𑄷𑄶. đ‘„šđ‘„šđ‘„Žđ‘„˜đ‘„‡đ‘„Łđ‘„šđ‘„Œđ‘„Žđ‘„đ‘„€đ‘„šđ‘„„đ‘„Ș𑄖𑄮𑄖𑄁

đ‘„·đ‘„¶đ‘„žđ‘„Œ. 𑄆𑄇𑄁 đ‘„„đ‘„Ÿđ‘„Ąđ‘„ 𑄞𑄉𑄀𑄧 𑄀𑄏𑄄𑄧𑄣𑄚𑄥𑄁 𑄀𑄚𑄊𑄹𑄖𑄚 đ‘„Ÿđ‘„Šđ‘„§đ‘„€đ‘„šđ‘„Ź 𑄇𑄫𑄑𑄧𑄉𑄧𑄹𑄄𑄧𑄣𑄧𑄥𑄁. 𑄃𑄗 𑄈𑄼 𑄚𑄚𑄮𑄘𑄇𑄼 đ‘„Łđ‘„šđ‘„Œđ‘„Žđ‘„đ‘„€đ‘„šđ‘„Ÿđ‘„Šđ‘„§đ‘„Ÿđ‘„–đ‘„Žđ‘„–đ‘„ź 𑄡𑄬𑄚 𑄞𑄉𑄀𑄧 𑄖𑄬𑄚đ‘„Șđ‘„›đ‘„„đ‘„‹đ‘„Žđ‘„‡đ‘„Ÿđ‘„š; đ‘„…đ‘„›đ‘„„đ‘„‹đ‘„Žđ‘„‡đ‘„Ÿđ‘„šđ‘„–đ‘„Žđ‘„€đ‘„§ 𑄞𑄉𑄀𑄚𑄎𑄖𑄁 đ‘„ƒđ‘„žđ‘„šđ‘„€đ‘„§đ‘„˜đ‘„Źđ‘„–đ‘„Žđ‘„€đ‘„§ 𑄆𑄇𑄟𑄚𑄮𑄖𑄁 đ‘„šđ‘„šđ‘„„đ‘„©đ‘„˜đ‘„š. 𑄆𑄇𑄟𑄚𑄮𑄖𑄁 𑄚𑄚𑄄𑄚𑄚𑄎𑄚𑄁 𑄈𑄼 𑄚𑄚𑄮𑄘𑄇𑄁 đ‘„Łđ‘„šđ‘„Œđ‘„Žđ‘„đ‘„€đ‘„šđ‘„Ÿđ‘„Šđ‘„§đ‘„Ÿđ‘„–đ‘„Žđ‘„–đ‘„ 𑄞𑄉𑄀𑄧 đ‘„†đ‘„–đ‘„˜đ‘„€đ‘„źđ‘„Œ –

