2. косийавагга 8. рӯпийа сиккха̄пуччха̄

пуччха̄ – рӯпийам̣ а̄вусо пат̣игган̣хантасса ниссаггийам̣ па̄читтийам̣ бхагавата̄ каттха пан̃н̃аттам̣.

виссаджджана̄ – ра̄джагахе бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – а̄йасмантам̣ бханте упанандам̣ сакйапуттам̣ а̄раббха пан̃н̃аттам̣, а̄йасма̄ бханте упанандо сакйапутто рӯпийам̣ пат̣иггахеси, тасмим̣ бханте ваттхусмим̣ пан̃н̃аттам̣.

пуччха̄ – катхам̣ а̄вусо таттха пат̣ипаджджанто рӯпийам̣ пат̣игган̣ха̄ти на̄ма.

виссаджджана̄ – сайам̣ бханте ган̣ха̄ти, ан̃н̃ам̣ ва̄ ган̣ха̄песи, идам̣ аййасса хотӯти упаниккхиттам̣ са̄дийати, евам̣ кхо бханте пат̣ипаджджанто бхиккху рӯпийам̣ пат̣игган̣ха̄ти на̄ма.

пуччха̄ – катхам̣ а̄вусо таттха пат̣ипаджджанто бхиккху рӯпийам̣ на пат̣игган̣ха̄ти на̄ма.

виссаджджана̄ – йатха̄ бханте ра̄джасиккха̄паде йатха̄ ча бханте мен̣д̣акасиккха̄паде а̄гаччхати, татха̄ бханте пат̣ипаджджанто бхиккху рӯпийам̣ на пат̣игган̣ха̄тина̄ма.