3. винайапеййа̄лам̣

201. ‘‘двеме, бхиккхаве, аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. катаме две? сан̇гхасут̣т̣хута̄йа сан̇гхапха̄сута̄йа… думман̇кӯнам̣ пуггала̄нам̣ ниггаха̄йа, песала̄нам̣ бхиккхӯнам̣ пха̄сувиха̄ра̄йа… дит̣т̣хадхаммика̄нам̣ а̄сава̄нам̣ сам̣вара̄йа, сампара̄йика̄нам̣ а̄сава̄нам̣ пат̣игха̄та̄йа… дит̣т̣хадхаммика̄нам̣ вера̄нам̣ сам̣вара̄йа, сампара̄йика̄нам̣ вера̄нам̣ пат̣игха̄та̄йа… дит̣т̣хадхаммика̄нам̣ ваджджа̄нам̣ сам̣вара̄йа, сампара̄йика̄нам̣ ваджджа̄нам̣ пат̣игха̄та̄йа… дит̣т̣хадхаммика̄нам̣ бхайа̄нам̣ сам̣вара̄йа, сампара̄йика̄нам̣ бхайа̄нам̣ пат̣игха̄та̄йа… дит̣т̣хадхаммика̄нам̣ акусала̄нам̣ дхамма̄нам̣ сам̣вара̄йа, сампара̄йика̄нам̣ акусала̄нам̣ дхамма̄нам̣ пат̣игха̄та̄йа… гихӣнам̣ анукампа̄йа, па̄пиччха̄нам̣ бхиккхӯнам̣ паккхупаччхеда̄йа… аппасанна̄нам̣ паса̄да̄йа, пасанна̄нам̣ бхиййобха̄ва̄йа… саддхаммат̣т̣хитийа̄ винайа̄нуггаха̄йа. име кхо, бхиккхаве, две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃атта’’нти.

202-230. ‘‘двеме, бхиккхаве, аттхавасе пат̣ичча татха̄гатена са̄вака̄нам̣ па̄тимоккхам̣ пан̃н̃аттам̣…пе… па̄тимоккхуддесо пан̃н̃атто… па̄тимоккхат̣т̣хапанам̣ пан̃н̃аттам̣… пава̄ран̣а̄ пан̃н̃атта̄… пава̄ран̣ат̣т̣хапанам̣ пан̃н̃аттам̣… таджджанӣйакаммам̣ пан̃н̃аттам̣… нийассакаммам̣ пан̃н̃аттам̣… пабба̄джанӣйакаммам̣ пан̃н̃аттам̣… пат̣иса̄ран̣ӣйакаммам̣ пан̃н̃аттам̣… уккхепанӣйакаммам̣ пан̃н̃аттам̣… парива̄сада̄нам̣ пан̃н̃аттам̣… мӯла̄йа пат̣икассанам̣ пан̃н̃аттам̣… ма̄наттада̄нам̣ пан̃н̃аттам̣… аббха̄нам̣ пан̃н̃аттам̣… оса̄ран̣ӣйам̣ пан̃н̃аттам̣… нисса̄ран̣ӣйам̣ пан̃н̃аттам̣… упасампада̄ пан̃н̃атта̄… н̃аттикаммам̣ пан̃н̃аттам̣… н̃аттидутийакаммам̣ пан̃н̃аттам̣… н̃аттичатуттхакаммам̣ пан̃н̃аттам̣… апан̃н̃атте пан̃н̃аттам̣… пан̃н̃атте анупан̃н̃аттам̣… саммукха̄винайо пан̃н̃атто… сативинайо пан̃н̃атто… амӯл̣хавинайо пан̃н̃атто… пат̣ин̃н̃а̄такаран̣ам̣ пан̃н̃аттам̣… йебхуййасика̄ пан̃н̃атта̄… тассапа̄пийасика̄ пан̃н̃атта̄… тин̣аваттха̄рако пан̃н̃атто. катаме две? сан̇гхасут̣т̣хута̄йа, сан̇гхапха̄сута̄йа… думман̇кӯнам̣ пуггала̄нам̣ ниггаха̄йа, песала̄нам̣ бхиккхӯнам̣ пха̄сувиха̄ра̄йа… дит̣т̣хадхаммика̄нам̣ а̄сава̄нам̣ сам̣вара̄йа, сампара̄йика̄нам̣ а̄сава̄нам̣ пат̣игха̄та̄йа… дит̣т̣хадхаммика̄нам̣ вера̄нам̣ сам̣вара̄йа, сампара̄йика̄нам̣ вера̄нам̣ пат̣игха̄та̄йа… дит̣т̣хадхаммика̄нам̣ ваджджа̄нам̣ сам̣вара̄йа, сампара̄йика̄нам̣ ваджджа̄нам̣ пат̣игха̄та̄йа… дит̣т̣хадхаммика̄нам̣ бхайа̄нам̣ сам̣вара̄йа, сампара̄йика̄нам̣ бхайа̄нам̣ пат̣игха̄та̄йа… дит̣т̣хадхаммика̄нам̣ акусала̄нам̣ дхамма̄нам̣ сам̣вара̄йа, сампара̄йика̄нам̣ акусала̄нам̣ дхамма̄нам̣ пат̣игха̄та̄йа… гихӣнам̣ анукампа̄йа, па̄пиччха̄нам̣ бхиккхӯнам̣ паккхупаччхеда̄йа… аппасанна̄нам̣ паса̄да̄йа, пасанна̄нам̣ бхиййобха̄ва̄йа… саддхаммат̣т̣хитийа̄, винайа̄нуггаха̄йа. име кхо, бхиккхаве, две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто’’ти.

винайапеййа̄лам̣ нит̣т̣хитам̣.