3. татийапан̣н̣а̄сакам̣

(11) 1. а̄са̄дуппаджахавагго

119. ‘‘двема̄, бхиккхаве, а̄са̄ дуппаджаха̄. катама̄ две? ла̄бха̄са̄ ча джӣвита̄са̄ ча. има̄ кхо, бхиккхаве, две а̄са̄ дуппаджаха̄’’ти.

120. ‘‘двеме, бхиккхаве, пуггала̄ дуллабха̄ локасмим̣. катаме две? йо ча пуббака̄рӣ, йо ча катан̃н̃ӯ катаведӣ. име кхо, бхиккхаве, две пуггала̄ дуллабха̄ локасми’’нти.

121. ‘‘двеме, бхиккхаве, пуггала̄ дуллабха̄ локасмим̣. катаме две? титто ча таппета̄ ча. име кхо, бхиккхаве, две пуггала̄ дуллабха̄ локасми’’нти.

122. ‘‘двеме, бхиккхаве, пуггала̄ дуттаппайа̄. катаме две? йо ча ладдхам̣ ладдхам̣ никкхипати, йо ча ладдхам̣ ладдхам̣ виссаджджети. име кхо, бхиккхаве, две пуггала̄ дуттаппайа̄’’ти.

123. ‘‘двеме, бхиккхаве, пуггала̄ сутаппайа̄. катаме две? йо ча ладдхам̣ ладдхам̣ на никкхипати, йо ча ладдхам̣ ладдхам̣ на виссаджджети. име кхо, бхиккхаве, две пуггала̄ сутаппайа̄’’ти.

124. ‘‘двеме, бхиккхаве, паччайа̄ ра̄гасса уппа̄да̄йа. катаме две? субханимиттан̃ча айонисо ча манасика̄ро. име кхо, бхиккхаве, две паччайа̄ ра̄гасса уппа̄да̄йа̄’’ти.

125. ‘‘двеме, бхиккхаве, паччайа̄ досасса уппа̄да̄йа. катаме две? пат̣игханимиттан̃ча айонисо ча манасика̄ро. име кхо, бхиккхаве, две паччайа̄ досасса уппа̄да̄йа̄’’ти.

126. ‘‘двеме, бхиккхаве, паччайа̄ миччха̄дит̣т̣хийа̄ уппа̄да̄йа. катаме две? парато ча гхосо айонисо ча манасика̄ро. име кхо, бхиккхаве, две паччайа̄ миччха̄дит̣т̣хийа̄ уппа̄да̄йа̄’’ти.

127. ‘‘двеме, бхиккхаве, паччайа̄ самма̄дит̣т̣хийа̄ уппа̄да̄йа. катаме две? парато ча гхосо, йонисо ча манасика̄ро. име кхо, бхиккхаве, две паччайа̄ самма̄дит̣т̣хийа̄ уппа̄да̄йа̄’’ти.

128. ‘‘двема̄, бхиккхаве, а̄паттийо. катама̄ две? лахука̄ ча а̄патти, гарука̄ ча а̄патти. има̄ кхо, бхиккхаве, две а̄паттийо’’ти.

129. ‘‘двема̄, бхиккхаве, а̄паттийо. катама̄ две? дут̣т̣хулла̄ ча а̄патти, адут̣т̣хулла̄ ча а̄патти. има̄ кхо, бхиккхаве, две а̄паттийо’’ти.

130. ‘‘двема̄, бхиккхаве, а̄паттийо. катама̄ две? са̄васеса̄ ча а̄патти, анавасеса̄ ча а̄патти. има̄ кхо, бхиккхаве, две а̄паттийо’’ти.

а̄са̄дуппаджахавагго пат̣хамо.

(12) 2. а̄йа̄чанавагго

131. ‘‘саддхо, бхиккхаве, бхиккху евам̣ самма̄ а̄йа̄чама̄но а̄йа̄чеййа – ‘та̄дисо хоми йа̄диса̄ са̄рипуттамоггалла̄на̄’ти. еса̄, бхиккхаве, тула̄ етам̣ пама̄н̣ам̣ мама са̄вака̄нам̣ бхиккхӯнам̣ йадидам̣ са̄рипуттамоггалла̄на̄’’ти.

