8. уссӯрабхаттасуттам̣

228. ‘‘пан̃чиме, бхиккхаве, а̄дӣнава̄ уссӯрабхатте куле. катаме пан̃ча? йе те атитхӣ па̄хуна̄, те на ка̄лена пат̣ипӯдженти; йа̄ та̄ балипат̣игга̄хика̄ девата̄, та̄ на ка̄лена пат̣ипӯдженти; йе те саман̣абра̄хман̣а̄ екабхаттика̄ раттӯпарата̄ вирата̄ вика̄лабходжана̄, те на ка̄лена пат̣ипӯдженти; да̄сакаммакарапориса̄ вимукха̄ каммам̣ каронти; та̄ватакам̣йева асамайена бхуттам̣ аноджавантам̣ хоти. име кхо, бхиккхаве, пан̃ча а̄дӣнава̄ уссӯрабхатте куле.

‘‘пан̃чиме, бхиккхаве, а̄нисам̣са̄ самайабхатте куле. катаме пан̃ча? йе те атитхӣ па̄хуна̄, те ка̄лена пат̣ипӯдженти; йа̄ та̄ балипат̣игга̄хика̄ девата̄, та̄ ка̄лена пат̣ипӯдженти; йе те саман̣абра̄хман̣а̄ екабхаттика̄ раттӯпарата̄ вирата̄ вика̄лабходжана̄, те ка̄лена пат̣ипӯдженти; да̄сакаммакарапориса̄ авимукха̄ каммам̣ каронти; та̄ватакам̣йева самайена бхуттам̣ оджавантам̣ хоти. име кхо, бхиккхаве, пан̃ча а̄нисам̣са̄ самайабхатте куле’’ти. ат̣т̣хамам̣.