течатта̄лӣсатима париччхеда

чатура̄джако

1. тато виджитасан̇га̄мо, кассапо пурита̄сайо;

маха̄па̄л̣имхи сан̇гхасса, самиддхам̣ бходжанам̣ ака̄.

2. на̄гаса̄ла̄ нива̄сим̣ со, маха̄дхаммакатхим̣ йатим̣;

маха̄пӯджа̄йа пӯджетва̄, саддхаммам̣ тена ва̄чайи.

3. васантам̣ бха̄туа̄ва̄се, самуддисса ликха̄пайи;

кат̣андхака̄рава̄сим̣ со, па̄л̣и саббам̣ сасан̇гахам̣.

4. джин̣н̣ам̣ сан̇кхарикамман̃ча, навам̣ ка̄реси четийе;

сан̇гхабхогаманекан̃ча, таттха таттха паваттайи.

5. на̄на̄ман̣исамуджджотам̣, ка̄си чӯл̣аман̣иттайам̣;

сатам̣ пан̣д̣упала̄са̄нам̣, ваттхада̄нена таппайи.

6. тасса̄сум̣ бахаво путта̄, джет̣т̣хо тесан̃ча ма̄н̣ако;

саббе те на вайаппатта̄, ба̄ла̄вигатабуддхино.

7. тато со бйа̄дхина̄ пхут̣т̣хо, атекиччхена кеначи;

путта̄ ме ба̄лака̄ саббе, не’те раджджаккхама̄ ити.

8. васантам̣ рохан̣е десе, бха̄гинеййам̣ маха̄матим̣;

а̄хуйа саббам̣ па̄да̄си, раджджам̣ путтехи аттано.

9. гандхама̄ла̄дипӯджа̄хи, пӯджайитва̄на четийе;

бхиккхусан̇гхам̣ кхама̄дхапаси, датва̄на чатупаччайам̣.

10. евам̣ дхаммам̣ чаритва̄на, митта̄маччаджанесу ча;

гато навахи вассехи, йатха̄каммам̣ нара̄дхипо.

11. катва̄ каттаббакиччам̣ со, ма̄туласса сага̄раво;

сан̇гаханто джанам̣ ма̄н̣о, дамил̣е нӣхара̄пайи.

12. екато дамил̣а̄ хутва̄, нибба̄сема имам̣ ити;

тасмим̣ т̣хите бахиддха̄ва, аггахесум̣ пурам̣ сайам̣.

13. хатта да̄т̣хасса песеси, джамбудӣпагатасса те;

а̄гантум̣тава ка̄лоти, са̄санам̣ раджджага̄хан̣е.

14. ма̄н̣о’пи сан̇гхам̣ песеси, са̄санам̣ питурохан̣ам̣;

пита̄ сутва̄на там̣ а̄га̄, на чӣренева рохан̣а̄.

15. убхе те мантайитва̄на, акам̣су сандхилесакам̣;

умил̣ехи тато джа̄та̄, саббе те самавуттино.

16. тато со питарам̣ радждже, абхисин̃читтха ма̄н̣ако;

со’бхиситто ника̄йа̄нам̣, сахасса̄нам̣ тайам̣ ада̄.

17. сан̇гхам̣ рат̣т̣хан̃ча сан̇гайха, саббам̣ ра̄джакулат̣т̣хитам̣;

бхан̣д̣ам̣ песеси саттӯхи, раккхан̣аттха̄йа рохан̣ам̣.

18. хаттхада̄т̣хопи сутва̄на, дамил̣а̄нам̣ ту са̄санам̣;

кхан̣ена̄’га̄ имам̣ дӣпам̣, гахетва̄ дамил̣хам̣ балам̣.

19. тада̄ те дамил̣а̄ саббе, парибхӯта̄ идха т̣хита̄;

а̄йантамева там̣ гантва̄, парива̄ресу ман̃джасе.

20. ма̄н̣опи сутва̄ там̣ саббам̣, на̄йам̣ ка̄лоти йуджджхитум̣;

песетва̄ питура̄джа̄нам̣, саддхим̣ са̄рена рохан̣ам̣.

21. пуббадесам̣ сайам̣ гантва̄, сан̇ган̣ханто джанам̣ васӣ;

ладдха̄ дамил̣апаккхам̣ со, гахетва̄ ра̄джакам̣ пурам̣.

22. да̄т̣хопатиссо ра̄джа̄ти, на̄мам̣ са̄вети аттано;

ма̄тулам̣ вийа там̣ локо, тена на̄мена вохари.

23. питуччхапуттама̄нетва̄, аггабодхи сана̄макам̣;

т̣хапетва̄ йувара̄джатте, десан̃ча̄’да̄си даккхин̣ам̣.

24. т̣ха̄нантаран̃ча па̄да̄си, ниссита̄нам̣ йатха̄рахам̣;

са̄санасса ча локасса, саббам̣ каттаббама̄чари.