132. ‘‘саддха̄, бхиккхаве, бхиккхунӣ евам̣ самма̄ а̄йа̄чама̄на̄ а̄йа̄чеййа – ‘та̄дисӣ хоми йа̄дисӣ кхема̄ ча бхиккхунӣ уппалаван̣н̣а̄ ча̄’ти. еса̄, бхиккхаве, тула̄ етам̣ пама̄н̣ам̣ мама са̄вика̄нам̣ бхиккхунӣнам̣ йадидам̣ кхема̄ ча бхиккхунӣ уппалаван̣н̣а̄ ча̄’’ти.

133. ‘‘саддхо, бхиккхаве, упа̄сако евам̣ самма̄ а̄йа̄чама̄но а̄йа̄чеййа – ‘та̄дисо хоми йа̄дисо читто ча гахапати хаттхако ча а̄л̣авако’ти. еса̄, бхиккхаве, тула̄ етам̣ пама̄н̣ам̣ мама са̄вака̄нам̣ упа̄сака̄нам̣ йадидам̣ читто ча гахапати хаттхако ча а̄л̣авако’’ти.

134. ‘‘саддха̄, бхиккхаве, упа̄сика̄ евам̣ самма̄ а̄йа̄чама̄на̄ а̄йа̄чеййа – ‘та̄дисӣ хоми йа̄дисӣ кхуджджуттара̄ ча упа̄сика̄ вел̣укан̣д̣акийа̄ [вел̣укан̣д̣акӣ (а. ни. 6.37; а. ни. 4.176 а̄гатам̣] ча нандама̄та̄’ти. еса̄, бхиккхаве, тула̄ етам̣ пама̄н̣ам̣ мама са̄вика̄нам̣ упа̄сика̄нам̣ йадидам̣ кхуджджуттара̄ ча упа̄сика̄ вел̣укан̣д̣акийа̄ ча нандама̄та̄’’ти.

135. ‘‘двӣхи, бхиккхаве, дхаммехи саманна̄гато ба̄ло абйатто асаппурисо кхатам̣ упахатам̣ атта̄нам̣ парихарати, са̄ваджджо ча хоти са̄нуваджджо ча вин̃н̃ӯнам̣, бахун̃ча апун̃н̃ам̣ пасавати. катамехи двӣхи? ананувичча апарийога̄хетва̄ аван̣н̣а̄рахасса ван̣н̣ам̣ бха̄сати, ананувичча апарийога̄хетва̄ ван̣н̣а̄рахасса аван̣н̣ам̣ бха̄сати. имехи кхо, бхиккхаве, двӣхи дхаммехи саманна̄гато ба̄ло абйатто асаппурисо кхатам̣ упахатам̣ атта̄нам̣ парихарати, са̄ваджджо ча хоти са̄нуваджджо ча вин̃н̃ӯнам̣, бахун̃ча апун̃н̃ам̣ пасаватӣти.

‘‘двӣхи, бхиккхаве, дхаммехи саманна̄гато пан̣д̣ито вийатто саппурисо аккхатам̣ анупахатам̣ атта̄нам̣ парихарати, анаваджджо ча хоти анануваджджо ча вин̃н̃ӯнам̣, бахун̃ча пун̃н̃ам̣ пасавати. катамехи двӣхи? анувичча парийога̄хетва̄ аван̣н̣а̄рахасса аван̣н̣ам̣ бха̄сати, анувичча парийога̄хетва̄ ван̣н̣а̄рахасса ван̣н̣ам̣ бха̄сати. имехи кхо, бхиккхаве, двӣхи дхаммехи саманна̄гато пан̣д̣ито вийатто саппурисо аккхатам̣ анупахатам̣ атта̄нам̣ парихарати, анаваджджо ча хоти анануваджджо ча вин̃н̃ӯнам̣, бахун̃ча пун̃н̃ам̣ пасаватӣ’’ти.

136. ‘‘двӣхи, бхиккхаве, дхаммехи саманна̄гато ба̄ло абйатто асаппурисо кхатам̣ упахатам̣ атта̄нам̣ парихарати, са̄ваджджо ча хоти са̄нуваджджо ча вин̃н̃ӯнам̣, бахун̃ча апун̃н̃ам̣ пасавати. катамехи двӣхи? ананувичча апарийога̄хетва̄ аппаса̄данӣйе т̣ха̄не паса̄дам̣ упадам̣сети, ананувичча апарийога̄хетва̄ паса̄данӣйе т̣ха̄не аппаса̄дам̣ упадам̣сети. имехи кхо, бхиккхаве, двӣхи дхаммехи саманна̄гато ба̄ло абйатто асаппурисо кхатам̣ упахатам̣ атта̄нам̣ парихарати, са̄ваджджо ча хоти са̄нуваджджо ча вин̃н̃ӯнам̣, бахун̃ча апун̃н̃ам̣ пасаватӣти.

