1. бхаттуддесакасуттам̣

272. ‘‘пан̃чахи, бхиккхаве, дхаммехи саманна̄гато бхаттуддесако на самманнитаббо [на самманитаббо (ка.) чӯл̣ава. 326 пасситаббам̣]. катамехи пан̃чахи? чханда̄гатим̣ гаччхати, доса̄гатим̣ гаччхати, моха̄гатим̣ гаччхати, бхайа̄гатим̣ гаччхати, уддит̣т̣ха̄нуддит̣т̣хам̣ на джа̄на̄ти – имехи кхо, бхиккхаве, пан̃чахи дхаммехи саманна̄гато бхаттуддесако на самманнитаббо.

‘‘пан̃чахи, бхиккхаве, дхаммехи саманна̄гато бхаттуддесако самманнитаббо. катамехи пан̃чахи? на чханда̄гатим̣ гаччхати, на доса̄гатим̣ гаччхати, на моха̄гатим̣ гаччхати, на бхайа̄гатим̣ гаччхати, уддит̣т̣ха̄нуддит̣т̣хам̣ джа̄на̄ти – имехи кхо, бхиккхаве, пан̃чахи дхаммехи саманна̄гато бхаттуддесако самманнитабботи.

‘‘пан̃чахи, бхиккхаве, дхаммехи саманна̄гато бхаттуддесако саммато [самматопи (сӣ.)] на песетаббо…пе… саммато песетаббо… ба̄ло ведитаббо… пан̣д̣ито ведитаббо… кхатам̣ упахатам̣ атта̄нам̣ парихарати… аккхатам̣ анупахатам̣ атта̄нам̣ парихарати… йатха̄бхатам̣ никкхитто евам̣ нирайе… йатха̄бхатам̣ никкхитто евам̣ сагге. катамехи пан̃чахи? на чханда̄гатим̣ гаччхати, на доса̄гатим̣ гаччхати, на моха̄гатим̣ гаччхати, на бхайа̄гатим̣ гаччхати, уддит̣т̣ха̄нуддит̣т̣хам̣ джа̄на̄ти – имехи кхо, бхиккхаве, пан̃чахи дхаммехи саманна̄гато бхаттуддесако йатха̄бхатам̣ никкхитто евам̣ сагге’’ти. пат̣хамам̣.