1. пат̣хамадуччаритасуттам̣

241. ‘‘пан̃чиме, бхиккхаве, а̄дӣнава̄ дуччарите. катаме пан̃ча? атта̄пи атта̄нам̣ упавадати; анувичча вин̃н̃ӯ гараханти; па̄пако киттисаддо аббхуггаччхати; саммӯл̣хо ка̄лам̣ кароти; ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджати. име кхо, бхиккхаве, пан̃ча а̄дӣнава̄ дуччарите.

‘‘пан̃чиме, бхиккхаве, а̄нисам̣са̄ сучарите. катаме пан̃ча? атта̄пи атта̄нам̣ на упавадати; анувичча вин̃н̃ӯ пасам̣санти; калйа̄н̣о киттисаддо аббхуггаччхати; асаммӯл̣хо ка̄лам̣ кароти; ка̄йасса бхеда̄ парам̣ маран̣а̄ сугатим̣ саггам̣ локам̣ упападжджати. име кхо, бхиккхаве, пан̃ча а̄нисам̣са̄ сучарите’’ти. пат̣хамам̣.