3. паттавагга, 1. патта сиккха̄пуччха̄

пуччха̄ – атирекапаттам̣ а̄вусо даса̄хам̣ атикка̄ментасса ниссаггийам̣ па̄читтийам̣ каттха пан̃н̃аттам̣.

виссаджджана̄ – са̄ваттхийам̣ бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – чхаббаггийе бханте бхиккхӯ а̄раббха пан̃н̃аттам̣, чхаббаггийа̄ бханте бхиккхӯ атирекапаттам̣ дха̄ресум̣, тасмим̣ бханте ваттхусмим̣ пан̃н̃аттам̣.

514. 3. паттавагга, 2. ӯнапан̃чабандхана сиккха̄пуччха̄

пуччха̄ – ӯнапан̃чабандханена паттена ан̃н̃ам̣ навам̣ паттам̣ чета̄пентасса ниссаггийам̣ па̄читтийам̣ каттха пан̃н̃аттам̣.

виссаджджана̄ – саккесу бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – чхаббаггийе бханте бхиккхӯ а̄раббха пан̃н̃аттам̣, чхаббаггийа̄ бханте бхиккхӯ аппаматтакенапи бхиннена аппаматтакенапи кхан̣д̣ена виликхитаматтенапи бахӯ патте виййа̄песум̣, тасмим̣ бханте ваттхусмим̣ пан̃н̃аттам̣.

на бхиккхаве патто вин̃н̃а̄петаббо, йо вин̃н̃а̄пеййа а̄патти дуккат̣асса.