2. нӣваран̣аппаха̄навагга

пуччха̄ – дутийо пана а̄вусо нӣваран̣аппаха̄навагго бхагавата̄ каттха катхан̃ча бха̄сито.

виссаджджана̄ – са̄ваттхийам̣ бханте ‘‘на̄хам̣ бхиккхаве ан̃н̃ам̣ екадхаммампи саманупасса̄ми, йена ануппанно ва̄ ка̄маччхандо уппаджджати, уппанно ва̄ ка̄маччхандо бхиййобха̄ва̄йа вепулла̄йа сам̣ваттати, йатхайидам̣ бхиккхаве субханимиттам̣, субханимиттам̣ бхиккхаве айонисо манасикарото ануппанночева ка̄маччхандо уппаджджати, уппанно ча ка̄маччхандо бхиййобха̄ва̄йа вепулла̄йа сам̣ваттатӣ’’ти евама̄дина̄ бхагавата̄ бха̄сито.

пуччха̄ – имасмим̣ пана а̄вусо дутийе нӣваран̣аппаха̄навагге бхагавата̄ ким̣ катхитам̣.

виссаджджана̄ – имасмим̣ пана бханте дутийе нӣваран̣аппаха̄навагге бхагавата̄ ват̣т̣ампи виват̣т̣ампи катхитам̣.