе….

100. веданам̣ упа̄да̄йа пуггаласса пан̃н̃аттӣти? а̄манта̄. абйа̄катам̣ веданам̣ упа̄да̄йа абйа̄катасса пуггаласса пан̃н̃аттӣти? на хевам̣ ваттаббе…пе… абйа̄катам̣ веданам̣ упа̄да̄йа абйа̄катасса пуггаласса пан̃н̃аттӣти? а̄манта̄. абйа̄ката̄ ведана̄ аничча̄ сан̇кхата̄ пат̣иччасамуппанна̄ кхайадхамма̄ вайадхамма̄ вира̄гадхамма̄ ниродхадхамма̄ випарин̣а̄мадхамма̄ти? а̄манта̄. абйа̄катопи пуггало аниччо сан̇кхато пат̣иччасамуппанно кхайадхаммо вайадхаммо вира̄гадхаммо ниродхадхаммо випарин̣а̄мадхаммоти? на хевам̣ ваттаббе…пе….

101. сан̃н̃ам̣ упа̄да̄йа… сан̇кха̄ре упа̄да̄йа… вин̃н̃а̄н̣ам̣ упа̄да̄йа пуггаласса пан̃н̃аттӣти? а̄манта̄. кусалам̣ вин̃н̃а̄н̣ам̣ упа̄да̄йа кусаласса пуггаласса пан̃н̃аттӣти? на хевам̣ ваттаббе…пе… кусалам̣ вин̃н̃а̄н̣ам̣ упа̄да̄йа кусаласса пуггаласса пан̃н̃аттӣти? а̄манта̄. кусалам̣ вин̃н̃а̄н̣ам̣ сапхалам̣ савипа̄кам̣ ит̣т̣хапхалам̣ кантапхалам̣ манун̃н̃апхалам̣ асечанакапхалам̣ сукхудрайам̣ сукхавипа̄канти? а̄манта̄. кусалопи пуггало сапхало савипа̄ко ит̣т̣хапхало кантапхало манун̃н̃апхало асечанакапхало сукхудрайо сукхавипа̄коти? на хевам̣ ваттаббе…пе….

102. вин̃н̃а̄н̣ам̣ упа̄да̄йа пуггаласса пан̃н̃аттӣти? а̄манта̄. акусалам̣ вин̃н̃а̄н̣ам̣ упа̄да̄йа акусаласса пуггаласса пан̃н̃аттӣти? на хевам̣ ваттаббе…пе… акусалам̣ вин̃н̃а̄н̣ам̣ упа̄да̄йа акусаласса пуггаласса пан̃н̃аттӣти? а̄манта̄. акусалам̣ вин̃н̃а̄н̣ам̣ сапхалам̣ савипа̄кам̣ анит̣т̣хапхалам̣ акантапхалам̣ аманун̃н̃апхалам̣ сечанакапхалам̣ дуккхудрайам̣ дуккхавипа̄канти? а̄манта̄. акусалопи пуггало сапхало савипа̄ко анит̣т̣хапхало акантапхало аманун̃н̃апхало сечанакапхало дуккхудрайо дуккхавипа̄коти? на хевам̣ ваттаббе…пе….

103. вин̃н̃а̄н̣ам̣ упа̄да̄йа пуггаласса пан̃н̃аттӣти? а̄манта̄. абйа̄катам̣ вин̃н̃а̄н̣ам̣ упа̄да̄йа абйа̄катасса пуггаласса пан̃н̃аттӣти? на хевам̣ ваттаббе…пе… абйа̄катам̣ вин̃н̃а̄н̣ам̣ упа̄да̄йа абйа̄катасса пуггаласса пан̃н̃аттӣти? а̄манта̄. абйа̄катам̣ вин̃н̃а̄н̣ам̣ аниччам̣ сан̇кхатам̣ пат̣иччасамуппаннам̣ кхайадхаммам̣ вайадхаммам̣ вира̄гадхаммам̣ ниродхадхаммам̣ випарин̣а̄мадхамманти? а̄манта̄. абйа̄катопи пуггало аниччо сан̇кхато пат̣иччасамуппанно кхайадхаммо вайадхаммо вира̄гадхаммо ниродхадхаммо випарин̣а̄мадхаммоти? на хевам̣ ваттаббе…пе….

