𑁧. 𑀲𑀜𑁆𑀘𑀺𑀘𑁆𑀘𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁩𑁮𑁨. 𑀲𑀧𑁆𑀧𑀸𑀡𑀓𑀯𑀕𑁆𑀕𑀲𑁆𑀲 𑀧𑀞𑀫𑀲𑀺𑀓𑁆𑀔𑀸𑀧𑀤𑁂 𑀉𑀲𑀼𑀁 𑀲𑀭𑀁 𑀅𑀲𑁆𑀲𑀢𑀺 𑀔𑀺𑀧𑀢𑀻𑀢𑀺 𑀇𑀲𑁆𑀲𑀸𑀲𑁄, 𑀥𑀦𑀼𑀲𑀺𑀧𑁆𑀧𑀓𑀼𑀲𑀮𑁄𑀢𑀺 𑀆𑀳 ‘‘𑀥𑀦𑀼𑀕𑁆𑀕𑀳𑀸𑀘𑀭𑀺𑀬𑁄’’𑀢𑀺. 𑀧𑀝𑀺𑀲𑀢𑁆𑀢𑀼𑀯𑀺𑀥𑀫𑀦𑀢𑁆𑀣𑀁 𑀥𑀦𑀼𑀁 𑀕𑀡𑁆𑀳𑀦𑁆𑀢𑀻𑀢𑀺 𑀥𑀦𑀼𑀕𑁆𑀕𑀳𑀸, 𑀢𑁂𑀲𑀁 𑀆𑀘𑀭𑀺𑀬𑁄 𑀥𑀦𑀼𑀕𑁆𑀕𑀳𑀸𑀘𑀭𑀺𑀬𑁄. 𑀅𑀧𑁆𑀧𑀫𑀢𑁆𑀢𑁂𑀦 𑀯𑀢𑁆𑀢𑀁 𑀓𑀸𑀢𑀩𑁆𑀩𑀦𑁆𑀢𑀺 𑀬𑀣𑀸 𑀢𑁂 𑀧𑀸𑀡𑀸 𑀦 𑀫𑀭𑀦𑁆𑀢𑀺, 𑀏𑀯𑀁 𑀲𑀽𑀧𑀝𑁆𑀞𑀺𑀢𑀲𑁆𑀲𑀢𑀺𑀦𑀸 𑀲𑁂𑀦𑀸𑀲𑀦𑁂 𑀯𑀢𑁆𑀢𑀁 𑀓𑀸𑀢𑀩𑁆𑀩𑀁. 𑀲𑁂𑀲𑀫𑁂𑀢𑁆𑀣 𑀉𑀢𑁆𑀢𑀸𑀦𑀫𑁂𑀯. 𑀅𑀗𑁆𑀕𑀸𑀦𑀺𑀧𑀺 𑀫𑀦𑀼𑀲𑁆𑀲𑀯𑀺𑀕𑁆𑀕𑀳𑁂 𑀯𑀼𑀢𑁆𑀢𑀦𑀬𑁂𑀦 𑀯𑁂𑀤𑀺𑀢𑀩𑁆𑀩𑀸𑀦𑀻𑀢𑀺.

𑀲𑀜𑁆𑀘𑀺𑀘𑁆𑀘𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.