2. бхӯтага̄мавагга, 5. дутийа сена̄сана сиккха̄пуччха̄

пуччха̄ – сан̇гхике а̄вусо виха̄ре сеййам̣ сантхаритва̄ ануддхаритва̄ ана̄пуччха̄ паккамантасса па̄читтийам̣ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте саттарасаваггийе бхиккхӯ а̄раббха пан̃н̃аттам̣, саттарасаваггийа̄ бханте бхиккхӯ сан̇гхике виха̄ре сеййам̣ сантхаритва̄ ануддхаритва̄ ана̄пуччха̄ паккамим̣су, тасмим̣ бханте ваттхусмим̣ пан̃н̃аттам̣.

пуччха̄ – касса а̄вусо вачанам̣.

виссаджджана̄ – бхагавата̄ бханте вачанам̣ арахато самма̄самбуддхасса.

пуччха̄ – кена̄вусо а̄бхатам̣.

виссаджджана̄ – парампара̄йа бханте а̄бхатам̣.

пуччха̄ – аттхи нукхо а̄вусо еттха кочипи вираддхадосо.

виссаджджана̄ – наттхи бханте.

сан̇гхасса н̃а̄панам̣

сун̣а̄ту ме бханте сан̇гхо, ахам̣ бханте а̄йасмантам̣ вичиттаса̄ра̄бхивам̣сам̣ имесам̣ паннарасаннам̣ сиккха̄пада̄нам̣ нида̄на̄дӣни пуччхитабба̄ни анека̄ни т̣ха̄на̄ни пуччхим̣, со ча пут̣т̣хо пут̣т̣хо виссаджджети, ити хидам̣ бханте ниммалам̣ супарисуддхам̣ тассева бхагавато вачанам̣ арахато самма̄самбуддхасса, тасма̄ йатха̄пуре маха̄кассапа̄дайо маха̄тхеравара̄ пора̄н̣асам̣гӣтика̄ра̄ брахмачарийасса чират̣т̣хитийа̄ бахуджанахита̄йа бахуджанасукха̄йа лонукампа̄йа аттха̄йа хита̄йа сукха̄йа деваманусса̄нам̣ дхаммавинайам̣ сам̣га̄йим̣сучева анусам̣га̄йим̣суча, евамева майампи да̄ни чхат̣т̣хасам̣гӣтимаха̄дхаммасабха̄ парийа̄панна̄ йатха̄нуппат̣т̣ха̄нато пат̣т̣ха̄йа има̄ни сиккха̄пада̄ни екато ган̣асаджджха̄йам̣ катва̄ сам̣га̄йеййа̄ма.