104. чаккхум̣ упа̄да̄йа ‘‘чаккхума̄ пуггало’’ти ваттабботи? а̄манта̄. чаккхумхи нируддхе ‘‘чаккхума̄ пуггало нируддхо’’ти ваттабботи? на хевам̣ ваттаббе…пе… сотам̣ упа̄да̄йа… гха̄нам̣ упа̄да̄йа… дживхам̣ упа̄да̄йа… ка̄йам̣ упа̄да̄йа… манам̣ упа̄да̄йа ‘‘манава̄ пуггало’’ти ваттабботи? а̄манта̄. манамхи нируддхе ‘‘манава̄ пуггало нируддхо’’ти ваттабботи? на хевам̣ ваттаббе.

105. миччха̄дит̣т̣хим̣ упа̄да̄йа ‘‘миччха̄дит̣т̣хийо пуггало’’ти ваттабботи? а̄манта̄. миччха̄дит̣т̣хийа̄ нируддха̄йа ‘‘миччха̄дит̣т̣хийо пуггало нируддхо’’ти ваттабботи? на хевам̣ ваттаббе. миччха̄сан̇каппам̣ упа̄да̄йа… миччха̄ва̄чам̣ упа̄да̄йа… миччха̄каммантам̣ упа̄да̄йа… миччха̄а̄джӣвам̣ упа̄да̄йа … миччха̄ва̄йа̄мам̣ упа̄да̄йа… миччха̄сатим̣ упа̄да̄йа… миччха̄сама̄дхим̣ упа̄да̄йа ‘‘миччха̄сама̄дхийо пуггало’’ти ваттабботи? а̄манта̄. миччха̄сама̄дхимхи нируддхе ‘‘миччха̄сама̄дхийо пуггало нируддхо’’ти ваттабботи? на хевам̣ ваттаббе.

106. самма̄дит̣т̣хим̣ упа̄да̄йа ‘‘самма̄дит̣т̣хийо пуггало’’ти ваттабботи? а̄манта̄. самма̄дит̣т̣хийа̄ нируддха̄йа ‘‘самма̄дит̣т̣хийо пуггало нируддхо’’ти ваттабботи? на хевам̣ ваттаббе…пе… самма̄сан̇каппам̣ упа̄да̄йа… самма̄ва̄чам̣ упа̄да̄йа… самма̄каммантам̣ упа̄да̄йа… самма̄а̄джӣвам̣ упа̄да̄йа… самма̄ва̄йа̄мам̣ упа̄да̄йа… самма̄сатим̣ упа̄да̄йа… самма̄сама̄дхим̣ упа̄да̄йа ‘‘самма̄сама̄дхийо пуггало’’ти ваттабботи? а̄манта̄. самма̄сама̄дхимхи нируддхе ‘‘самма̄сама̄дхийо пуггало нируддхо’’ти ваттабботи? на хевам̣ ваттаббе…пе….

107. рӯпам̣ упа̄да̄йа, веданам̣ упа̄да̄йа пуггаласса пан̃н̃аттӣти? а̄манта̄. двиннам̣ кхандха̄нам̣ упа̄да̄йа двиннам̣ пуггала̄нам̣ пан̃н̃аттӣти? на хевам̣ ваттаббе…пе… рӯпам̣ упа̄да̄йа, веданам̣ упа̄да̄йа, сан̃н̃ам̣ упа̄да̄йа, сан̇кха̄ре упа̄да̄йа, вин̃н̃а̄н̣ам̣ упа̄да̄йа пуггаласса пан̃н̃аттӣти? а̄манта̄. пан̃чаннам̣ кхандха̄нам̣ упа̄да̄йа пан̃чаннам̣ пуггала̄нам̣ пан̃н̃аттӣти? на хевам̣ ваттаббе…пе….