â€˜â€˜đ‘„Œđ‘„–đ‘„«đ‘„Šđ‘„š 𑄈𑄼, 𑄚𑄚𑄮𑄘𑄇, 𑄙𑄟𑄮𑄟𑄬𑄩𑄹 đ‘„„đ‘„Ÿđ‘„šđ‘„Žđ‘„šđ‘„§đ‘„‰đ‘„–đ‘„ź đ‘„ƒđ‘„ąđ‘„šđ‘„Ąđ‘„„đ‘„§đ‘„€đ‘„‡đ‘„ź 𑄄𑄟𑄖𑄧𑄛𑄚𑄎𑄚𑄟 𑄩𑄼𑄖𑄹 đ‘„ƒđ‘„€đ‘„šđ‘„šđ‘„šđ‘„›đ‘„§đ‘„–đ‘„™đ‘„Ÿđ‘„Žđ‘„Ÿđ‘„ź 𑄚𑄹𑄡𑄖𑄼 đ‘„„đ‘„Ÿđ‘„Žđ‘„đ‘„źđ‘„™đ‘„šđ‘„›đ‘„ąđ‘„§đ‘„Ąđ‘„•đ‘„ź. 𑄇𑄖𑄟𑄬𑄩𑄹 đ‘„Œđ‘„–đ‘„«đ‘„Šđ‘„š? 𑄄𑄙, 𑄚𑄚𑄮𑄘𑄇, đ‘„ƒđ‘„ąđ‘„šđ‘„Ąđ‘„„đ‘„§đ‘„€đ‘„‡đ‘„ź 𑄝đ‘„Ș𑄘𑄮𑄙𑄬 đ‘„ƒđ‘„€đ‘„Źđ‘„Œđ‘„Žđ‘„Œđ‘„›đ‘„Žđ‘„›đ‘„„đ‘„§đ‘„˜đ‘„Źđ‘„š đ‘„„đ‘„Ÿđ‘„šđ‘„Žđ‘„šđ‘„§đ‘„‰đ‘„–đ‘„ź 𑄩𑄼𑄖𑄹 – 𑄄𑄖𑄹𑄛𑄹 đ‘„„đ‘„ź 𑄞𑄉𑄀𑄧 𑄛𑄏  𑄄𑄖𑄎𑄗𑄧 đ‘„˜đ‘„Źđ‘„€đ‘„Ÿđ‘„šđ‘„Ș𑄄𑄎𑄄𑄧𑄚𑄁 𑄝đ‘„Ș𑄘𑄮𑄙𑄼 𑄞𑄉𑄀𑄧𑄖𑄚. 𑄙𑄟𑄮𑄟𑄬
𑄛𑄬
 𑄄𑄋𑄎𑄊𑄏 𑄛𑄏  𑄃𑄱𑄹𑄡𑄇𑄚𑄮𑄖𑄬𑄩𑄹 đ‘„„đ‘„©đ‘„Łđ‘„Źđ‘„Šđ‘„š đ‘„„đ‘„Ÿđ‘„šđ‘„Žđ‘„šđ‘„§đ‘„‰đ‘„–đ‘„ź 𑄩𑄼𑄖𑄹 𑄃𑄈𑄕𑄮𑄓𑄬𑄩𑄹
𑄛𑄬
 đ‘„„đ‘„Ÿđ‘„§đ‘„™đ‘„šđ‘„„đ‘„đ‘„€đ‘„–đ‘„Žđ‘„–đ‘„šđ‘„šđ‘„‡đ‘„Źđ‘„Šđ‘„š. 𑄄𑄟𑄬𑄩𑄹 𑄈𑄼, 𑄚𑄚𑄮𑄘𑄇, đ‘„Œđ‘„–đ‘„«đ‘„Šđ‘„š 𑄙𑄟𑄮𑄟𑄬𑄩𑄹 đ‘„„đ‘„Ÿđ‘„šđ‘„Žđ‘„šđ‘„§đ‘„‰đ‘„–đ‘„ź đ‘„ƒđ‘„ąđ‘„šđ‘„Ąđ‘„„đ‘„§đ‘„€đ‘„‡đ‘„ź 𑄄𑄟𑄖𑄧𑄛𑄚𑄎𑄚𑄟 𑄩𑄼𑄖𑄹 đ‘„ƒđ‘„€đ‘„šđ‘„šđ‘„šđ‘„›đ‘„§đ‘„–đ‘„™đ‘„Ÿđ‘„Žđ‘„Ÿđ‘„ź 𑄚𑄹𑄡𑄖𑄼 đ‘„„đ‘„Ÿđ‘„Žđ‘„đ‘„źđ‘„™đ‘„šđ‘„›đ‘„ąđ‘„§đ‘„Ąđ‘„•đ‘„ź.

‘‘𑄄𑄟𑄬𑄩𑄹 𑄌 𑄛𑄚, 𑄚𑄚𑄮𑄘𑄇, đ‘„Œđ‘„–đ‘„«đ‘„Šđ‘„š 𑄙𑄟𑄮𑄟𑄬𑄩𑄹 đ‘„„đ‘„Ÿđ‘„šđ‘„Žđ‘„šđ‘„§đ‘„‰đ‘„–đ‘„ź đ‘„ƒđ‘„ąđ‘„šđ‘„Ąđ‘„„đ‘„§đ‘„€đ‘„‡đ‘„ź 𑄃𑄂𑄡đ‘„Ș𑄚𑄧 𑄄𑄁𑄥đ‘„Ș𑄖𑄮𑄖𑄼 𑄩𑄼𑄖𑄹 𑄘𑄹𑄝𑄮𑄝𑄬𑄚𑄛𑄹 𑄟𑄧𑄚đ‘„Ș𑄄𑄏𑄚𑄛𑄚; 𑄀𑄕𑄎𑄕𑄏𑄚 𑄄𑄁𑄥đ‘„Ș𑄖𑄮𑄖𑄼 𑄩𑄼𑄖𑄹 𑄘𑄹𑄝𑄮𑄝𑄬𑄚𑄛𑄹 𑄟𑄧𑄚đ‘„Ș𑄄𑄏𑄚𑄛𑄚; đ‘„„đ‘„Ș𑄈𑄬𑄚 𑄄𑄁𑄥đ‘„Ș𑄖𑄮𑄖𑄼 𑄩𑄼𑄖𑄹 𑄘𑄹𑄝𑄮𑄝𑄬𑄚𑄛𑄹 𑄟𑄧𑄚đ‘„Ș𑄄𑄏𑄚𑄛𑄚; đ‘„Ąđ‘„„đ‘„Źđ‘„š 𑄄𑄁𑄥đ‘„Ș𑄖𑄮𑄖𑄼 𑄩𑄼𑄖𑄹 𑄘𑄹𑄝𑄮𑄝𑄬𑄚𑄛𑄹 𑄟𑄧𑄚đ‘„Ș𑄄𑄏𑄚𑄛𑄚; 𑄃𑄂𑄙𑄹𑄛𑄖𑄬𑄡𑄮𑄡𑄬𑄚 𑄄𑄁𑄥đ‘„Ș𑄖𑄮𑄖𑄼 𑄩𑄼𑄖𑄹 𑄘𑄹𑄝𑄮𑄝𑄬𑄚𑄛𑄹 𑄟𑄧𑄚đ‘„Ș𑄄𑄏𑄚𑄛𑄚. 𑄖𑄁 𑄈𑄼 𑄛𑄚𑄧𑄩𑄁, 𑄚𑄚𑄮𑄘𑄇, 𑄚𑄧𑄐𑄎𑄐𑄄𑄎𑄄 đ‘„„đ‘„Ÿđ‘„•đ‘„„đ‘„Žđ‘„„ 𑄀𑄧 đ‘„đ‘„Žđ‘„ąđ‘„§đ‘„Šđ‘„Žđ‘„Ÿđ‘„•đ‘„„đ‘„Žđ‘„„ 𑄀𑄧 đ‘„„đ‘„Ș𑄖𑄎𑄀𑄧 đ‘„€đ‘„˜đ‘„§đ‘„Ÿđ‘„š. 𑄃𑄛𑄹 𑄌 đ‘„Ąđ‘„˜đ‘„Źđ‘„€ 𑄟𑄡𑄧 đ‘„„đ‘„§đ‘„Ÿđ‘„ 𑄐𑄧𑄖𑄁 đ‘„„đ‘„§đ‘„Ÿđ‘„ 𑄘𑄹𑄑𑄮𑄒𑄁 đ‘„„đ‘„§đ‘„Ÿđ‘„ đ‘„€đ‘„šđ‘„˜đ‘„šđ‘„–đ‘„, đ‘„–đ‘„˜đ‘„Źđ‘„€đ‘„§đ‘„Šđ‘„ đ‘„€đ‘„˜đ‘„§đ‘„Ÿđ‘„©â€™â€™đ‘„–đ‘„š.

