10. дуссӣласуттам̣

220. ‘‘чатӯхи, бхиккхаве, дхаммехи саманна̄гато йатха̄бхатам̣ никкхитто евам̣ нирайе. катамехи чатӯхи? ассаддхо хоти, дуссӣло хоти, кусӣто хоти, дуппан̃н̃о хоти – имехи кхо, бхиккхаве, чатӯхи дхаммехи саманна̄гато йатха̄бхатам̣ никкхитто евам̣ нирайе.

‘‘чатӯхи, бхиккхаве, дхаммехи саманна̄гато йатха̄бхатам̣ никкхитто евам̣ сагге. катамехи чатӯхи? саддхо хоти, сӣлава̄ хоти, а̄раддхавӣрийо хоти, пан̃н̃ава̄ хоти – имехи кхо, бхиккхаве, чатӯхи дхаммехи саманна̄гато йатха̄бхатам̣ никкхитто евам̣ сагге’’ти. дасамам̣.

париса̄вагго [собханавагго (сӣ. сйа̄. кам̣. пӣ.)] дутийо.