108. чаккха̄йатанам̣ упа̄да̄йа, сота̄йатанам̣ упа̄да̄йа пуггаласса пан̃н̃аттӣти? а̄манта̄. двиннам̣ а̄йатана̄нам̣ упа̄да̄йа двиннам̣ пуггала̄нам̣ пан̃н̃аттӣти? на хевам̣ ваттаббе…пе… чаккха̄йатанам̣ упа̄да̄йа, сота̄йатанам̣ упа̄да̄йа…пе… дхамма̄йатанам̣ упа̄да̄йа пуггаласса пан̃н̃аттӣти? а̄манта̄. два̄дасаннам̣ а̄йатана̄нам̣ упа̄да̄йа два̄дасаннам̣ пуггала̄нам̣ пан̃н̃аттӣти? на хевам̣ ваттаббе…пе….

109. чаккхудха̄тум̣ упа̄да̄йа, сотадха̄тум̣ упа̄да̄йа пуггаласса пан̃н̃аттӣти? а̄манта̄. двиннам̣ дха̄тӯнам̣ упа̄да̄йа двиннам̣ пуггала̄нам̣ пан̃н̃аттӣти? на хевам̣ ваттаббе…пе… чаккхудха̄тум̣ упа̄да̄йа, сотадха̄тум̣ упа̄да̄йа…пе… дхаммадха̄тум̣ упа̄да̄йа пуггаласса пан̃н̃аттӣти? а̄манта̄. ат̣т̣ха̄расаннам̣ дха̄тӯнам̣ упа̄да̄йа ат̣т̣ха̄расаннам̣ пуггала̄нам̣ пан̃н̃аттӣти? на хевам̣ ваттаббе…пе….

110. чаккхундрийам̣ упа̄да̄йа, сотиндрийам̣ упа̄да̄йа пуггаласса пан̃н̃аттӣти? а̄манта̄. двиннам̣ индрийа̄нам̣ упа̄да̄йа двиннам̣ пуггала̄нам̣ пан̃н̃аттӣти? на хевам̣ ваттаббе…пе… чаккхундрийам̣ упа̄да̄йа, сотиндрийам̣ упа̄да̄йа…пе… ан̃н̃а̄та̄виндрийам̣ упа̄да̄йа пуггаласса пан̃н̃аттӣти? а̄манта̄. ба̄вӣсатӣнам̣ [ба̄вӣсатийа̄ (?)] индрийа̄нам̣ упа̄да̄йа ба̄вӣсатӣнам̣ пуггала̄нам̣ пан̃н̃аттӣти? на хевам̣ ваттаббе…пе….

111. екавока̄рабхавам̣ упа̄да̄йа екасса пуггаласса пан̃н̃аттӣти? а̄манта̄. чатувока̄рабхавам̣ упа̄да̄йа чатуннам̣ пуггала̄нам̣ пан̃н̃аттӣти? на хевам̣ ваттаббе…пе… екавока̄рабхавам̣ упа̄да̄йа екасса пуггаласса пан̃н̃аттӣти? а̄манта̄. пан̃чавока̄рабхавам̣ упа̄да̄йа пан̃чаннам̣ пуггала̄нам̣ пан̃н̃аттӣти? на хевам̣ ваттаббе…пе… екавока̄рабхаве екова пуггалоти? а̄манта̄. чатувока̄рабхаве чатта̄рова [чатта̄ро (?)] пуггала̄ти? на хевам̣ ваттаббе…пе… екавока̄рабхаве екова пуггалоти? а̄манта̄. пан̃чавока̄рабхаве пан̃чева пуггала̄ти? на хевам̣ ваттаббе…пе….

