5. ачелакавагга 4-5. рахопат̣иччханна, рахонисаджджа сиккха̄пуччха̄

пуччха̄ – ма̄туга̄мена саддхим̣ рахо пат̣иччханне а̄сане нисаджджам̣ каппентассача а̄вусо ма̄туга̄мена саддхим̣ еко ека̄йа рахо нисаджджам̣ каппентассача па̄читтийам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте а̄йасмантам̣ упанандам̣ сакйапуттам̣ а̄раббха пан̃н̃аттам̣, а̄йасма̄ бханте упанандо сакйапутто ма̄туга̄мена саддхим̣ рахо пат̣иччханне а̄сане нисаджджам̣ каппеси, ма̄туга̄мена саддхим̣ еко ека̄йа рахо нисаджджам̣ каппеси, тасмим̣ бханте ваттхусмим̣ пан̃н̃аттам̣.