двисат̣т̣химапариччхеда

параман̣д̣ала̄бхигамано

1. аттана̄бхиматасса̄’су, джа̄тадесасса паттийа̄;

сампун̣н̣аманасан̇каппо, дуссан̇капавиваджджито.

2. ваджирӯпаморупан̃н̃а̄, балена гурусантике;

лахум̣ бахун̃ча ган̣ханто, сиппаджа̄таманека кам̣.

3. джина̄гамесу некесу, кот̣илла̄ дӣсу нӣтису;

саддасаттхе ча ка̄веййе, санигхан̣д̣ука кет̣убхе.

4. наччагӣтесу саттхесу, хаттхисиппа̄дикесу ча;

дхану кхагга̄динекесу, саттхесу ча висесато.

5. па̄раппатто винӣтатто, питу ран̃н̃о сама̄чари;

адхиппа̄йа̄нукулам̣’ва, сада̄ бхаттипурассаро.

6. тада̄ сада̄ дара̄ча̄ра-гун̣а̄ра̄дхитама̄насо;

пийена вийа миттена, тена саддхим̣ махӣпати.

7. уййа̄наджалакӣл̣а̄ди-сукхам̣ на̄наппака̄ракам̣;

анубхотва̄ садесасмим̣, сан̃чаранто тахим̣ тахим̣.

8. екада̄сан̇кхасена̄дхи-патина̄ дал̣хабхаттина̄;

сарат̣т̣хасӣма̄ раккха̄йа, йо джитена балӣйаса̄.

9. аджджха̄вуттхасса ча балаттха-линамасса ча сантикам̣;

га̄маса̄’ган̃чхи сутва̄на, таматтхам̣ дхаджинӣпати.

10. га̄мам̣ там̣ са̄дхукам̣ саджджу, саджджа̄петва̄ сапуттакам̣;

паччуггантва̄ махӣпа̄лам̣, пан̣амитва̄ т̣хито тада̄.

11. пита̄ путто убхо тасса, самбха̄сийа пийам̣ вачо;

некадха̄’ра̄дхита̄ тена, там̣ га̄мам̣ самупа̄гагум̣.

12. тахим̣ катичи бхӯпа̄ло, ва̄саре вӣтина̄мийа;

сена̄патим̣ сама̄хӯйа, идам̣ вачанам̣ мабрави.

13. путто ме да̄нивайаси, т̣хито’ панайана̄рахе;

тассопанайанам̣ ка̄тум̣, махопакаран̣ам̣ лахум̣.

14. саджджетаббанти там̣ сутва̄, сопи сена̄дхина̄йако;

саббупакаран̣ам̣ кхиппам̣, ман̇галаттхам̣ сусаджджайи.

15. сугандха дӣпапуппха̄ди-ваттхӯхи дивасаттайам̣;

пуббака̄рам̣ каритва̄на, махантам̣ ратанаттайе.

16. ведика̄ча̄радаккхехи, двиджехи путхувӣпати;

сампабха̄ва̄ну рӯпам̣ва, ман̇галам̣ там̣ сама̄пийа.

17. параккамакума̄рена, тена саддхим̣ сама̄рабхи;

васантакӣл̣ам̣ махатим̣, са̄маччо кӣл̣итум̣ тада̄.

18. ра̄джа̄ китти сирӣмегхо-рохан̣е васато тада̄;

сирӣваллабхана̄масса, сабха̄ту маран̣ампи ча.

19. ма̄н̣абхаран̣ана̄масса, раджджала̄бхан̃ча девийа̄;

митта̄йа пат̣ила̄бхан̃ча, сирӣваллабхасӯну но.

20. рохан̣а̄гатадӯтехи, сун̣итва̄ сакабха̄туно;

ка̄лакрийа̄йа сан̃джа̄та-сокавегам̣ судуссахам̣.

21. митта̄йатанайуппатти паваттим̣ саван̣ена там̣;

винеййа вирато тамха̄, васантасамайуссава̄.

22. ниваттетва̄на таттхева, сена̄ним̣ сан̇кхана̄макам̣;

путтена саха со сан̇кха-ттхали на̄мам̣ пурам̣ гами.