112. йатха̄ руккхам̣ упа̄да̄йа чха̄йа̄йа пан̃н̃атти, евамевам̣ рӯпам̣ упа̄да̄йа пуггаласса пан̃н̃аттӣти? ( ) [(а̄манта̄) (?) евам̣ анантарава̄раттайепи] йатха̄ руккхам̣ упа̄да̄йа чха̄йа̄йа пан̃н̃атти, руккхопи аниччо чха̄йа̄пи аничча̄, евамевам̣ рӯпам̣ упа̄да̄йа пуггаласса пан̃н̃атти, рӯпампи аниччам̣ пуггалопи аниччоти? на хевам̣ ваттаббе…пе… йатха̄ руккхам̣ упа̄да̄йа чха̄йа̄йа пан̃н̃атти, ан̃н̃о руккхо ан̃н̃а̄ чха̄йа̄, евамевам̣ рӯпам̣ упа̄да̄йа пуггаласса пан̃н̃атти, ан̃н̃ам̣ рӯпам̣ ан̃н̃о пуггалоти? на хевам̣ ваттаббе…пе….

113. йатха̄ га̄мам̣ упа̄да̄йа га̄микасса пан̃н̃атти, евамевам̣ рӯпам̣ упа̄да̄йа пуггаласса пан̃н̃аттӣти? йатха̄ га̄мам̣ упа̄да̄йа га̄микасса пан̃н̃атти, ан̃н̃о га̄мо ан̃н̃о га̄мико, евамевам̣ рӯпам̣ упа̄да̄йа пуггаласса пан̃н̃атти, ан̃н̃ам̣ рӯпам̣ ан̃н̃о пуггалоти? на хевам̣ ваттаббе…пе….

114. йатха̄ рат̣т̣хам̣ упа̄да̄йа ран̃н̃о пан̃н̃атти, евамевам̣ рӯпам̣ упа̄да̄йа пуггаласса пан̃н̃аттӣти? йатха̄ рат̣т̣хам̣ упа̄да̄йа ран̃н̃о пан̃н̃атти, ан̃н̃ам̣ рат̣т̣хам̣ ан̃н̃о ра̄джа̄, евамевам̣ рӯпам̣ упа̄да̄йа пуггаласса пан̃н̃атти, ан̃н̃ам̣ рӯпам̣ ан̃н̃о пуггалоти? на хевам̣ ваттаббе…пе….

115. йатха̄ на нигал̣о негал̣ико, йасса нигал̣о со негал̣ико, евамевам̣ на рӯпам̣ рӯпава̄, йасса рӯпам̣ со рӯпава̄ти? йатха̄ на нигал̣о негал̣ико, йасса нигал̣о со негал̣ико, ан̃н̃о нигал̣о ан̃н̃о негал̣ико, евамевам̣ на рӯпам̣ рӯпава̄, йасса рӯпам̣ со рӯпава̄, ан̃н̃ам̣ рӯпам̣ ан̃н̃о рӯпава̄ти? на хевам̣ ваттаббе…пе….

116. читте читте пуггаласса пан̃н̃аттӣти? а̄манта̄. читте читте пуггало джа̄йати джӣйати мӣйати чавати упападжджатӣти? на хевам̣ ваттаббе…пе… дутийе читте уппанне на ваттаббам̣ соти ва̄ ан̃н̃оти ва̄ти? а̄манта̄. дутийе читте уппанне на ваттаббам̣ кума̄ракоти ва̄ кума̄рика̄ти ва̄ти? ваттаббам̣.

а̄джа̄на̄хи ниггахам̣. хан̃чи дутийе читте уппанне на ваттаббам̣ – ‘‘соти ва̄ ан̃н̃оти ва̄,’’ тена вата ре ваттаббе – ‘‘дутийе читте уппанне на ваттаббам̣ – ‘кума̄ракоти ва̄ кума̄рика̄ти ва̄’’’ти. йам̣ таттха вадеси – ‘‘ваттаббе кхо – ‘дутийе читте уппанне на ваттаббам̣ – соти ва̄ ан̃н̃оти ва̄, дутийе читте уппанне ваттаббам̣ – кума̄ракоти ва̄ кума̄рика̄ти ва̄’’’ти миччха̄.