𑄆𑄀𑄁 đ‘„€đ‘„Ș𑄖𑄮𑄖𑄬 𑄃𑄐𑄮𑄐𑄖𑄱𑄼 𑄛đ‘„Șđ‘„ąđ‘„šđ‘„„đ‘„ź 𑄚𑄚𑄮𑄘𑄇𑄁 đ‘„Łđ‘„šđ‘„Œđ‘„Žđ‘„đ‘„€đ‘„šđ‘„Ÿđ‘„Šđ‘„§đ‘„Ÿđ‘„–đ‘„Žđ‘„–đ‘„ đ‘„†đ‘„–đ‘„˜đ‘„€đ‘„źđ‘„Œ – ‘‘𑄚𑄩𑄧𑄚𑄇𑄧𑄣𑄼, 𑄞𑄚𑄮𑄖𑄬’’𑄖𑄹. ‘‘𑄃𑄣𑄁 𑄘𑄧𑄚𑄹, 𑄞𑄕𑄬, 𑄆𑄖𑄬𑄚 𑄝𑄧𑄩𑄹𑄱𑄬𑄚 𑄚𑄩𑄧𑄚𑄬𑄚. 𑄃𑄣𑄟𑄹𑄘𑄁 𑄃𑄎𑄮𑄏𑄖𑄮𑄖𑄁 𑄚𑄩𑄧𑄚𑄁 𑄞𑄀𑄚𑄄𑄎𑄄𑄖𑄚, 𑄡𑄘𑄹𑄘𑄁 – 𑄞𑄉𑄀𑄖𑄚 đ‘„›đ‘„„đ‘„§đ‘„˜đ‘„źâ€™â€™đ‘„–đ‘„š. đ‘„˜đ‘„„đ‘„Ÿđ‘„.

𑄄𑄹𑄕𑄧𑄚𑄚𑄀𑄉𑄎𑄉𑄟 𑄖𑄖𑄹𑄡𑄼.

đ‘„–đ‘„„đ‘„Žđ‘„„đ‘„Ș𑄘𑄮𑄘𑄧𑄚𑄁 –

𑄟𑄩𑄧𑄚𑄧𑄟𑄬𑄚 đ‘„˜đ‘„Žđ‘„€đ‘„Ź đ‘„€đ‘„Ș𑄖𑄮𑄖𑄧, 𑄉𑄼𑄙𑄧 𑄌 𑄄𑄹𑄕𑄧 𑄘đ‘„Ș𑄀𑄏;

𑄘đ‘„Ș𑄀𑄏 𑄃𑄚𑄧𑄗𑄛𑄹𑄕𑄮𑄓𑄹𑄇𑄧, 𑄘đ‘„Ș𑄀𑄏 𑄀𑄏𑄹𑄞𑄥𑄏𑄚 𑄌;

đ‘„Łđ‘„šđ‘„Œđ‘„Žđ‘„đ‘„€đ‘„© đ‘„˜đ‘„„đ‘„Ÿđ‘„ź đ‘„€đ‘„Ș𑄖𑄮𑄖𑄼, 𑄀𑄉𑄎𑄉𑄟 𑄖𑄬𑄚 𑄛𑄀đ‘„Șđ‘„Œđ‘„Žđ‘„Œđ‘„–đ‘„©đ‘„–đ‘„š.