‘‘двӣхи, бхиккхаве, дхаммехи саманна̄гато пан̣д̣ито вийатто саппурисо аккхатам̣ анупахатам̣ атта̄нам̣ парихарати, анаваджджо ча хоти анануваджджо ча вин̃н̃ӯнам̣, бахун̃ча пун̃н̃ам̣ пасавати. катамехи двӣхи? анувичча парийога̄хетва̄ аппаса̄данӣйе т̣ха̄не аппаса̄дам̣ упадам̣сети, анувичча парийога̄хетва̄ паса̄данӣйе т̣ха̄не паса̄дам̣ упадам̣сети. имехи кхо, бхиккхаве, двӣхи дхаммехи саманна̄гато пан̣д̣ито вийатто саппурисо аккхатам̣ анупахатам̣ атта̄нам̣ парихарати, анаваджджо ча хоти анануваджджо ча вин̃н̃ӯнам̣, бахун̃ча пун̃н̃ам̣ пасаватӣ’’ти.

137. ‘‘двӣсу, бхиккхаве, миччха̄пат̣ипаджджама̄но ба̄ло абйатто асаппурисо кхатам̣ упахатам̣ атта̄нам̣ парихарати, са̄ваджджо ча хоти са̄нуваджджо ча вин̃н̃ӯнам̣, бахун̃ча апун̃н̃ам̣ пасавати. катамесу двӣсу? ма̄тари ча питари ча. имесу кхо, бхиккхаве, двӣсу миччха̄пат̣ипаджджама̄но ба̄ло абйатто асаппурисо кхатам̣ упахатам̣ атта̄нам̣ парихарати, са̄ваджджо ча хоти са̄нуваджджо ча вин̃н̃ӯнам̣, бахун̃ча апун̃н̃ам̣ пасаватӣти.

‘‘двӣсу, бхиккхаве, самма̄пат̣ипаджджама̄но пан̣д̣ито вийатто саппурисо аккхатам̣ анупахатам̣ атта̄нам̣ парихарати, анаваджджо ча хоти анануваджджо ча вин̃н̃ӯнам̣, бахун̃ча пун̃н̃ам̣ пасавати. катамесу двӣсу? ма̄тари ча питари ча. имесу кхо, бхиккхаве, двӣсу самма̄пат̣ипаджджама̄но пан̣д̣ито вийатто саппурисо аккхатам̣ анупахатам̣ атта̄нам̣ парихарати, анаваджджо ча хоти анануваджджо ча вин̃н̃ӯнам̣, бахун̃ча пун̃н̃ам̣ пасаватӣ’’ти.

138. ‘‘двӣсу, бхиккхаве, миччха̄пат̣ипаджджама̄но ба̄ло абйатто асаппурисо кхатам̣ упахатам̣ атта̄нам̣ парихарати, са̄ваджджо ча хоти са̄нуваджджо ча вин̃н̃ӯнам̣, бахун̃ча апун̃н̃ам̣ пасавати. катамесу двӣсу? татха̄гате ча татха̄гатаса̄ваке ча. имесу кхо, бхиккхаве, миччха̄пат̣ипаджджама̄но ба̄ло абйатто асаппурисо кхатам̣ упахатам̣ атта̄нам̣ парихарати, са̄ваджджо ча хоти са̄нуваджджо ча вин̃н̃ӯнам̣, бахун̃ча апун̃н̃ам̣ пасаватӣти.

‘‘двӣсу, бхиккхаве, самма̄пат̣ипаджджама̄но пан̣д̣ито вийатто саппурисо аккхатам̣ анупахатам̣ атта̄нам̣ парихарати, анаваджджо ча хоти анануваджджо ча вин̃н̃ӯнам̣, бахун̃ча пун̃н̃ам̣ пасавати. катамесу двӣсу? татха̄гате ча татха̄гатаса̄ваке ча. имесу кхо, бхиккхаве, двӣсу самма̄пат̣ипаджджама̄но пан̣д̣ито вийатто саппурисо аккхатам̣ анупахатам̣ атта̄нам̣ парихарати, анаваджджо ча хоти анануваджджо ча вин̃н̃ӯнам̣, бахун̃ча пун̃н̃ам̣ пасаватӣ’’ти.