хан̃чи ва̄ пана дутийе читте уппанне ваттаббам̣ – ‘‘кума̄ракоти ва̄ кума̄рика̄’’ти ва̄, тена вата ре ваттаббе – ‘‘дутийе читте уппанне ваттаббам̣ – ‘соти ва̄ ан̃н̃оти ва̄’’’ти. йам̣ таттха вадеси – ‘‘ваттаббе кхо – ‘дутийе читте уппанне на ваттаббам̣ – соти ва̄ ан̃н̃оти ва̄, дутийе читте уппанне ваттаббам̣ – кума̄ракоти ва̄ кума̄рика̄ти ва̄’’’ти миччха̄.

117. дутийе читте уппанне на ваттаббам̣ – ‘‘соти ва̄ ан̃н̃оти ва̄’’ти? а̄манта̄. дутийе читте уппанне на ваттаббам̣ – ‘‘иттхӣти ва̄ пурисоти ва̄ гахат̣т̣хоти ва̄ паббаджитоти ва̄ девоти ва̄ мануссоти ва̄’’ти? ваттаббам̣.

а̄джа̄на̄хи ниггахам̣. хан̃чи дутийе читте уппанне на ваттаббам̣ – ‘‘соти ва̄ ан̃н̃оти ва̄,’’ тена вата ре ваттаббе – ‘‘дутийе читте уппанне на ваттаббам̣ – ‘девоти ва̄ мануссоти ва̄’’’ти. йам̣ таттха вадеси – ‘‘ваттаббе кхо – ‘дутийе читте уппанне на ваттаббам̣ – соти ва̄ ан̃н̃оти ва̄, дутийе читте уппанне ваттаббам̣ – девоти ва̄ мануссоти ва̄’’’ти миччха̄.

хан̃чи ва̄ пана дутийе читте уппанне ваттаббам̣ – ‘‘девоти ва̄ мануссоти ва̄,’’ тена вата ре ваттаббе – ‘‘дутийе читте уппанне ваттаббам̣ – ‘соти ва̄ ан̃н̃оти ва̄’’’ти. йам̣ таттха вадеси – ‘‘ваттаббе кхо – ‘дутийе читте уппанне на ваттаббам̣ – соти ва̄ ан̃н̃оти ва̄, дутийе читте уппанне ваттаббам̣ – девоти ва̄ мануссоти ва̄’’’ти миччха̄…пе….

118. на ваттаббам̣ – ‘‘пуггало упалаббхати саччикат̣т̣хапараматтхена̄’’ти? а̄манта̄. нану йо пассати йам̣ пассати йена пассати, со пассати там̣ пассати тена пассатӣти? а̄манта̄. хан̃чи йо пассати йам̣ пассати йена пассати, со пассати там̣ пассати тена пассати; тена вата ре ваттаббе – ‘‘пуггало упалаббхати саччикат̣т̣хапараматтхена̄’’ти.

119. на ваттаббам̣ – ‘‘пуггало упалаббхати саччикат̣т̣хапараматтхена̄’’ти? а̄манта̄. нану йо сун̣а̄ти…пе… йо гха̄йати… йо са̄йати… йо пхусати… йо виджа̄на̄ти йам̣ виджа̄на̄ти йена виджа̄на̄ти, со виджа̄на̄ти там̣ виджа̄на̄ти тена виджа̄на̄тӣти? а̄манта̄. хан̃чи йо виджа̄на̄ти йам̣ виджа̄на̄ти йена виджа̄на̄ти, со виджа̄на̄ти там̣ виджа̄на̄ти тена виджа̄на̄ти; тена вата ре ваттаббе – ‘‘пуггало упалаббхати саччикат̣т̣хапараматтхена̄’’ти.

120. пуггало упалаббхати саччикат̣т̣хапараматтхена̄ти? а̄манта̄. нану йо на пассати йам̣ на пассати йена на пассати, со на пассати там̣ на пассати тена на пассатӣти? а̄манта̄. хан̃чи йо на пассати йам̣ на пассати йена на пассати, со на пассати там̣ на пассати тена на пассати; но ча вата ре ваттаббе – ‘‘пуггало упалаббхати саччикат̣т̣хапараматтхена̄’’ти.