25. маха̄па̄л̣имхи да̄песи, саваттхам̣ дадхибхаттакам̣;

кхӣрам̣ па̄йа̄сакан̃чева, дхаммам̣ сун̣и упосатхи.

26. ка̄ретва̄ саббапӯджа̄йо, деса̄ петва̄на десанам̣;

евама̄дӣхи пун̃н̃ехи, атта̄нам̣’ка̄си бхаддакам̣.

27. кассапасса виха̄расса, датва̄сенавхага̄макам̣;

маха̄галлан̃ча па̄да̄си, падха̄нагхаракасса со.

28. паривен̣асса морасса, ака̄си сакага̄макам̣;

тхӯпа̄ра̄масса пун̣н̣ол̣им̣, датва̄ сакка̄си четийам̣.

29. каппӯрапаривен̣ам̣ со, ка̄реси абхайуттаре;

виха̄рам̣ типутхуллавхам̣, катва̄ тассева да̄пайи.

30. тасмим̣ каронте ва̄ресум̣, сӣма̄йанто’ти бхиккхаво;

тхерийа̄ те киба̄хетва̄, балам̣ татхева ка̄райи.

31. атха те те тхерийа̄ бхиккхӯ, думман̃н̃ӯ таттха ра̄джини;

ассаддхам̣ там̣ видитва̄на, паттаниккуджджанам̣ карум̣.

32. вуттан̃хи мунина̄ тена, ассаддхо йо упа̄сако;

ала̄бха̄йа ча бхиккхӯнам̣, четета’ккосати ча те.

33. паттаникуджджанам̣ тасса, каттаббанти тато хи те;

тасса там̣ каммамакарум̣, локо ман̃н̃иттха ан̃н̃атха̄.

34. а̄да̄йу куджджитам̣ паттам̣, чаранто бхиккхубхиккхакам̣;

никуджджеййа гхарадва̄ре, тасса̄’ти катхикам̣ карум̣.

35. тасмим̣ со самайе пхут̣т̣хо, бйа̄дхина̄ махата̄мари;

вассамхи наваме ра̄джа̄, сампатто джӣвитаккхайам̣.

36. даппулопи тато ра̄джа̄, гато рохан̣акам̣ сакам̣;

ва̄сам̣ каппеси таттхева, каронто пун̃н̃асан̃чайам̣.

37. ито пат̣т̣ха̄йа ваккха̄ма, тасса вам̣самана̄кулам̣;

вуччама̄намхи еттхева, тасмим̣ хоти асан̇каро.

38. джа̄то окка̄кавам̣самхи, маха̄тиссоти виссуто;

а̄си еко маха̄пун̃н̃о, сама̄кин̣н̣агун̣а̄каро.

39. тассе’ка̄ бхарийа̄ а̄си, сан̇гхапива̄ти вӣссута̄;

дхан̃н̃апун̃н̃агун̣ӯпета̄, дхӣта̄ рохан̣аса̄мино.

40. тасса̄путта̄ тайо а̄сум̣, пат̣хамо аггабедхико;

дутийо даппуло на̄ма, татийо ман̣иаккхико.

41. ека̄ва дхӣта̄ тасса̄си, ра̄джанамагама̄ ча са̄;

джет̣т̣хо рохан̣ана̄масса, десасса̄’си сайам̣ васӣ.

42. маха̄па̄л̣им̣ са ка̄реси, маха̄га̄ме маха̄дхано;

да̄т̣хаггабодхина̄ман̃ча, паривен̣ам̣ тахи вам̣со.

43. ка̄н̣ага̄мамхи ка̄н̣а̄нам̣, гила̄на̄нан̃ча са̄лаке;

виха̄ре пат̣има̄вхе ча, махантам̣ пат̣има̄гхарам̣.

44. патит̣т̣хапеси катва̄на, буддхататтха сила̄майам̣;

махантана̄мам̣ саппан̃н̃о, иддхӣхи вийа ниммитам̣.

45. са̄лава̄н̣ан̃ча ка̄реси, виха̄рам̣ аттана̄макам̣,

паривен̣авиха̄ран̃ча, татха̄ ка̄джарага̄макам̣.

46. навакамма̄ни ка̄ретва̄, дхаммаса̄лавиха̄раке;

сайам̣ ваччакут̣ӣ еса, таттха содхеси буддхима̄.

47. уччит̣т̣хам̣ бхиккхусан̇гхасса, бходжанам̣ парибхун̃джийа;

ман̣д̣ага̄ман̃ча сан̇гхасса, га̄мам̣’да̄си маса̄дава̄.

48. пун̃н̃а̄не’та̄ничан̃н̃а̄ни, катва̄ тасмим̣ диван̇гате;

а̄сӣ тасса̄’нуджо таттха, са̄ми даппулана̄мако.

49. иссерам̣ таттха ваттеси, сампамаддийа сатта во;

маха̄да̄нам̣ паваттеси, ниссан̇кам̣ рохан̣ам̣ ага̄.