23. параккамакума̄рена, тена саддхим̣ тахим̣ сукхам̣;

васато тасса бхӯпасса, вассамекаматикками.

24. ма̄н̣а̄бхаран̣абхӯпасса, девӣ ча̄пи пабха̄ватӣ;

лабхиттха дутийа̄ китти-сирӣ мегхавхайам̣ сутам̣.

25. сун̣итва̄ тан̃ча со амхам̣, вам̣со джа̄то маха̄’’ити;

аху киттисирӣмегхо, тада̄ аттамано бхусам̣.

26. лам̣ка̄дӣпопабхогека-хетуна̄ махата̄ сата̄;

аса̄дха̄ран̣абхӯбхена, чодито пун̃н̃акаммуна̄.

27. кума̄ро со’тха питара̄, пийамитте вийаттани;

карийама̄нам̣ саснехам̣, махантам̣ чо’пала̄ланам̣.

28. сачива̄наманекесам̣, бхайабхаттӣ пурассарам̣;

крийама̄намупат̣т̣ха̄нам̣, на ман̃н̃анто тин̣а̄йапи.

29. лам̣ка̄дӣпамимам̣ сабба мекаччхатто пасобхитам̣;

кхиппам̣ ка̄ретука̄мо со, сайам̣ ити вичинтайи.

30. кеса аккхака гӣват̣т̣хи-да̄т̣ха̄ патта̄на мева ча;

падачетйа маха̄бодхи-са̄кха̄нан̃ча̄пи саттхуно.

31. чатура̄сӣтисахасса̄нам̣, дхаммаккхандха̄на мева ча;

самма̄самбуддхакаппа̄нам̣, а̄дха̄ратта̄ ча ниччасо.

32. а̄каратта̄ ча некесам̣, ман̣имутта̄диваттхӯнам̣;

самматопи висит̣т̣хоти, дӣпона̄ти маха̄ айам̣.

33. тайо ме питаро бхӯпа̄, ма̄тулопи ча саббатха̄;

екаччхаттена ваттету, масаматтха̄ вибхаджджи’мам̣.

34. бхун̃джанта̄ еттакенева, катакичча̄ майам̣ ити;

ман̃н̃анта̄ вигатаччханда̄’бхисекамхи кулочите.

35. рат̣т̣хесаке сакейева, иссерам̣ сампаваттайум̣;

касикамма̄дикам̣ га̄ма-бходжака̄ вийа ниссита̄.

36. тесу киттисири мегхам̣, петтеййам̣ ме т̣хапетва те;

агамам̣су йатха̄каммам̣, сеса̄ бхӯпатайо тайо.

37. мачча̄нам̣ парамам̣ а̄йу, вате’да̄ни париттакам̣;

ба̄ла̄йува̄но вуддха̄ ча, име сатта̄’нупуббасо.

38. па̄пун̣иссанти маран̣а-мӣти’йам̣ нийамопи ча;

на хева асмим̣ локасмим̣, сам̣виджджати када̄чипи.

39. тасма̄ сарӣраке асмим̣, бхан̇гуре са̄раваджджите;

хӣл̣ите са̄радассӣхи, апеккхам̣ хитва̄ саббатха̄.

40. пиханийе йасодехе, чират̣т̣ха̄йимхи саббада̄;

амха̄дисехи каттаббо, ра̄джапуттехи а̄даро.

41. уммаггаджа̄така̄дӣсу, ча̄риттан̃ча̄пи бхӯмису;

вихитам̣ бодхисаттена, вӣрабха̄ва̄динисситам̣.

42. ра̄ма̄йан̣абха̄рата̄ди-локийа̄су катха̄супи;

ра̄масса виккаман̃чева, тасса ра̄ван̣агха̄тино.

43. дуйодхана̄дира̄джа̄но, хантва̄йуддхе паваттитам̣;

виккама̄ти сайан̃чева, пан̃чаннам̣ пан̣д̣усӯнӯнам̣.

44. итиха̄сакатха̄йан̃ча, дева̄сураран̣е пура̄;

дуссанта̄димахӣпехи, катан̃ча чаритаббхӯтам̣.