139. ‘‘двеме, бхиккхаве, дхамма̄. катаме две? сачиттавода̄нан̃ча на ча кин̃чи локе упа̄дийати. име кхо, бхиккхаве, две дхамма̄’’ти.

140. ‘‘двеме, бхиккхаве, дхамма̄. катаме две? кодхо ча упана̄хо ча. име кхо, бхиккхаве, две дхамма̄’’ти.

141. ‘‘двеме, бхиккхаве, дхамма̄. катаме две? кодхавинайо ча упана̄хавинайо ча. име кхо, бхиккхаве, две дхамма̄’’ти.

а̄йа̄чанавагго дутийо.

(13) 3. да̄навагго

142. ‘‘двема̄ни, бхиккхаве, да̄на̄ни. катама̄ни две? а̄мисада̄нан̃ча дхаммада̄нан̃ча. има̄ни кхо, бхиккхаве, две да̄на̄ни. етадаггам̣, бхиккхаве, имесам̣ двиннам̣ да̄на̄нам̣ йадидам̣ дхаммада̄на’’нти.

143. ‘‘двеме, бхиккхаве, йа̄га̄. катаме две? а̄мисайа̄го ча дхаммайа̄го ча. име кхо, бхиккхаве, две йа̄га̄. етадаггам̣, бхиккхаве, имесам̣ двиннам̣ йа̄га̄нам̣ йадидам̣ дхаммайа̄го’’ти.

144. ‘‘двеме, бхиккхаве, ча̄га̄. катаме две? а̄мисача̄го ча дхаммача̄го ча. име кхо, бхиккхаве, две ча̄га̄. етадаггам̣, бхиккхаве, имесам̣ двиннам̣ ча̄га̄нам̣ йадидам̣ дхаммача̄го’’ти.

145. ‘‘двеме, бхиккхаве, паричча̄га̄. катаме две? а̄мисапаричча̄го ча дхаммапаричча̄го ча. име кхо, бхиккхаве, две паричча̄га̄. етадаггам̣, бхиккхаве, имесам̣ двиннам̣ паричча̄га̄нам̣ йадидам̣ дхаммапаричча̄го’’ти.

146. ‘‘двеме, бхиккхаве, бхога̄. катаме две? а̄мисабхого ча дхаммабхого ча. име кхо, бхиккхаве, две бхога̄. етадаггам̣, бхиккхаве, имесам̣ двиннам̣ бхога̄нам̣ йадидам̣ дхаммабхого’’ти.

147. ‘‘двеме, бхиккхаве, самбхога̄. катаме две? а̄мисасамбхого ча дхаммасамбхого ча. име кхо, бхиккхаве, две самбхога̄. етадаггам̣, бхиккхаве, имесам̣ двиннам̣ самбхога̄нам̣ йадидам̣ дхаммасамбхого’’ти.

148. ‘‘двеме, бхиккхаве, сам̣вибха̄га̄. катаме две? а̄мисасам̣вибха̄го ча дхаммасам̣вибха̄го ча. име кхо, бхиккхаве, две сам̣вибха̄га̄. етадаггам̣, бхиккхаве, имесам̣ двиннам̣ сам̣вибха̄га̄нам̣ йадидам̣ дхаммасам̣вибха̄го’’ти.

149. ‘‘двеме, бхиккхаве, сан̇гаха̄. катаме две? а̄мисасан̇гахо ча дхаммасан̇гахо ча. име кхо, бхиккхаве, две сан̇гаха̄. етадаггам̣, бхиккхаве, имесам̣ двиннам̣ сан̇гаха̄нам̣ йадидам̣ дхаммасан̇гахо’’ти.

150. ‘‘двеме, бхиккхаве, ануггаха̄. катаме две? а̄миса̄нуггахо ча дхамма̄нуггахо ча. име кхо, бхиккхаве, две ануггаха̄. етадаггам̣, бхиккхаве, имесам̣ двиннам̣ ануггаха̄нам̣ йадидам̣ дхамма̄нуггахо’’ти.

151. ‘‘двема̄, бхиккхаве, анукампа̄. катама̄ две? а̄миса̄нукампа̄ ча дхамма̄нукампа̄ ча. има̄ кхо, бхиккхаве, две анукампа̄. етадаггам̣, бхиккхаве, има̄сам̣ двиннам̣ анукампа̄нам̣ йадидам̣ дхамма̄нукампа̄’’ти.

