𑁫. 𑀲𑀫𑀼𑀝𑁆𑀞𑀸𑀦𑀯𑀸𑀭𑁄

𑁨𑁪𑁩. 𑀅𑀯𑀲𑁆𑀲𑀼𑀢𑀸𑀬 𑀪𑀺𑀓𑁆𑀔𑀼𑀦𑀺𑀬𑀸 𑀅𑀯𑀲𑁆𑀲𑀼𑀢𑀲𑁆𑀲 𑀧𑀼𑀭𑀺𑀲𑀧𑀼𑀕𑁆𑀕𑀮𑀲𑁆𑀲 𑀓𑀸𑀬𑀲𑀁𑀲𑀕𑁆𑀕𑀁 𑀲𑀸𑀤𑀺𑀬𑀦𑁆𑀢𑀺𑀬𑀸 𑀆𑀧𑀢𑁆𑀢𑀺𑀬𑁄 𑀙𑀦𑁆𑀦𑀁 𑀆𑀧𑀢𑁆𑀢𑀺𑀲𑀫𑀼𑀝𑁆𑀞𑀸𑀦𑀸𑀦𑀁 𑀓𑀢𑀺𑀳𑀺 𑀲𑀫𑀼𑀝𑁆𑀞𑀸𑀦𑁂𑀳𑀺 𑀲𑀫𑀼𑀝𑁆𑀞𑀦𑁆𑀢𑀺? 𑀅𑀯𑀲𑁆𑀲𑀼𑀢𑀸𑀬 𑀪𑀺𑀓𑁆𑀔𑀼𑀦𑀺𑀬𑀸 𑀅𑀯𑀲𑁆𑀲𑀼𑀢𑀲𑁆𑀲 𑀧𑀼𑀭𑀺𑀲𑀧𑀼𑀕𑁆𑀕𑀮𑀲𑁆𑀲 𑀓𑀸𑀬𑀲𑀁𑀲𑀕𑁆𑀕𑀁 𑀲𑀸𑀤𑀺𑀬𑀦𑁆𑀢𑀺𑀬𑀸 𑀆𑀧𑀢𑁆𑀢𑀺𑀬𑁄 𑀙𑀦𑁆𑀦𑀁 𑀆𑀧𑀢𑁆𑀢𑀺𑀲𑀫𑀼𑀝𑁆𑀞𑀸𑀦𑀸𑀦𑀁 𑀏𑀓𑁂𑀦 𑀲𑀫𑀼𑀝𑁆𑀞𑀸𑀦𑁂𑀦 𑀲𑀫𑀼𑀝𑁆𑀞𑀦𑁆𑀢𑀺 𑁋 𑀓𑀸𑀬𑀢𑁄 𑀘 𑀘𑀺𑀢𑁆𑀢𑀢𑁄 𑀘 𑀲𑀫𑀼𑀝𑁆𑀞𑀦𑁆𑀢𑀺, 𑀦 𑀯𑀸𑀘𑀢𑁄…𑀧𑁂….

𑀤𑀥𑀺𑀁 𑀯𑀺𑀜𑁆𑀜𑀸𑀧𑁂𑀢𑁆𑀯𑀸 𑀪𑀼𑀜𑁆𑀚𑀦𑁆𑀢𑀺𑀬𑀸 𑀆𑀧𑀢𑁆𑀢𑀺𑀬𑁄 𑀙𑀦𑁆𑀦𑀁 𑀆𑀧𑀢𑁆𑀢𑀺𑀲𑀫𑀼𑀝𑁆𑀞𑀸𑀦𑀸𑀦𑀁 𑀓𑀢𑀺𑀳𑀺 𑀲𑀫𑀼𑀝𑁆𑀞𑀸𑀦𑁂𑀳𑀺 𑀲𑀫𑀼𑀝𑁆𑀞𑀦𑁆𑀢𑀺? 𑀤𑀥𑀺𑀁 𑀯𑀺𑀜𑁆𑀜𑀸𑀧𑁂𑀢𑁆𑀯𑀸 𑀪𑀼𑀜𑁆𑀚𑀦𑁆𑀢𑀺𑀬𑀸 𑀆𑀧𑀢𑁆𑀢𑀺𑀬𑁄 𑀙𑀦𑁆𑀦𑀁 𑀆𑀧𑀢𑁆𑀢𑀺𑀲𑀫𑀼𑀝𑁆𑀞𑀸𑀦𑀸𑀦𑀁 𑀘𑀢𑀽𑀳𑀺 𑀲𑀫𑀼𑀝𑁆𑀞𑀸𑀦𑁂𑀳𑀺 𑀲𑀫𑀼𑀝𑁆𑀞𑀦𑁆𑀢𑀺 𑁋 𑀲𑀺𑀬𑀸 𑀓𑀸𑀬𑀢𑁄 𑀲𑀫𑀼𑀝𑁆𑀞𑀦𑁆𑀢𑀺, 𑀦 𑀯𑀸𑀘𑀢𑁄 𑀦 𑀘𑀺𑀢𑁆𑀢𑀢𑁄; 𑀲𑀺𑀬𑀸 𑀓𑀸𑀬𑀢𑁄 𑀘 𑀯𑀸𑀘𑀢𑁄 𑀘 𑀲𑀫𑀼𑀝𑁆𑀞𑀦𑁆𑀢𑀺, 𑀦 𑀘𑀺𑀢𑁆𑀢𑀢𑁄; 𑀲𑀺𑀬𑀸 𑀓𑀸𑀬𑀢𑁄 𑀘 𑀘𑀺𑀢𑁆𑀢𑀢𑁄 𑀘 𑀲𑀫𑀼𑀝𑁆𑀞𑀦𑁆𑀢𑀺, 𑀦 𑀯𑀸𑀘𑀢𑁄; 𑀲𑀺𑀬𑀸 𑀓𑀸𑀬𑀢𑁄 𑀘 𑀯𑀸𑀘𑀢𑁄 𑀘 𑀘𑀺𑀢𑁆𑀢𑀢𑁄 𑀘 𑀲𑀫𑀼𑀝𑁆𑀞𑀦𑁆𑀢𑀺.

𑀲𑀫𑀼𑀝𑁆𑀞𑀸𑀦𑀯𑀸𑀭𑁄 𑀦𑀺𑀝𑁆𑀞𑀺𑀢𑁄 𑀧𑀜𑁆𑀘𑀫𑁄.