па̄т̣идесанӣйа

3. татийапа̄т̣идесанӣ сиккха̄пуччха̄

пуччха̄ – секкхасамматесу а̄вусо кулесу кха̄данӣйам̣ ва̄ бходжанӣйам̣ ва̄ сахаттха̄ пат̣иггахетва̄ бхун̃джантасса па̄т̣идесанӣйам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте самбахуле бхиккхӯ а̄раббха пан̃н̃аттам̣, самбахула̄ бханте бхиккхӯ наматтам̣ джа̄нитва̄ пат̣иггахесум̣, тасмим̣ бханте ваттхусмим̣ пан̃н̃аттам̣.

секхийакан̣д̣а

пуччха̄ – ана̄дарийам̣ а̄вусо пат̣ичча пурато ва̄ паччхато ва̄ оламбентена нива̄сентассача па̄рупантассача дуккат̣ам̣ каттха пан̃н̃аттам̣, кам̣ а̄раббха кисмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ пурато ча паччхато ча оламбанта̄ нива̄сесум̣чева па̄рупим̣суча, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча ка̄йам̣ виваритва̄ антарагхаре гаччхантасса ча нисӣдантасса ча дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггӣйе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ ка̄йам̣ виваритва̄ антарагхаре гаччхим̣су чева нисӣдим̣суча, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча хаттхам̣ ва̄ па̄дам̣ ва̄ кӣл̣а̄пентена антарагхаре гаччхантасса ча нисӣдантасса ча, тахам̣ тахам̣ олокентена антарагхаре гаччхантасса ча нисӣдантасса ча, уккхиттака̄йа антарагхаре гаччхантасса ча нисӣдантасса ча дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ хаттхампи па̄дампи кӣл̣а̄пента̄ тахам̣ тахам̣пи олокента̄ антарагхаре гаччхим̣сучева нисӣдим̣су ча, тейева бханте чхаббаггийа̄ бхиккхӯ уккхиттака̄йа антарагхаре гаччхим̣сучева нисӣдим̣суча, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча уджджаггхика̄йа ва̄ учча̄саддам̣ маха̄саддам̣ каронтена ва̄ антарагхаре гаччхантассача нисӣдантассача дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ маха̄хаситам̣ хасанта̄ ча учча̄саддам̣ маха̄саддам̣ каронта̄ ча антарагхаре гаччхим̣сучева нисӣдим̣суча, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча ка̄йаппача̄лакам̣ ва̄ ба̄хуппа ча̄лакам̣ ва̄ сӣсаппача̄лакам̣ ва̄ кхамбхакатена ва̄ огун̣т̣хитена ва̄ антарагхаре гаччхантасса ча нисӣдантасса ча уккут̣ика̄йа кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ ка̄йаппача̄лакам̣ ба̄хуппача̄лакам̣ сӣсаппача̄лакам̣ каронта̄ ча кхамбхӣката̄ ча огун̣т̣хита̄ ча антарагхаре гаччхим̣сучева нисӣдим̣суча, уккут̣ика̄йача антарагхаре гаччхим̣су, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча паллаттхика̄йа антарагхаре нисиннасса дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ паллаттхика̄йа антарагхаре нисӣдим̣су, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча асаккаччам̣ пин̣д̣апа̄там̣ пат̣игган̣хантасса ча тахам̣ тахам̣ олокентена пин̣д̣апа̄там̣ пат̣игган̣хантассача сӯпан̃н̃ева бахум̣ пат̣игган̣хантассача тхӯпӣкатам̣ пин̣д̣апа̄там̣ пат̣игган̣хантассача дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ асаккаччам̣ пин̣д̣апа̄там̣ пат̣иггахесум̣, тахам̣ тахам̣ олокента̄ пин̣д̣апа̄там̣ пат̣иггахесум̣, сӯпан̃н̃ева бахум̣ пат̣иггахесум̣, тхӯпӣкатам̣ пин̣д̣апа̄там̣ пат̣иггахесум̣, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча а̄саккаччам̣ пин̣д̣апа̄там̣ бхун̃джантассача тахам̣ тахам̣ олокентана пин̣д̣апа̄там̣ бхун̃джантасса ча тахам̣ тахам̣ омаситва̄ пин̣д̣апа̄там̣ бхун̃джантасса ча сӯпан̃н̃ева бахум̣ бхун̃джантасса ча тхӯпакато омаддитва̄ пин̣д̣апа̄там̣ бхун̃джантасса ча сӯпам̣ ва̄ бйан̃джанам̣ ва̄ оданена пат̣иччха̄дентасса ча дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ асаккаччам̣ пин̣д̣апа̄там̣ бхун̃джим̣су, тахам̣ тахам̣ олокента̄ пин̣д̣апа̄там̣ бхун̃джим̣су, тейева бханте чхаббаггийа̄ бхиккхӯ тахам̣ тахам̣ омаситва̄ пин̣д̣апа̄там̣ бхун̃джим̣су, тейева бханте чхаббаггийа̄ бхиккхӯ бахум̣ сӯпам̣ бхун̃джим̣су, тейева бханте чхаббаггийа̄ бхиккхӯ тхӯпакато омаддитва̄ пин̣д̣апа̄там̣ бхун̃джим̣су, тейева бханте чхаббаггийа̄ бхиккхӯ сӯпампи бйан̃джанампи оданена пат̣иччха̄десум̣, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча сӯпам̣ва̄ оданам̣ва̄ агила̄нена аттано аттха̄йа вин̃н̃а̄петва̄ бхун̃джантасса дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ сӯпампи оданампи аттано аттха̄йа вин̃н̃а̄петва̄ бхун̃джим̣су, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча уджджха̄насан̃н̃ина̄ паресам̣ паттам̣ олокентасса ча атимахантам̣ кабал̣ам̣ каронтасса ча дӣгхам̣ а̄лопам̣ каронтасса ча дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ уджджха̄насан̃н̃ино паресам̣ паттам̣ олокесум̣, тейева бханте чхаббаггийа̄ бхиккхӯ атимахантам̣ кабал̣ам̣ карим̣су, тейева бханте чхаббаггийа̄ бхиккхӯ дӣгхам̣ а̄лопам̣ карим̣су, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча ана̄хат̣е кабал̣е мукхадва̄рам̣ виварантасса ча бхун̃джама̄не саббам̣ хаттхам̣ мукхе паккхипантасса ча сакабал̣ена мукхена бйа̄харантасса ча пин̣д̣уккхепакам̣ пин̣д̣апа̄там̣ бхун̃джантасса ча кабал̣а̄ваччхедакам̣ пин̣д̣апа̄там̣ бхун̃джантасса ча аваган̣д̣ака̄ракам̣ пин̣д̣апа̄там̣ бхун̃джантасса ча хаттханиддхунакам̣ ситтха̄вака̄ракам̣ дживха̄ниччха̄ракам̣ чапучапука̄ракам̣ пин̣д̣апа̄там̣ бхун̃джантасса ча дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ ана̄хат̣е кабал̣е мукхадва̄рам̣ виварим̣су, бхун̃джама̄на̄ саббам̣ хаттхам̣ мукхе паккхипим̣су, сакабал̣ена мукхена бйа̄харим̣су, пин̣д̣уккхепакам̣ бхун̃джим̣су, кабал̣а̄ваччхедакам̣ бхун̃джим̣су, аваган̣д̣ака̄ракам̣ бхун̃джим̣су, хаттханиддхунакам̣ ситтха̄вака̄ракам̣ дживха̄ниччха̄ракам̣ чапучапука̄ракам̣ бхун̃джим̣су, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча сурусурука̄ракам̣ бхун̃джантассача хаттханиллехакам̣ва̄ паттаниллехакам̣ ва̄ от̣т̣ханиллехакам̣ ва̄ бхун̃джантасса ча са̄мисена хаттхена па̄нӣйатха̄лакам̣ пат̣игган̣хантасса ча саситтхакам̣ паттадхованам̣ антарагхаре чад̣д̣ентасса ча дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – суру сурука̄ракам̣ бханте бхун̃джантасса дуккат̣ам̣ косамбийам̣ пан̃н̃аттам̣, самбахуле бханте бхиккхӯ а̄раббха пан̃н̃аттам̣, самбахула̄ бханте бхиккхӯ сурусурука̄ракам̣ кхӣрам̣ пивим̣су, тасмим̣ бханте ваттхусмим̣ пан̃н̃аттам̣. хаттханиллехакам̣ бхун̃джантасса ча паттаниллехакам̣ бхун̃джантасса ча от̣т̣ханиллехакам̣ бхун̃джантасса дуккат̣ам̣ са̄ваттхийам̣ пан̃н̃аттам̣, чхаббаггийе бханте бхиккхӯ а̄раббха пан̃н̃аттам̣, чхаббаггийа̄ бханте бхиккхӯ хаттханиллехакам̣ бхун̃джим̣су, паттаниллехакам̣ бхун̃джим̣су, от̣т̣ханиллехакам̣ бхун̃джим̣су, тасмим̣ бханте ваттхусмим̣ пан̃н̃аттам̣.

