4. бахубха̄н̣исуттам̣

214. ‘‘пан̃чиме, бхиккхаве, а̄дӣнава̄ бахубха̄н̣исмим̣ пуггале. катаме пан̃ча? муса̄ бхан̣ати, писун̣ам̣ бхан̣ати, пхарусам̣ бхан̣ати, сампхаппала̄пам̣ бхан̣ати, ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджати. име кхо, бхиккхаве, пан̃ча а̄дӣнава̄ бахубха̄н̣исмим̣ пуггале.

‘‘пан̃чиме, бхиккхаве, а̄нисам̣са̄ мантабха̄н̣исмим̣ пуггале. катаме пан̃ча? на муса̄ бхан̣ати, на писун̣ам̣ бхан̣ати, на пхарусам̣ бхан̣ати, на сампхаппала̄пам̣ бхан̣ати, ка̄йасса бхеда̄ парам̣ маран̣а̄ сугатим̣ саггам̣ локам̣ упападжджати. име кхо, бхиккхаве, пан̃ча а̄нисам̣са̄ мантабха̄н̣исмим̣ пуггале’’ти. чатуттхам̣.