2. косийавагга 4. чхаббасса сиккха̄пуччха̄

пуччха̄ – йам̣ тена а̄вусо бхагавата̄…пе… самма̄самбуддхена анувассам̣ ка̄ра̄пентасса ниссаггийам̣ па̄читтийам̣ каттха пан̃н̃аттам̣.

виссаджджана̄ – са̄ваттхийам̣ бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – самбахуле бханте бхиккхӯ а̄раббха пан̃н̃аттам̣, самбахула̄ бханте бхиккхӯ анувассам̣ сантхатам̣ ка̄ра̄песум̣, тасмим̣ бханте ваттхусмим̣ пан̃н̃аттам̣.

пуччха̄ – касса а̄вусо вачанам̣.

виссаджджана̄ – бхагавато бханте вачанам̣ арахато самма̄самбуддхасса.

пуччха̄ – кена̄вусо а̄бхатам̣.

виссаджджана̄ – парампара̄йа бханте а̄бхатам̣.

пуччха̄ – аттхи нукхо а̄вусо еттха кочи вираддхадосо.

виссаджджана̄ – наттхи бханте.

сам̣га̄йанаттха̄йа сан̇гхасса н̃а̄панам̣

сун̣а̄ту ме бханте сан̇гхо, ахам̣ а̄йасмантам̣ вичиттаса̄ра̄бхивам̣сам̣ типит̣акадхара дхаммабхан̣д̣а̄га̄рикам̣ имесам̣ ниссаггийапа̄читтийасиккха̄пада̄нам̣ йа̄ва чхаббассасиккха̄падам̣ нида̄на̄дӣни пуччхитабба̄ни анека̄ни т̣ха̄на̄ни пуччхим̣, пут̣т̣хопут̣т̣хо ча со а̄йасма̄ вичиттаса̄ра̄бхивам̣со виссаджджеси, итихидам̣ бханте има̄ни сиккха̄пада̄ни ниммала̄ни супарисуддха̄нӣ тассева бхагавато вачана̄ни арахато самма̄самбуддхасса, тасма̄ йатха̄пуре маха̄кассапа̄дайо маха̄тхеравара̄ пора̄н̣асам̣гӣтика̄ра̄ брахмачарийасса чират̣т̣хитийа̄ бахуджанахита̄йа бахуджанасукха̄йа лока̄нукампа̄йа аттха̄йа хита̄йа сукха̄йа деваманусса̄нам̣ дхаммавинайам̣ сам̣га̄йим̣су чева анусам̣га̄йим̣су ча, евамева майампи да̄ни саббева чхат̣т̣хасам̣гӣти маха̄дхаммасабха̄ парийа̄панна̄ чхаббасса ниссаггийа сиккха̄падато пат̣т̣ха̄йа има̄ни ниссаггийасиккха̄пада̄ни екато ган̣асаджджха̄йам̣ катва̄ сам̣ха̄йеййа̄ма.