3. паттавагго, 6. суттавин̃н̃атти сиккха̄пуччха̄

пуччха̄ – са̄мам̣ а̄вусо суттам̣ вин̃н̃а̄петва̄ тантава̄йехи чӣварам̣ ва̄йа̄пентасса ниссаггийам̣ па̄читтийам̣ каттха пан̃н̃аттам̣.

виссаджджана̄ – ра̄джагахе бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – чхаббаггийе бханте бхиккхӯ а̄раббха пан̃н̃аттам̣, чхаббаггийа̄ бханте бхиккхӯ са̄мам̣ суттам̣ вин̃н̃а̄петва̄ тантава̄йехи чӣварам̣ ва̄йа̄песум̣, тасмим̣ бханте ваттхусмим̣ пан̃н̃аттам̣.