4. адантавагга

пуччха̄ – чатуттхе пана̄вусо адантавагге бхагавата̄ кӣдисӣ дхаммадесана̄йо десита̄.

виссаджджана̄ – чатуттхе бханте адантавагге ‘‘на̄хам̣ бхиккхаве ан̃н̃ам̣ екадхаммампи саманупасса̄ми, йам̣ евам̣ адантам̣ махато анаттха̄йа сам̣ваттати, йатхайидам̣ бхиккхаве читтам̣, читтам̣ бхиккхаве адантам̣ махато анаттха̄йа сам̣ваттати. на̄хам̣ бхиккхаве ан̃н̃ам̣ екадхаммампи саманупасса̄ми, йам̣ евам̣ дантам̣ махато аттха̄йа сам̣ваттати, йатхайидам̣ бхиккхаве читтам̣, читтам̣ бхиккхаве дантам̣ махато аттха̄йа сам̣ваттатӣ’’ти евама̄дика̄ бхагавата̄ дхаммадесана̄йо десита̄.