са̄мисена хаттхена па̄нӣйатха̄лакам̣ пат̣игган̣хантасса ча саситтхакам̣ паттадхованам̣ антарагхаре чхад̣д̣ентасса ча дуккат̣ам̣ бхаггесу пан̃н̃аттам̣, самбахуле бхиккхӯ а̄раббха пан̃н̃аттам̣, самбахула̄ бхиккхӯ са̄мисена хаттхена па̄нӣйатха̄лакам̣ пат̣иггахесум̣, тейева бханте самбахула̄ бхиккхӯ саситтхакам̣ паттадхованам̣ антарагхаре чхад̣д̣есум̣, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча чхаттапа̄н̣исса дхаммам̣ десентасса ча дан̣д̣апа̄н̣исса ва̄ саттхапа̄н̣исса ва̄ а̄вудхапа̄н̣исса ва̄ дхаммам̣ десентасса ча дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ чхаттапа̄н̣исса дан̣д̣апа̄н̣исса саттхапа̄н̣исса а̄вудхапа̄н̣исса дхаммам̣ десесум̣, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча па̄дука̄рул̣хасса ча упахана̄рул̣хасса ча йа̄нагатасса ча сайанагатасса ча дхаммам̣ десентасса дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийе бхиккхӯ а̄раббха пан̃н̃аттам̣, чхаббаггийа̄ бханте бхиккхӯ па̄дука̄рул̣хасса упахана̄рул̣хасса йа̄нагатасса сайанагатасса дхаммам̣ десесум̣, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча паллаттхика̄йа нисиннасса ча вет̣хитасӣсасса ча огун̣т̣хитасӣсасса ча чхама̄йам̣ нисӣдитва̄ а̄сане нисиннасса ча нӣче а̄сане нисӣдитва̄ учче а̄сане нисиннасса ча т̣хитена нисиннасса ча паччхато гаччхантена пурато гаччхантасса ча уппатхена гаччхантена патхена гаччхантасса ча дхаммам̣ десентасса дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийева бхиккхӯ а̄раббха пан̃н̃аттам̣, чхаббаггийа̄ бханте бхиккхӯ паллаттхика̄йа нисиннасса ча вет̣хитасӣсасса ча огун̣т̣хитасӣсасса ча чхама̄йам̣ нисӣдитва̄ а̄сане нисиннасса ча нӣче а̄сане нисӣдитва̄ учче а̄сане нисиннасса ча т̣хита̄нисиннасса ча паччхато гаччханта̄ пурато гаччхантасса ча уппатхена гаччханта̄ патхена гаччхантасса ча дхаммам̣ десесум̣, тасмим̣ бханте ваттхусмим̣ пан̃н̃аттам̣.

пуччха̄ – ана̄дарийам̣ а̄вусо пат̣ичча т̣хитена учча̄рам̣ ва̄ пасса̄вам̣ ва̄ каронтасса ча харите ва̄ удаке ва̄ учча̄рам̣ ва̄ пасса̄вам̣ ва̄ кхел̣ам̣ ва̄ каронтасса ча дуккат̣ам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте чхаббаггийева бхиккхӯ а̄раббха пан̃н̃аттам̣, чхаббаггийа̄ бханте бхиккхӯ т̣хита̄ учча̄рампи пасса̄вампи акам̣су, тейева бханте чхаббаггийа̄ бхиккхӯ харитепи удакепи учча̄рампи пасса̄вампи кхел̣ампи акам̣су, тасмим̣ бханте ваттхусмим̣ пан̃н̃аттам̣.