пуггало упалаббхати саччикат̣т̣хапараматтхена̄ти? а̄манта̄. нану йо на сун̣а̄ти…пе… йо на гха̄йати… йо на са̄йати… йо на пхусати… йо на виджа̄на̄ти йам̣ на виджа̄на̄ти йена на виджа̄на̄ти, со на виджа̄на̄ти там̣ на виджа̄на̄ти тена на виджа̄на̄тӣти? а̄манта̄. хан̃чи йо на виджа̄на̄ти йам̣ на виджа̄на̄ти йена на виджа̄на̄ти, со на виджа̄на̄ти там̣ на виджа̄на̄ти тена на виджа̄на̄ти; но ча вата ре ваттаббе – ‘‘пуггало упалаббхати саччикат̣т̣хапараматтхена̄’’ти.

121. на ваттаббам̣ – ‘‘пуггало упалаббхати саччикат̣т̣хапараматтхена̄’’ти? а̄манта̄. нану вуттам̣ бхагавата̄ – ‘‘пасса̄махам̣, бхиккхаве, диббена чаккхуна̄ висуддхена атиккантама̄нусакена сатте чавама̄не упападжджама̄не хӣне пан̣ӣте суван̣н̣е дуббан̣н̣е, сугате дуггате йатха̄каммӯпаге сатте паджа̄на̄мӣ’’ти [ма. ни. 1.213 тхокам̣ висадисам̣]! аттхева суттантоти? а̄манта̄. тена хи пуггало упалаббхати саччикат̣т̣хапараматтхена̄ти.

122. вуттам̣ бхагавата̄ – ‘‘пасса̄махам̣, бхиккхаве, диббена чаккхуна̄ висуддхена атиккантама̄нусакена сатте чавама̄не упападжджама̄не хӣне пан̣ӣте суван̣н̣е дуббан̣н̣е, сугате дуггате йатха̄каммӯпаге сатте паджа̄на̄мӣ’’ти катва̄ тенева ка̄ран̣ена пуггало упалаббхати саччикат̣т̣хапараматтхена̄ти? а̄манта̄. бхагава̄ диббена чаккхуна̄ висуддхена атиккантама̄нусакена рӯпам̣ пассати пуггалам̣ пассатӣти? рӯпам̣ пассати. рӯпам̣ пуггало, рӯпам̣ чавати, рӯпам̣ упападжджати, рӯпам̣ йатха̄каммӯпаганти? на хевам̣ ваттаббе.

бхагава̄ диббена чаккхуна̄ висуддхена атиккантама̄нусакена рӯпам̣ пассати пуггалам̣ пассатӣти? пуггалам̣ пассати. пуггало рӯпам̣ рӯпа̄йатанам̣ рӯпадха̄ту нӣлам̣ пӣтакам̣ лохитакам̣ ода̄там̣ чаккхувин̃н̃еййам̣ чаккхусмим̣ пат̣ихан̃н̃ати, чаккхусса а̄па̄тхам̣ а̄гаччхатӣти? на хевам̣ ваттаббе.

бхагава̄ диббена чаккхуна̄ висуддхена атиккантама̄нусакена рӯпам̣ пассати пуггалам̣ пассатӣти? убхо пассати. убхо рӯпам̣ рӯпа̄йатанам̣ рӯпадха̄ту, убхо нӣла̄, убхо пӣтака̄, убхо лохитака̄, убхо ода̄та̄, убхо чаккхувин̃н̃еййа̄, убхо чаккхусмим̣ пат̣ихан̃н̃анти, убхо чаккхусса а̄па̄тхам̣ а̄гаччханти, убхо чаванти, убхо упападжджанти, убхо йатха̄каммӯпага̄ти? на хевам̣ ваттаббе.

упа̄да̄пан̃н̃атта̄нуйого.