(28) 8. ра̄гапеййа̄лам̣

1. сатипат̣т̣ха̄насуттам̣

274. ‘‘ра̄гасса, бхиккхаве, абхин̃н̃а̄йа чатта̄ро дхамма̄ бха̄ветабба̄. катаме чатта̄ро? идха, бхиккхаве, бхиккху ка̄йе ка̄йа̄нупассӣ вихарати а̄та̄пӣ сампаджа̄но сатима̄ винеййа локе абхиджджха̄доманассам̣; ведана̄су…пе… читте…пе… дхаммесу дхамма̄нупассӣ вихарати а̄та̄пӣ сампаджа̄но сатима̄ винеййа локе абхиджджха̄доманассам̣. ра̄гасса, бхиккхаве, абхин̃н̃а̄йа име чатта̄ро дхамма̄ бха̄ветабба̄’’ти. пат̣хамам̣.

2. саммаппадха̄насуттам̣

275. ‘‘ра̄гасса, бхиккхаве, абхин̃н̃а̄йа чатта̄ро дхамма̄ бха̄ветабба̄. катаме чатта̄ро? идха, бхиккхаве, бхиккху ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати; уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа…пе… ануппанна̄нам̣ кусала̄нам̣ дхамма̄нам̣ уппа̄да̄йа…пе… уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. ра̄гасса, бхиккхаве, абхин̃н̃а̄йа име чатта̄ро дхамма̄ бха̄ветабба̄’’ти. дутийам̣.

3. иддхипа̄дасуттам̣

276. ‘‘ра̄гасса, бхиккхаве, абхин̃н̃а̄йа чатта̄ро дхамма̄ бха̄ветабба̄. катаме чатта̄ро? идха, бхиккхаве, бхиккху чхандасама̄дхипадха̄насан̇кха̄расаманна̄гатам̣ иддхипа̄дам̣ бха̄вети; вӣрийасама̄дхи…пе… читтасама̄дхи…пе… вӣмам̣са̄сама̄дхипадха̄насан̇кха̄расаманна̄гатам̣ иддхипа̄дам̣ бха̄вети. ра̄гасса, бхиккхаве, абхин̃н̃а̄йа име чатта̄ро дхамма̄ бха̄ветабба̄’’ти. татийам̣.

4-30. парин̃н̃а̄дисутта̄ни

277-303. ‘‘ра̄гасса, бхиккхаве, парин̃н̃а̄йа…пе… париккхайа̄йа… паха̄на̄йа… кхайа̄йа … вайа̄йа… вира̄га̄йа… ниродха̄йа… ча̄га̄йа… пат̣иниссагга̄йа чатта̄ро дхамма̄ бха̄ветабба̄…пе…. тим̣сатимам̣.

31-510. досаабхин̃н̃а̄дисутта̄ни

304-783. ‘‘досасса…пе… мохасса… кодхасса… упана̄хасса… маккхасса… пал̣а̄сасса… исса̄йа… маччхарийасса… ма̄йа̄йа… са̄т̣хеййасса… тхамбхасса… са̄рамбхасса… ма̄насса… атима̄насса… мадасса… пама̄дасса абхин̃н̃а̄йа… парин̃н̃а̄йа… париккхайа̄йа… паха̄на̄йа… кхайа̄йа… вайа̄йа… вира̄га̄йа… ниродха̄йа… ча̄га̄йа… пат̣иниссагга̄йа име чатта̄ро дхамма̄ бха̄ветабба̄’’ти. дасуттарапан̃часатимам̣.

ра̄гапеййа̄лам̣ нит̣т̣хитам̣.