𑁮. 𑀤𑀼𑀩𑁆𑀩𑀡𑁆𑀡𑀓𑀭𑀡𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁩𑁬𑁮. 𑀅𑀝𑁆𑀞𑀫𑁂 ‘‘𑀘𑀫𑁆𑀫𑀓𑀸𑀭𑀦𑀻𑀮𑀁 𑀦𑀸𑀫 𑀧𑀓𑀢𑀺𑀦𑀻𑀮’’𑀦𑁆𑀢𑀺 𑀢𑀻𑀲𑀼𑀧𑀺 𑀕𑀡𑁆𑀞𑀺𑀧𑀤𑁂𑀲𑀼 𑀯𑀼𑀢𑁆𑀢𑀁. 𑀕𑀡𑁆𑀞𑀺𑀧𑀤𑁂 𑀧𑀦 ‘‘𑀘𑀫𑁆𑀫𑀓𑀸𑀭𑀸 𑀉𑀤𑀓𑁂 𑀢𑀺𑀧𑀼𑀫𑀮𑀁 𑀅𑀬𑀕𑀽𑀣𑀜𑁆𑀘 𑀧𑀓𑁆𑀔𑀺𑀧𑀺𑀢𑁆𑀯𑀸 𑀘𑀫𑁆𑀫𑀁 𑀓𑀸𑀴𑀁 𑀓𑀭𑁄𑀦𑁆𑀢𑀺, 𑀢𑀁 𑀘𑀫𑁆𑀫𑀓𑀸𑀭𑀦𑀻𑀮’’𑀦𑁆𑀢𑀺 𑀯𑀼𑀢𑁆𑀢𑀁. 𑀲𑁂𑀲𑀫𑁂𑀢𑁆𑀣 𑀉𑀢𑁆𑀢𑀸𑀦𑀫𑁂𑀯. 𑀯𑀼𑀢𑁆𑀢𑀧𑁆𑀧𑀓𑀸𑀭𑀲𑁆𑀲 𑀘𑀻𑀯𑀭𑀲𑁆𑀲 𑀅𑀓𑀢𑀓𑀧𑁆𑀧𑀢𑀸, 𑀅𑀦𑀝𑁆𑀞𑀘𑀻𑀯𑀭𑀸𑀤𑀺𑀢𑀸, 𑀦𑀺𑀯𑀸𑀲𑀦𑀁 𑀯𑀸 𑀧𑀸𑀭𑀼𑀧𑀦𑀁 𑀯𑀸𑀢𑀺 𑀇𑀫𑀸𑀦𑀺 𑀧𑀦𑁂𑀢𑁆𑀣 𑀢𑀻𑀡𑀺 𑀅𑀗𑁆𑀕𑀸𑀦𑀺.

𑀤𑀼𑀩𑁆𑀩𑀡𑁆𑀡𑀓𑀭𑀡𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.