да̄навагго татийо.

(14) 4. сантха̄равагго

152. ‘‘двеме, бхиккхаве, сантха̄ра̄ [сандха̄ра̄ (ка.)]. катаме две? а̄мисасантха̄ро ча дхаммасантха̄ро ча. име кхо, бхиккхаве, две сантха̄ра̄. етадаггам̣, бхиккхаве, имесам̣ двиннам̣ сантха̄ра̄нам̣ йадидам̣ дхаммасантха̄ро’’ти.

153. ‘‘двеме, бхиккхаве, пат̣исантха̄ра̄ [пат̣исандха̄ра̄ (ка.)]. катаме две? а̄мисапат̣исантха̄ро ча дхаммапат̣исантха̄ро ча. име кхо, бхиккхаве, две пат̣исантха̄ра̄. етадаггам̣, бхиккхаве, имесам̣ двиннам̣ пат̣исантха̄ра̄нам̣ йадидам̣ дхаммапат̣исантха̄ро’’ти.

154. ‘‘двема̄, бхиккхаве, есана̄. катама̄ две? а̄мисесана̄ ча дхаммесана̄ ча. има̄ кхо, бхиккхаве, две есана̄. етадаггам̣, бхиккхаве, има̄сам̣ двиннам̣ есана̄нам̣ йадидам̣ дхаммесана̄’’ти.

155. ‘‘двема̄, бхиккхаве, парийесана̄. катама̄ две? а̄мисапарийесана̄ ча дхаммапарийесана̄ ча. има̄ кхо, бхиккхаве, две парийесана̄. етадаггам̣, бхиккхаве, има̄сам̣ двиннам̣ парийесана̄нам̣ йадидам̣ дхаммапарийесана̄’’ти.

156. ‘‘двема̄, бхиккхаве, парийет̣т̣хийо. катама̄ две? а̄мисапарийет̣т̣хи ча дхаммапарийет̣т̣хи ча. има̄ кхо, бхиккхаве, две парийет̣т̣хийо. етадаггам̣, бхиккхаве, има̄сам̣ двиннам̣ парийет̣т̣хӣнам̣ йадидам̣ дхаммапарийет̣т̣хӣ’’ти.

157. ‘‘двема̄, бхиккхаве, пӯджа̄. катама̄ две? а̄мисапӯджа̄ ча дхаммапӯджа̄ ча. има̄ кхо бхиккхаве, две пӯджа̄. етадаггам̣, бхиккхаве, има̄сам̣ двиннам̣ пӯджа̄нам̣ йадидам̣ дхаммапӯджа̄’’ти.

158. ‘‘двема̄ни, бхиккхаве, а̄титхеййа̄ни. катама̄ни две? а̄миса̄титхеййан̃ча дхамма̄титхеййан̃ча. има̄ни кхо, бхиккхаве, две а̄титхеййа̄ни. етадаггам̣, бхиккхаве, имесам̣ двиннам̣ а̄титхеййа̄нам̣ йадидам̣ дхамма̄титхеййа’’нти.

159. ‘‘двема̄, бхиккхаве, иддхийо. катама̄ две? а̄мисиддхи ча дхаммиддхи ча. има̄ кхо, бхиккхаве, две иддхийо. етадаггам̣, бхиккхаве, има̄сам̣ двиннам̣ иддхӣнам̣ йадидам̣ дхаммиддхӣ’’ти.

160. ‘‘двема̄, бхиккхаве, вуддхийо. катама̄ две? а̄мисавуддхи ча дхаммавуддхи ча. има̄ кхо, бхиккхаве, две вуддхийо. етадаггам̣, бхиккхаве, има̄сам̣ двиннам̣ вуддхӣнам̣ йадидам̣ дхаммавуддхӣ’’ти.

161. ‘‘двема̄ни, бхиккхаве, ратана̄ни. катама̄ни две? а̄мисаратанан̃ча дхаммаратанан̃ча. има̄ни кхо, бхиккхаве, две ратана̄ни. етадаггам̣, бхиккхаве, имесам̣ двиннам̣ ратана̄нам̣ йадидам̣ дхаммаратана’’нти.

