(6) 1. кхемавагго

1. кхемасуттам̣

52. ‘‘‘кхемам̣ кхема’нти, а̄вусо, вуччати. китта̄вата̄ ну кхо, а̄вусо, кхемам̣ вуттам̣ бхагавата̄’’ти?

‘‘идха̄вусо, бхиккху вивиччева ка̄мехи…пе… пат̣хамам̣ джха̄нам̣ упасампаджджа вихарати. етта̄вата̄пи кхо, а̄вусо, кхемам̣ вуттам̣ бхагавата̄ парийа̄йена…пе….

‘‘пуна чапарам̣, а̄вусо, бхиккху саббасо невасан̃н̃а̄на̄сан̃н̃а̄йатанам̣ саматиккамма сан̃н̃а̄ведайитаниродхам̣ упасампаджджа вихарати, пан̃н̃а̄йа часса дисва̄ а̄сава̄ париккхӣн̣а̄ хонти. етта̄вата̄пи кхо, а̄вусо, кхемам̣ вуттам̣ бхагавата̄ ниппарийа̄йена̄’’ти. пат̣хамам̣.

2. кхемаппаттасуттам̣

53. кхемаппатто кхемаппаттоти, а̄вусо, вуччати…пе…. дутийам̣.

3. аматасуттам̣

54. аматам̣ аматанти, а̄вусо, вуччати…пе…. татийам̣.

4. аматаппаттасуттам̣

55. аматаппатто аматаппаттоти, а̄вусо, вуччати…пе…. чатуттхам̣.

5. абхайасуттам̣

56. абхайам̣ абхайанти, а̄вусо, вуччати…пе…. пан̃чамам̣.

6. абхайаппаттасуттам̣

57. абхайаппатто абхайаппаттоти, а̄вусо, вуччати…пе…. чхат̣т̣хам̣.

7. пассаддхисуттам̣

58. пассаддхи пассаддхӣти, а̄вусо, вуччати…пе…. саттамам̣.

8. анупуббапассаддхисуттам̣

59. анупуббапассаддхи анупуббапассаддхӣти, а̄вусо, вуччати…пе…. ат̣т̣хамам̣.

9. ниродхасуттам̣

60. ниродхо ниродхоти, а̄вусо, вуччати…пе…. навамам̣.

10. анупуббаниродхасуттам̣

61. ‘‘‘анупуббаниродхо анупуббаниродхо’ти, а̄вусо, вуччати. китта̄вата̄ ну кхо, а̄вусо, анупуббаниродхо вутто бхагавата̄’’ти?

‘‘идха̄вусо, бхиккху вивиччева ка̄мехи…пе… пат̣хамам̣ джха̄нам̣ упасампаджджа вихарати. етта̄вата̄пи кхо, а̄вусо, анупуббаниродхо вутто бхагавата̄ парийа̄йена…пе….

‘‘пуна чапарам̣, а̄вусо, бхиккху саббасо невасан̃н̃а̄на̄сан̃н̃а̄йатанам̣ саматиккамма сан̃н̃а̄ведайитаниродхам̣ упасампаджджа вихарати, пан̃н̃а̄йа часса дисва̄ а̄сава̄ париккхӣн̣а̄ хонти. етта̄вата̄пи кхо, а̄вусо, анупуббаниродхо вутто бхагавата̄ ниппарийа̄йена̄’’ти. дасамам̣.

11. абхаббасуттам̣

62. ‘‘нава, бхиккхаве, дхамме аппаха̄йа абхаббо арахаттам̣ саччхика̄тум̣. катаме нава? ра̄гам̣, досам̣, мохам̣, кодхам̣, упана̄хам̣, маккхам̣, пал̣а̄сам̣, иссам̣, маччхарийам̣ – име кхо, бхиккхаве, нава дхамме аппаха̄йа абхаббо арахаттам̣ саччхика̄тум̣.

‘‘нава, бхиккхаве, дхамме паха̄йа бхаббо арахаттам̣ саччхика̄тум̣. катаме нава? ра̄гам̣, досам̣, мохам̣, кодхам̣, упана̄хам̣, маккхам̣, пал̣а̄сам̣, иссам̣, маччхарийам̣ – име кхо, бхиккхаве, нава дхамме паха̄йа бхаббо арахаттам̣ саччхика̄ту’’нти. ека̄дасамам̣.

кхемавагго пат̣хамо.