2. нӣваран̣асуттам̣

64. ‘‘пан̃чима̄ни, бхиккхаве, нӣваран̣а̄ни. катама̄ни пан̃ча? ка̄маччханданӣваран̣ам̣, бйа̄па̄данӣваран̣ам̣, тхинамиддханӣваран̣ам̣, уддхаччакуккуччанӣваран̣ам̣, вичикиччха̄нӣваран̣ам̣ – има̄ни кхо, бхиккхаве, пан̃ча нӣваран̣а̄ни.

‘‘имесам̣ кхо, бхиккхаве, пан̃чаннам̣ нӣваран̣а̄нам̣ паха̄на̄йа чатта̄ро сатипат̣т̣ха̄на̄ бха̄ветабба̄. катаме чатта̄ро? идха, бхиккхаве, бхиккху ка̄йе ка̄йа̄нупассӣ вихарати а̄та̄пӣ сампаджа̄но сатима̄ винеййа локе абхиджджха̄доманассам̣; ведана̄су…пе… читте…пе… дхаммесу дхамма̄нупассӣ вихарати а̄та̄пӣ сампаджа̄но сатима̄ винеййа локе абхиджджха̄доманассам̣. имесам̣ кхо, бхиккхаве, пан̃чаннам̣ нӣваран̣а̄нам̣ паха̄на̄йа име чатта̄ро сатипат̣т̣ха̄на̄ бха̄ветабба̄’’ти. дутийам̣.