5. са̄каччхасуттам̣

65. [а. ни. 5.164] ‘‘пан̃чахи, бхиккхаве, дхаммехи саманна̄гато бхиккху алам̣са̄каччхо сабрахмача̄рӣнам̣. катамехи пан̃чахи? идха, бхиккхаве, бхиккху аттана̄ ча сӣласампанно хоти, сӣласампада̄йа катха̄йа ча а̄гатам̣ пан̃хам̣ бйа̄катта̄ хоти; аттана̄ ча сама̄дхисампанно хоти, сама̄дхисампада̄йа катха̄йа ча а̄гатам̣ пан̃хам̣ бйа̄катта̄ хоти; аттана̄ ча пан̃н̃а̄сампанно хоти, пан̃н̃а̄сампада̄йа катха̄йа ча а̄гатам̣ пан̃хам̣ бйа̄катта̄ хоти; аттана̄ ча вимуттисампанно хоти, вимуттисампада̄йа катха̄йа ча а̄гатам̣ пан̃хам̣ бйа̄катта̄ хоти; аттана̄ ча вимуттин̃а̄н̣адассанасампанно хоти, вимуттин̃а̄н̣адассанасампада̄йа катха̄йа ча а̄гатам̣ пан̃хам̣ бйа̄катта̄ хоти. имехи кхо, бхиккхаве, пан̃чахи дхаммехи саманна̄гато бхиккху алам̣са̄каччхо сабрахмача̄рӣна’’нти. пан̃чамам̣.