3. паттавагго, 10. парин̣ата сиккха̄пуччха̄
пуччха̄ – йам̣ тена а̄вусо бхагавата̄ пассата̄ арахата̄ самма̄самбуддхена джа̄нам̣ сан̇гхикам̣ ла̄бхам̣ аттхано парин̣а̄ментасса ниссаггийам̣ па̄читтийам̣ каттха пан̃н̃аттам̣.
виссаджджана̄ – са̄ваттхийам̣ бханте пан̃н̃аттам̣.
пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.
виссаджджана̄ – чхаббаггийе бханте бхиккхӯ а̄раббха пан̃н̃аттам̣, чхаббаггийа̄ бханте бхиккхӯ джа̄нам̣ сан̇гхикам̣ ла̄бхам̣ парин̣атам̣ аттано парин̣а̄месум̣, тасмим̣ бханте ваттхусмим̣ пан̃н̃аттам̣.
пуччха̄ – джа̄нам̣ а̄вусо сан̇гхикам̣ ла̄бхам̣ парин̣атам̣ аттано парин̣а̄менто, кати а̄паттийо а̄паджджати.
виссаджджана̄ – джа̄нам̣ бханте сан̇гхикам̣ ла̄бхам̣ парин̣атам̣ аттано парин̣а̄менто две а̄паттийо а̄паджджати, парин̣а̄мети пайоге дуккат̣ам̣, парин̣а̄мите ниссаггийам̣ па̄читтийам̣, джа̄нам̣ бханте сан̇гхикам̣ ла̄бхам̣ парин̣атам̣ аттано парин̣а̄менто има̄ две а̄паттийо а̄паджджати.
пуччха̄ – касса а̄вусо вачанам̣.
виссаджджана̄ – бхагавато бханте вачанам̣ арахато самма̄самбуддхасса.
пуччха̄ – кена̄вусо а̄бхатам̣.
виссаджджана̄ – парампара̄йа бханте а̄бхатам̣.
пуччха̄ – аттхи нукхо а̄вусо таттха кочипи вираддхадосо.
виссаджджана̄ – наттхи бханте.
сам̣га̄йанаттха̄йа н̃а̄панам̣
сун̣а̄ту ме бханте сан̇гхо, ахам̣ бханте имесам̣ сол̣асаннам̣ ниссаггийапа̄читтийасиккха̄пада̄нам̣ нида̄на̄дӣни анека̄ни пуччхитабба̄ни а̄йасмантам̣ вичиттаса̄ра̄бхивам̣сам̣ типит̣акадхара дхаммабхан̣д̣а̄га̄рикам̣ пуччхим̣, со ча пут̣т̣хо пут̣т̣хо виссаджджети, итихидам̣ бханте сиккха̄падасан̃джа̄там̣ ниммалам̣ су парисуддхам̣ тассева бхагавато вачанам̣ арахато самма̄самбуддхасса, тасма̄ йатха̄ пуре маха̄кассапа̄дайо маха̄тхера вара̄ пора̄н̣асам̣гӣтика̄ра̄ брахмачарийасан̇кха̄тасса буддхаса̄санасса чират̣т̣хитийа̄ бахуджанахита̄йа бахуджанасукха̄йа лока̄нукампа̄йа аттха̄йа хита̄йа сукха̄йа деваманусса̄нам̣ дхаммавинайам̣ сам̣га̄йим̣сучева анусам̣га̄йим̣суча, евамева майампи да̄ни чхат̣т̣хасам̣гӣти маха̄дхаммасабха̄парийа̄панна̄ има̄ни сиккха̄пада̄ни йатха̄нуппаттат̣т̣ха̄нато пат̣т̣ха̄йа екато ган̣асаджджха̄йам̣ катва̄ сам̣га̄йеййа̄ма.