45. уммӯлитавато тасса, нандавам̣санариссаре;

ча̄раккадвиджасет̣т̣хасса, сутва̄ буддхибалампи ча.

46. сабба̄ нета̄ни локамхи, йа̄ваджджадиваса̄ бхуви;

тесам̣ асаннидха̄непи, суппасиддхим̣ гата̄ни хи.

47. суладдхам̣ джӣвитам̣ тесам̣, аса̄дха̄ран̣амӣдисам̣;

чарита̄тисайам̣ каттум̣, саматтха̄ хонти йе бхуви.

48. джа̄йитва̄ кхаттавам̣самхи, кхаттавӣравародхитам̣;

йадихам̣ на карисса̄ми, могха̄ ме джа̄ти хессати.

49. тесамаббхадхика̄ ка̄ла-сампада̄йева кевалам̣;

майа̄ те адхика̄ кинту, пан̃н̃а̄дӣхӣти чинтийа.

50. питура̄джа̄ ча ме’да̄ни, паччхиме вайасит̣т̣хито;

йадидам̣ петтикам̣ раджджам̣, мама хаттхагатаббхаве.

51. ра̄джалаккхива со пета-четасо ме пама̄дато;

йатхиччхитан̃че на бхаве, махатӣ джа̄ни ме бхусам̣.

52. еттхева нивасанто’хам̣, чара̄пийа саке варе;

параман̣д̣алавуттантам̣, джа̄неййам̣ йади таттано.

53. рандхам̣ паччаттхика̄нанту, пака̄сетум̣ ратха̄татхам̣;

адхиппа̄йа̄нурӯпам̣ ме, саматтха̄ ва̄ на ва̄чара̄.

54. йе кечи’дха джана̄ санти, саббе те мама саммукха̄;

балӣйаттам̣’ва саттӯнам̣, катхайанти анекасо.

55. паччекарат̣т̣хаса̄мӣхи, питубхӯпехи тихипи;

екӣбхӯйа каритва̄на, саттаккхаттум̣ маха̄хавам̣.

56. са̄дхетум̣ дуккарам̣ рат̣т̣хам̣, бхавате ка̄кина̄ катхам̣;

сисуна̄ ган̣хитум̣ сакка̄, кхуддараджджо пабхогина̄.

57. сукарам̣ мӯлабхӯтасса, тасса раджджасса са̄дханам̣;

ити дуччинтам̣там̣ туйхам̣, дӯре таббамидам̣’’ити.

58. кан̣н̣е таттхасала̄ка̄йо, павесента̄’ва некасо;

махантаттам̣ катхенте’вам̣, бахудха̄ параман̣д̣але.

59. аджа̄нанам̣ йатха̄бхӯтам̣, ваданта̄нам̣ кубуддхинам̣;

саббаметам̣ вачо джа̄ту, саддха̄таббам̣ сийа̄ на хи.

60. лесенекена гантва̄на, кхиппам̣’ва параман̣д̣алам̣;

сарӯпам̣ таттха усса̄ми, ахамевети чинтайи.

61. йади ме пӣтубхӯпа̄ло, вин̃н̃а̄йетам̣ витаккитам̣;

абхиджа̄тасса путтасса, вам̣саджотикарасса ме.

62. гатасса саттху висайа-манаттхопи сийа̄ ити;

анукампа̄дхийа̄ майхам̣, гаманам̣ ва̄райиссати.

63. маноратхасса сам̣сиддхи, саббатха̄ мена хессати;

тасма̄ нигул̣арӯпена, гаманам̣ бхаддакам̣ ити.

64. ладдха̄на раттийама тхекадинам̣ кхан̣ан̃н̃ӯ,

со та̄дисам̣ кхан̣амакхӣн̣атарорӯпа̄йо;

джа̄на̄ти но сакапита̄гаманам̣ татха̄там̣,

геха̄’бхиниккхамитатха̄ чатуро кума̄ро.

суджанаппаса̄дасам̣вегаттха̄йа кате маха̄вам̣се

параман̣д̣ала̄бхигамано на̄ма

двисат̣т̣химо париччхедо.