9. пат̣хамамаччхарийасуттам̣

239. ‘‘пан̃чахи, бхиккхаве, дхаммехи саманна̄гато а̄ва̄сико бхиккху йатха̄бхатам̣ никкхитто евам̣ нирайе. катамехи пан̃чахи? а̄ва̄самаччхарӣ хоти; куламаччхарӣ хоти; ла̄бхамаччхарӣ хоти; ван̣н̣амаччхарӣ [дхаммамаччхарӣ (ка.)] хоти; саддха̄деййам̣ винипа̄тети. имехи кхо, бхиккхаве, пан̃чахи дхаммехи саманна̄гато а̄ва̄сико бхиккху йатха̄бхатам̣ никкхитто евам̣ нирайе.

‘‘пан̃чахи, бхиккхаве, дхаммехи саманна̄гато а̄ва̄сико бхиккху йатха̄бхатам̣ никкхитто евам̣ сагге. катамехи пан̃чахи? на а̄ва̄самаччхарӣ хоти; на куламаччхарӣ хоти; на ла̄бхамаччхарӣ хоти; на ван̣н̣амаччхарӣ хоти; саддха̄деййам̣ на винипа̄тети. имехи кхо, бхиккхаве, пан̃чахи дхаммехи саманна̄гато а̄ва̄сико бхиккху йатха̄бхатам̣ никкхитто евам̣ сагге’’ти. навамам̣.