4. сан̇гахитенасан̇гахитападаниддесо

191. самудайасаччена йе дхамма̄… маггасаччена йе дхамма̄ кхандхасан̇гахена сан̇гахита̄ а̄йатанасан̇гахена сан̇гахита̄ дха̄тусан̇гахена сан̇гахита̄, техи дхаммехи йе дхамма̄ кхандхасан̇гахена сан̇гахита̄ а̄йатанасан̇гахена сан̇гахита̄ дха̄тусан̇гахена сан̇гахита̄, те дхамма̄ катихи кхандхехи катиха̄йатанехи катихи дха̄тӯхи сан̇гахита̄? те дхамма̄ екена кхандхена екена̄йатанена ека̄йа дха̄туйа̄ сан̇гахита̄.

192. иттхиндрийена йе дхамма̄… пурисиндрийена йе дхамма̄… сукхиндрийена йе дхамма̄… дуккхиндрийена йе дхамма̄… соманассиндрийена йе дхамма̄… доманассиндрийена йе дхамма̄… упеккхиндрийена йе дхамма̄… саддхиндрийена йе дхамма̄… вӣрийиндрийена йе дхамма̄… сатиндрийена йе дхамма̄… сама̄дхиндрийена йе дхамма̄… пан̃н̃индрийена йе дхамма̄… анан̃н̃а̄тан̃н̃асса̄мӣтиндрийена йе дхамма̄… ан̃н̃индрийена йе дхамма̄… ан̃н̃а̄та̄виндрийена йе дхамма̄….

авиджджа̄йа йе дхамма̄… авиджджа̄паччайа̄ сан̇кха̄рена йе дхамма̄… сал̣а̄йатанапаччайа̄ пхассена йе дхамма̄… ведана̄паччайа̄ тан̣ха̄йа йе дхамма̄… тан̣ха̄паччайа̄ упа̄да̄нена йе дхамма̄… каммабхавена йе дхамма̄… сокена йе дхамма̄… паридевена йе дхамма̄… дуккхена йе дхамма̄… доманассена йе дхамма̄… упа̄йа̄сена йе дхамма̄….

сатипат̣т̣ха̄нена йе дхамма̄… саммаппадха̄нена йе дхамма̄… аппаман̃н̃а̄йа йе дхамма̄… пан̃чахи индрийехи йе дхамма̄… пан̃чахи балехи йе дхамма̄… саттахи боджджхан̇гехи йе дхамма̄… арийена ат̣т̣хан̇гикена маггена йе дхамма̄… пхассена йе дхамма̄… четана̄йа йе дхамма̄… адхимоккхена йе дхамма̄… манасика̄рена йе дхамма̄ ….

хетӯхи дхаммехи йе дхамма̄… хетӯхи чева сахетукехи ча дхаммехи йе дхамма̄… хетӯхи чева хетусампайуттехи ча дхаммехи йе дхамма̄… а̄савехи… сам̣йоджанехи… гантхехи… огхехи… йогехи… нӣваран̣ехи… пара̄ма̄сехи… упа̄да̄нехи… килесехи дхаммехи йе дхамма̄… килесехи чева сам̣килесикехи ча дхаммехи йе дхамма̄… килесехи чева сам̣килит̣т̣хехи ча дхаммехи йе дхамма̄… килесехи чева килесасампайуттехи ча дхаммехи йе дхамма̄ кхандхасан̇гахена сан̇гахита̄ а̄йатанасан̇гахена сан̇гахита̄ дха̄тусан̇гахена сан̇гахита̄, техи дхаммехи йе дхамма̄ кхандхасан̇гахена сан̇гахита̄ а̄йатанасан̇гахена сан̇гахита̄ дха̄тусан̇гахена сан̇гахита̄, те дхамма̄ катихи кхандхехи катиха̄йатанехи катихи дха̄тӯхи сан̇гахита̄? те дхамма̄ екена кхандхена екена̄йатанена ека̄йа дха̄туйа̄ сан̇гахита̄.

две сачча̄ паннарасиндрийа̄, ека̄даса пат̣иччапада̄;

уддхам̣ пуна ека̄даса, гоччхакападаметтха тим̣савидха̄ти [тим̣савидханти (пӣ.)].

сан̇гахитенасан̇гахитападаниддесо чатуттхо.