6. сура̄па̄навагга, 7. наха̄на сиккха̄пуччха̄

пуччха̄ – оренаддхама̄сам̣ а̄вусо наха̄йантасса па̄читтийам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – ра̄джагахе бханте самбахуле бхиккхӯ а̄раббха пан̃н̃аттам̣, самбахула̄ бханте бхиккхӯ ра̄джа̄нампи пасситва̄ на маттам̣ джа̄нитва̄ наха̄йим̣су, тасмим̣ бханте ваттхусмим̣ пан̃н̃аттам̣.

пуччха̄ – касса а̄вусо вачанам̣.

виссаджджана̄ – бхагавато бханте вачанам̣ арахато самма̄самбуддхасса.

пуччха̄ – кена̄вусо а̄бхатам̣.

виссаджджана̄ – парампара̄йа бханте а̄бхатам̣.

пуччха̄ – аттхи нукхо а̄вусо еттха кочипи вируддхадосо.

виссаджджана̄ – наттхи бханте.

сун̣а̄ту ме бханте сан̇гхо…пе… сам̣га̄йеййа̄ма.

пуччха̄ – йам̣ тена а̄вусо…пе… самма̄самбуддхена ана̄дийитва̄ тин̣н̣ам̣ дуббан̣н̣акаран̣а̄нам̣ ан̃н̃атарам̣ дуббан̣н̣акаран̣ам̣ навам̣ чӣварам̣ парибхун̃джантасса па̄читтийам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте самбахуле бхиккхӯ а̄раббха пан̃н̃аттам̣, самбахула̄ бханте бхиккхӯ аттано чӣварам̣ на сан̃джа̄ним̣су, тасмим̣ бханте ваттхусмим̣ пан̃н̃аттам̣.