162. ‘‘двеме, бхиккхаве, санничайа̄. катаме две? а̄мисасанничайо ча дхаммасанничайо ча. име кхо, бхиккхаве, две санничайа̄. етадаггам̣, бхиккхаве, имесам̣ двиннам̣ санничайа̄нам̣ йадидам̣ дхаммасанничайо’’ти.

163. ‘‘двема̄ни, бхиккхаве, вепулла̄ни. катама̄ни две? а̄мисавепуллан̃ча дхаммавепуллан̃ча. има̄ни кхо, бхиккхаве, две вепулла̄ни. етадаггам̣, бхиккхаве, имесам̣ двиннам̣ вепулла̄нам̣ йадидам̣ дхаммавепулла’’нти.

сантха̄равагго чатуттхо.

(15) 5. сама̄паттивагго

164. ‘‘двеме, бхиккхаве, дхамма̄. катаме две? сама̄паттикусалата̄ ча сама̄паттивут̣т̣ха̄накусалата̄ ча. име кхо, бхиккхаве, две дхамма̄’’ти.

165. ‘‘двеме, бхиккхаве, дхамма̄. катаме две? аджджаван̃ча маддаван̃ча. име кхо, бхиккхаве, две дхамма̄’’.

166. ‘‘двеме, бхиккхаве, дхамма̄. катаме две? кханти ча сораччан̃ча. име кхо, бхиккхаве, две дхамма̄’’.

167. ‘‘двеме, бхиккхаве, дхамма̄. катаме две? са̄кхалйан̃ча пат̣исантха̄ро ча. име кхо, бхиккхаве, две дхамма̄’’.

168. ‘двеме, бхиккхаве, дхамма̄. катаме две? авихим̣са̄ ча сочеййан̃ча. име кхо, бхиккхаве, две дхамма̄’’.

169. ‘‘двеме, бхиккхаве, дхамма̄. катаме две? индрийесу агуттадва̄рата̄ ча бходжане аматтан̃н̃ута̄ ча. име кхо, бхиккхаве, две дхамма̄’’.

170. ‘‘двеме, бхиккхаве, дхамма̄. катаме две? индрийесу гуттадва̄рата̄ ча бходжане маттан̃н̃ута̄ ча. име кхо, бхиккхаве, две дхамма̄’’.

171. ‘‘двеме, бхиккхаве, дхамма̄. катаме две? пат̣исан̇кха̄набалан̃ча бха̄вана̄балан̃ча. име кхо, бхиккхаве, две дхамма̄’’.

172. ‘‘двеме, бхиккхаве, дхамма̄. катаме две? сатибалан̃ча сама̄дхибалан̃ча. име кхо, бхиккхаве, две дхамма̄’’.

173. ‘‘двеме, бхиккхаве, дхамма̄. катаме две? саматхо ча випассана̄ ча. име кхо, бхиккхаве, две дхамма̄’’.

174. ‘‘двеме, бхиккхаве, дхамма̄. катаме две? сӣлавипатти ча дит̣т̣хивипатти ча. име кхо, бхиккхаве, две дхамма̄’’.

175. ‘‘двеме, бхиккхаве, дхамма̄. катаме две? сӣласампада̄ ча дит̣т̣хисампада̄ ча. име кхо, бхиккхаве, две дхамма̄’’.

176. ‘‘двеме, бхиккхаве, дхамма̄. катаме две? сӣлависуддхи ча дит̣т̣хивисуддхи ча. име кхо, бхиккхаве, две дхамма̄’’.

177. ‘‘двеме, бхиккхаве, дхамма̄. катаме две? дит̣т̣хивисуддхи ча йатха̄дит̣т̣хисса ча падха̄нам̣. име кхо, бхиккхаве, две дхамма̄’’.

178. ‘‘двеме, бхиккхаве, дхамма̄. катаме две? асантут̣т̣хита̄ ча кусалесу дхаммесу, аппат̣ива̄нита̄ ча падха̄насмим̣. име кхо, бхиккхаве, две дхамма̄’’.

179. ‘‘двеме, бхиккхаве, дхамма̄. катаме две? мут̣т̣хассаччан̃ча асампаджан̃н̃ан̃ча. име кхо, бхиккхаве, две дхамма̄’’.

180. ‘‘двеме, бхиккхаве, дхамма̄. катаме две? сати ча сампаджан̃н̃ан̃ча. име кхо, бхиккхаве, две дхамма̄’’ти.

сама̄паттивагго пан̃чамо.

татийо пан̣н̣а̄сако саматто.