1. чӣваравагга 1. пат̣хамакатхина сиккха̄пуччха̄

пуччха̄ – йам̣ тена а̄вусо бхагавата̄…пе… самма̄самбуддхена атирекачӣварам̣ даса̄хам̣ атикка̄ментасса ниссаггийам̣ па̄читтийам̣ каттха пан̃н̃аттам̣.

виссаджджана̄ – веса̄лийам̣ бханте пан̃н̃аттам̣.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃аттам̣.

виссаджджана̄ – чхаббаггийе бханте бхиккхӯ а̄раббха пан̃н̃аттам̣, чхаббаггийа̄ бханте бхиккхӯ атирекачӣварам̣ дха̄ресум̣, тасмим̣ бханте ваттхусмим̣ пан̃н̃аттам̣.