2. па̄рива̄сикаккхандхака

пуччха̄ – па̄рива̄сикасса а̄вусо пакататта̄нам̣ бхиккхӯнам̣ абхива̄дана̄дӣни са̄дийантасса дуккат̣ам̣ бхагавата̄ каттха пан̃н̃аттам̣, кам̣ а̄раббха кисмим̣ ваттхусмим̣ пан̃н̃аттам̣.

виссаджджана̄ – са̄ваттхийам̣ бханте па̄рива̄сике бхиккхӯ а̄раббха пан̃н̃аттам̣, па̄рива̄сика̄ бханте бхиккхӯ са̄дийим̣су пакататта̄нам̣ бхиккхӯнам̣ абхива̄дана̄дӣни, тасмим̣ бханте ваттхусмим̣ пан̃н̃аттам̣.

пуччха̄ – па̄рива̄сикена а̄вусо бхиккхуна̄ катису ваттесу самма̄ ваттитаббам̣.

виссаджджана̄ – па̄рива̄сикена бханте бхиккхуна̄ чатунавутийа̄ ваттесу самма̄ ваттитаббам̣.

пуччха̄ – па̄рива̄сикам̣ пуччхиссам̣, санида̄нам̣ саниддесам̣. самуккат̣т̣хапада̄нам̣ а̄вусо кати а̄паттийо.

виссаджджана̄ – па̄рива̄сикам̣ виссаджджиссам̣, санида̄нам̣ саниддесам̣. самуккат̣т̣хапада̄нам̣ бханте ека̄ а̄патти.