1. чӣваравагга 3. татийакатхина сиккха̄пуччха̄

пуччха̄ – ака̄лачӣварам̣ а̄вусо пат̣иггахетва̄ ма̄сам̣ атикка̄ментасса ниссаггийам̣ па̄читтийам̣ бхагавата̄ каттха пан̃н̃аттам̣.

виссаджджана̄ – са̄ваттхийам̣ бханте пан̃н̃аттам̣.

пуччха̄ – кам̣ а̄вусо а̄рабббха кисмим̣ ваттхусмим̣ пан̃н̃аттам̣.

виссаджджана̄ – самбахуле бханте бхиккхӯ а̄раббха пан̃н̃аттам̣, самбахула̄ бханте бхиккхӯ ака̄лачӣварам̣ пат̣иггахетва̄ ма̄сам̣ атикка̄месум̣, тасмим̣ бханте ваттхусмим̣ пан̃н̃аттам̣.

1. чӣваравагга 4. пура̄н̣ачӣвара сиккха̄пуччха̄

пуччха̄ – ан̃н̃а̄тика̄йа а̄вусо бхиккхунийа̄ пура̄н̣ачӣварам̣ дхова̄пентасса ниссаггийам̣ па̄читтийам̣ бхагавата̄ каттха пан̃н̃аттам̣.

виссаджджана̄ – са̄ваттхийам̣ бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – а̄йасмантам̣ бханте уда̄йим̣ а̄раббха пан̃н̃аттам̣, а̄йасма̄ бханте уда̄йӣ ан̃н̃а̄тика̄йа бхиккхунийа̄ пура̄н̣ачӣварам̣ дхова̄песи, тасмим̣ бханте ваттхусмим̣ пан̃н̃аттам̣.

1. чӣваравагга 5. чӣварапат̣иггахан̣а сиккха̄пуччха̄

пуччха̄ – ан̃н̃а̄тика̄йа а̄вусо бхиккхунийа̄ хаттхато чӣварам̣ пат̣игган̣хантасса ниссаггийам̣ па̄читтийам̣ бхагавата̄ каттха пан̃н̃аттам̣.

виссаджджана̄ – ра̄джагахе бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – а̄йасмантам̣ бханте уда̄йим̣ а̄раббха пан̃н̃аттам̣, а̄йасма̄ бханте уда̄йӣ ан̃н̃а̄тика̄йа бхиккхунийа̄ хаттхато чӣварам̣ пат̣иггахеси, тасмим̣ бханте ваттхусмим̣ пан̃н̃аттам̣.

1. чӣваравагга 6. ан̃н̃а̄такавин̃н̃атти сиккха̄пуччха̄

пуччха̄ – ан̃н̃а̄такам̣ а̄вусо гахапатим̣ва̄ гахата̄ним̣ва̄ чӣварам̣ вин̃н̃а̄пентасса ниссаггийам̣ па̄читтийам̣ бхагавата̄ каттха пан̃н̃аттам̣.

виссаджджана̄ – са̄ваттхийам̣ бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – а̄йасмантам̣ бханте упанандам̣ сакйапуттам̣ а̄раббха пан̃н̃аттам̣, а̄йасма̄ бханте упанандо сакйапутто ан̃н̃а̄такам̣ сет̣т̣хипуттам̣ чӣварам̣ вин̃н̃а̄песи, тасмим̣ бханте ваттхусмим̣ пан̃н̃аттам̣.

1. чӣваравагга 7. татуттари сиккха̄пуччха̄

пуччха̄ – ан̃н̃а̄такам̣ а̄вусо гахапатим̣ ва̄ гахапата̄ним̣ ва̄ татуттари чӣварам̣ вин̃н̃а̄пентасса ниссаггийам̣ па̄читтийам̣ бхагавата̄ каттха пан̃н̃аттам̣.

виссаджджана̄ – са̄ваттхийам̣ бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – чхаббаггийе бханте бхиккхӯ а̄раббха пан̃н̃аттам̣, чхаббаггийа̄ бханте бхиккхӯ на маттам̣ джа̄нитва̄ бахумпи чӣварам̣ вин̃н̃а̄песум̣, тасмим̣ бханте ваттхусмим̣ пан̃н̃аттам̣.

пуччха̄ – пуббе аппава̄ритасса а̄вусо ан̃н̃а̄такам̣ гахапатим̣ ва̄ гахата̄ним̣ ва̄ упасан̇камитва̄ чӣваре викаппам̣ а̄паджджантасса ча ан̃н̃а̄таке гахапатике упасан̇камитва̄ чӣваре викаппам̣ а̄паджджантасса ча ниссаггийам̣ па̄читтийам̣ бхагавата̄ каттха пан̃н̃аттам̣.

виссаджджана̄ – са̄ваттхийам̣ бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – а̄йасмантам̣ бханте упанандам̣ сакйапуттам̣ а̄раббха пан̃н̃аттам̣, а̄йасма̄ бханте упанандо сакйапутто пуббе аппава̄рито ан̃н̃а̄такам̣ гахапатикам̣ упасан̇камитва̄ чӣваре викаппам̣ а̄паджджи. сойева бханте а̄йасма̄ упанандо сакйапутто пуббе аппава̄рито ан̃н̃а̄таке гахапатике упасан̇камитва̄ чӣваре викаппам̣ а̄паджджи, тасмим̣ бханте ваттхусмим̣ пан̃н̃аттам̣.