13. куладӯсака сан̇гха̄дисеса сиккха̄пуччха̄

пуччха̄ – йам̣ тена а̄вусо бхагавата̄…пе… самма̄самбуддхена куладӯсакасса бхиккхуно йа̄вататийам̣ саманубха̄сана̄йа аппат̣иниссаджджантасса сан̇гха̄дисесо каттха пан̃н̃атто.

виссаджджана̄ – са̄ваттхийам̣ бханте пан̃н̃атто.

пуччха̄ – кам̣ а̄раббха а̄вусо кисмим̣ ваттхусмим̣ пан̃н̃атто.

виссаджджана̄ – ассаджи пунаббасуке бханте бхиккхӯ а̄раббха пан̃н̃атто, ассаджипунаббасука̄ бханте бхиккхӯ сан̇гхена пабба̄джанӣйакаммаката̄ чхандага̄мита̄ досага̄мита̄ мохага̄мита̄ бхайага̄мита̄ па̄песум̣, тасмим̣ бханте ваттхусмим̣ пан̃н̃атто.

анийата сиккха̄пуччха̄

пуччха̄ – йам̣ тена а̄вусо бхагавата̄…пе… самма̄самбуддхена пат̣хамо ча анийато дутийо ча анийато каттха пан̃н̃атто.

виссаджджана̄ – са̄ваттхийам̣ бханте пан̃н̃атто.

пуччха̄ – кам̣ а̄вусо а̄раббха кисмим̣ ваттхусмим̣ пан̃н̃атто.

виссаджджана̄ – а̄йасмантам̣ бханте уда̄йим̣ а̄раббха пан̃н̃атто, а̄йасма̄ бханте уда̄йӣ ма̄туга̄мена саддхим̣ екоека̄йа рахо пат̣иччханне а̄сане алам̣камманийе нисаджджам̣ каппеси, тасмин̃ча ваттхусмим̣, а̄йасма̄йева бханте уда̄йӣ ма̄туга̄мена саддхим̣ рахо нисаджджам̣ ака̄си, тасмин̃ча бханте ваттхусмим̣ пан̃н̃атто.

пуччха̄ – касса а̄вусо вачанам̣.

виссаджджана̄ – бхагавато бханте вачанам̣ арахато самма̄самбуддхасса.

пуччха̄ – кена̄вусо а̄бхатам̣.

виссаджджана̄ – парампара̄йа бханте а̄бхатам̣.

пуччха̄ – аттхи нукхо а̄вусо еттха кочипи вираддхадосо.

виссаджджана̄ – наттхи бханте.

сам̣га̄йанаттха̄йа сан̇гхассан̃а̄панам̣

сун̣а̄ту ме бханте сан̇гхо, ахам̣ бханте а̄йасмантам̣ вичиттаса̄ра̄бхивам̣сам̣ типит̣акадхара дхаммабхан̣д̣а̄га̄рикам̣ пат̣хама дут̣т̣хадоса сиккха̄падато пат̣т̣ха̄йа пуччхитабба̄ни анека̄ни т̣ха̄на̄ни пуччхим̣, со ча а̄йасма̄ пут̣т̣хо пут̣т̣хо виссаджджети, итихидам̣ бханте саббам̣ сиккха̄падам̣ ниммалам̣ супарисуддхам̣ тассева бхагавато вачанам̣ арахато самма̄самбуддхасса, тасма̄ йатха̄пуре маха̄кассапа̄дайо маха̄тхеравара̄ пора̄н̣асам̣гӣтика̄ра̄ брахмачарийасса чират̣т̣хитийа̄ бахуджанахита̄йа бахуджанасукха̄йа лока̄нукампа̄йа аттха̄йа хита̄йа сукха̄йа деваманусса̄нам̣ сам̣га̄йим̣сучева анусам̣га̄йим̣суча, евамева майампи да̄ни саббева чхат̣т̣хасам̣гӣти маха̄дхаммасабха̄парийа̄панна̄ има̄ни сиккха̄пада̄ни екато ган̣асаджджха̄йам̣ катва̄ сам̣га̄йеййа̄ма.