𑁫. 𑀫𑀜𑁆𑀘𑀧𑀻𑀞𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁫𑁨𑁧. 𑀧𑀜𑁆𑀘𑀫𑁂 𑀧𑀸𑀴𑀺𑀬𑀁 𑀆𑀲𑀬𑀢𑁄, 𑀪𑀺𑀓𑁆𑀔𑀯𑁂, 𑀫𑁄𑀖𑀧𑀼𑀭𑀺𑀲𑁄 𑀯𑁂𑀤𑀺𑀢𑀩𑁆𑀩𑁄𑀢𑀺 𑀳𑀻𑀦𑀚𑁆𑀛𑀸𑀲𑀬𑀯𑀲𑁂𑀦 𑀅𑀬𑀁 𑀢𑀼𑀘𑁆𑀙𑀧𑀼𑀭𑀺𑀲𑁄𑀢𑀺 𑀜𑀸𑀢𑀩𑁆𑀩𑁄, 𑀳𑀻𑀦𑀸𑀬 𑀧𑀘𑁆𑀘𑀬𑁂 𑀮𑁄𑀮𑀢𑀸𑀬 𑀧𑀼𑀕𑁆𑀕𑀮𑀲𑁆𑀲 𑀢𑀼𑀘𑁆𑀙𑀢𑀸 𑀜𑀸𑀢𑀩𑁆𑀩𑀸𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀇𑀫𑀲𑁆𑀫𑀺𑀁 𑀲𑀺𑀓𑁆𑀔𑀸𑀧𑀤𑁂, 𑀇𑀢𑁄 𑀧𑀭𑁂𑀲𑀼 𑀘 𑀧𑀜𑁆𑀘𑀲𑀼 𑀅𑀢𑁆𑀢𑀦𑀸 𑀓𑀸𑀭𑀸𑀧𑀺𑀢𑀲𑁆𑀲 𑀧𑀝𑀺𑀮𑀸𑀪𑁂 𑀏𑀯 𑀧𑀸𑀘𑀺𑀢𑁆𑀢𑀺𑀬𑀁. 𑀧𑀭𑀺𑀪𑁄𑀕𑁂 𑀧𑀦𑀲𑁆𑀲, 𑀅𑀜𑁆𑀜𑁂𑀲𑀜𑁆𑀘 𑀤𑀼𑀓𑁆𑀓𑀝𑀫𑁂𑀯. 𑀧𑀫𑀸𑀡𑀸𑀢𑀺𑀓𑁆𑀓𑀦𑁆𑀢𑀫𑀜𑁆𑀘𑀧𑀻𑀞𑀢𑀸, 𑀅𑀢𑁆𑀢𑀦𑁄 𑀓𑀭𑀡𑀓𑀸𑀭𑀸𑀧𑀦𑀯𑀲𑁂𑀦 𑀧𑀝𑀺𑀮𑀸𑀪𑁄𑀢𑀺 𑀤𑁆𑀯𑁂 𑀅𑀗𑁆𑀕𑀸𑀦𑀺.

𑀫𑀜𑁆𑀘𑀧𑀻𑀞𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.