𑁩. 𑀉𑀓𑁆𑀓𑁄𑀝𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁩𑁯𑁨. 𑀢𑀢𑀺𑀬𑁂 𑀬𑀣𑀸𑀧𑀢𑀺𑀝𑁆𑀞𑀺𑀢𑀪𑀸𑀯𑁂𑀦 𑀧𑀢𑀺𑀝𑁆𑀞𑀸𑀢𑀼𑀁 𑀦 𑀤𑁂𑀦𑁆𑀢𑀻𑀢𑀺 𑀢𑁂𑀲𑀁 𑀧𑀯𑀢𑁆𑀢𑀺𑀆𑀓𑀸𑀭𑀤𑀲𑁆𑀲𑀦𑀢𑁆𑀣𑀁 𑀯𑀼𑀢𑁆𑀢𑀁. 𑀬𑀁 𑀧𑀦 𑀥𑀫𑁆𑀫𑁂𑀦 𑀅𑀥𑀺𑀓𑀭𑀡𑀁 𑀦𑀺𑀳𑀢𑀁, 𑀢𑀁 𑀲𑀼𑀦𑀺𑀳𑀢𑀫𑁂𑀯. 𑀲𑀘𑁂 𑀯𑀺𑀧𑁆𑀧𑀓𑀢𑁂 𑀓𑀫𑁆𑀫𑁂 𑀧𑀝𑀺𑀓𑁆𑀓𑁄𑀲𑀢𑀺, 𑀢𑀁 𑀲𑀜𑁆𑀜𑀸𑀧𑁂𑀢𑁆𑀯𑀸𑀯 𑀓𑀸𑀢𑀩𑁆𑀩𑀁. 𑀇𑀢𑀭𑀣𑀸 𑀓𑀫𑁆𑀫𑀜𑁆𑀘 𑀓𑀼𑀧𑁆𑀧𑀢𑀺, 𑀓𑀸𑀭𑀓𑀸𑀦𑀜𑁆𑀘 𑀆𑀧𑀢𑁆𑀢𑀺. 𑀲𑁂𑀲𑀫𑁂𑀢𑁆𑀣 𑀉𑀢𑁆𑀢𑀸𑀦𑀫𑁂𑀯. 𑀬𑀣𑀸𑀥𑀫𑁆𑀫𑀁 𑀦𑀺𑀳𑀢𑀪𑀸𑀯𑁄, 𑀚𑀸𑀦𑀦𑀸, 𑀉𑀓𑁆𑀓𑁄𑀝𑀦𑀸𑀢𑀺 𑀇𑀫𑀸𑀦𑀺 𑀧𑀦𑁂𑀢𑁆𑀣 𑀢𑀻𑀡𑀺 𑀅𑀗𑁆𑀕𑀸𑀦𑀺.

𑀉𑀓𑁆𑀓𑁄𑀝𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.