𑁨. 𑀉𑀚𑁆𑀚𑀕𑁆𑀖𑀺𑀓𑀯𑀕𑁆𑀕𑀯𑀡𑁆𑀡𑀦𑀸

𑁫𑁮𑁬. 𑀤𑀼𑀢𑀺𑀬𑀯𑀕𑁆𑀕𑀸𑀤𑀺𑀉𑀚𑁆𑀚𑀕𑁆𑀖𑀺𑀓𑀅𑀧𑁆𑀧𑀲𑀤𑁆𑀤𑁂𑀲𑀼 𑀦𑀺𑀲𑀻𑀤𑀦𑀧𑀝𑀺𑀲𑀁𑀬𑀼𑀢𑁆𑀢𑁂𑀲𑀼𑀧𑀺 𑀯𑀸𑀲𑀽𑀧𑀕𑀢𑀲𑁆𑀲 𑀅𑀦𑀸𑀧𑀢𑁆𑀢𑀺 𑀦 𑀯𑀼𑀢𑁆𑀢𑀸, 𑀓𑀸𑀬𑀧𑁆𑀧𑀘𑀸𑀮𑀓𑀸𑀤𑀻𑀲𑀼 𑀏𑀯 𑀧𑀦 𑀯𑀼𑀢𑁆𑀢𑀸. 𑀧𑀸𑀴𑀺𑀧𑁄𑀢𑁆𑀣𑀓𑁂𑀲𑀼 𑀧𑀦𑁂𑀢𑀁 𑀓𑁂𑀲𑀼𑀘𑀺 𑀧𑁂𑀬𑁆𑀬𑀸𑀮𑁂𑀦 𑀩𑁆𑀬𑀸𑀫𑁄𑀳𑀺𑀢𑀢𑁆𑀢𑀸 𑀦 𑀲𑀼𑀝𑁆𑀞𑀼 𑀯𑀺𑀜𑁆𑀜𑀸𑀬𑀢𑀺. 𑀬𑀢𑁆𑀣 𑀘 𑀅𑀦𑁆𑀢𑀭𑀖𑀭𑁂 𑀥𑀫𑁆𑀫𑀁 𑀯𑀸 𑀤𑁂𑀲𑁂𑀦𑁆𑀢𑀲𑁆𑀲, 𑀧𑀸𑀢𑀺𑀫𑁄𑀓𑁆𑀔𑀁 𑀯𑀸 𑀉𑀤𑁆𑀤𑀺𑀲𑀦𑁆𑀢𑀲𑁆𑀲 𑀫𑀳𑀸𑀲𑀤𑁆𑀤𑁂𑀦 𑀬𑀸𑀯𑀧𑀭𑀺𑀲𑀲𑀸𑀯𑀦𑁂𑀧𑀺 𑀅𑀦𑀸𑀧𑀢𑁆𑀢𑀺 𑀏𑀯𑀸𑀢𑀺 𑀤𑀝𑁆𑀞𑀩𑁆𑀩𑀁 𑀢𑀣𑀸 𑀆𑀦𑀦𑁆𑀤𑀢𑁆𑀣𑁂𑀭𑀫𑀳𑀺𑀦𑁆𑀤𑀢𑁆𑀣𑁂𑀭𑀸𑀤𑀻𑀳𑀺 𑀆𑀘𑀭𑀺𑀢𑀢𑁆𑀢𑀸.

𑀉𑀚𑁆𑀚𑀕𑁆𑀖𑀺𑀓𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.