50. тасса тут̣т̣хо джано а̄ха, маха̄са̄мӣти есано;

тато пат̣т̣ха̄йа там̣ локо-маха̄са̄мӣти вохари.

51. сутва̄на там̣ сила̄да̄т̣хо, нариндо сакадхӣтарам̣;

тасса па̄да̄си сантут̣т̣хо, гун̣ехи бахукехи ча.

52. йуджара̄джаттамасса̄да̄, раджджайогготи ма̄нитум̣;

ма̄н̣авамма̄дайо тасса, путта̄ а̄сум̣ маха̄сайа̄.

53. па̄са̄н̣адипава̄сисса, маха̄тхерасса сантике;

дхаммам̣ сутва̄ пасӣдитва̄, тасмим̣ там̣ бахума̄нитум̣.

54. виха̄рам̣ рохан̣е катва̄, тасса па̄да̄си сопи там̣;

ча̄туддисийасан̇гхасса, парибхога̄йа виссаджджи.

55. амбама̄ла̄ виха̄ра̄ди, виха̄ре ка̄райи бахӯ;

кхадира̄ливиха̄ран̃ча, катва̄ дева мапӯджайи.

56. па̄са̄даманура̄ра̄мам̣, муттоламбам̣ суджин̣н̣акам̣;

сӣривад̣д̣хан̃ча па̄са̄дам̣, татха̄ таккамбилам̣ парам̣.

57. содхетва̄ бхиккхаво таттха, дваттим̣са парива̄сайи;

саббапаччайада̄нена, сантаппетва̄ махӣмати.

58. ада̄ кеват̣т̣агамбхӣрам̣, га̄мам̣ на̄гавиха̄раке;

татха̄ ра̄джавиха̄расса, гоннага̄мам̣ сама̄дийи.

59. ада̄ тӣсавиха̄расса, татха̄кантикапаббакам̣;

читталапаббатасса̄’да̄, га̄мам̣ со гоннавит̣т̣хикам̣.

60. датва̄ рийа̄карассеса, га̄мам̣ сома̄лаваттхукам̣;

ака̄си пат̣има̄гехам̣, татхева суманохарам̣.

61. татрат̣т̣хасса джинасса̄’ка̄, ун̣н̣аломам̣ махаггхийам̣;

хемапат̣т̣ан̃ча ка̄реси, саббам̣ пӯджа̄видхим̣ са’ка̄.

62. четийе париджин̣н̣е со, судха̄каммена ран̃джайи;

типан̃чахаттхам̣ ка̄реси, меттеййам̣ сугатам̣ парам̣.

63. евама̄дини пун̃н̃а̄ни, аппамеййа̄ни со вибхӯ;

ака̄си ча сайам̣ са̄дху, парива̄рехӣ ка̄райи.

64. парива̄ра̄ ча тасса̄сум̣, бахӯпун̃н̃акара̄ нара̄;

виха̄ра̄ некака̄ а̄сум̣, ката̄ техи саппаччайа̄.

65. када̄чи маггам̣ гаччхам̣ со, аран̃н̃амхи ага̄маке;

сенам̣ сам̣видахитва̄на, ва̄сам̣ каппеси раттийам̣.

66. сунаха̄тавиллитто со, субхуттосайане сукхе;

нипаннесу гхаре рамме, нидда̄йитумупакками.

67. алабханто тада̄ ниддам̣, кинну кхо ити ка̄ран̣ам̣;

паваттим̣ упадха̄ренто, дивасе саббаматтано.

68. адисва̄ ка̄ран̣ам̣ анто, авассам̣ бахи хессати;

ити чинтийа йоджеси, мануссетам̣ гавеситум̣.

69. евама̄ха ча ниссан̇кам̣, аййака̄ мама раттийам̣;

темента̄ руккхамӯласмим̣, т̣хита̄ а̄нетха те ити.

70. тепи гантва̄ гавесанта̄, дӣпахаттха̄ маха̄джана̄;

маха̄га̄ма̄’гате бхиккхӯ, руккхамӯлагате тада̄.

71. те гантва̄ са̄санам̣ ран̃н̃о, а̄рочесум̣ падха̄висо;

дисва̄ ча бхиккху сантут̣т̣хо, нетва̄ ва̄сагхарам̣ сакам̣.

72. ниччада̄на̄йа бхиккхӯнам̣, т̣хапите раттачӣваре;

тесам̣ датва̄на тинта̄ни, чӣвара̄ни сама̄дийа.

73. суккха̄пийа ча катва̄на, па̄дадхованака̄дикам̣;

нисӣда̄пийа те саббе, сайане са̄дху сантхате.

74. бхесаджджам̣ пат̣ийа̄детва̄, сайамево’пана̄мийа;

паччӯсепи ча катва̄на, каттаббам̣ бходжана̄дикам̣.